حدوتة النهاردة هتبقا اسمها( البيت الاخضر او العمارة الخضرة) تابعو الثريد قبل السحور عششان هتبقا تقيلة ❤
جاهزين باقي ربع ساعة
قبل ما ابدأ الحكاية احب اعرفكم ان الثريد هيبقا طويل شوية عشان الحكاية دي طويلة ف ياريت تتابعو
اول حاجة العمارة الخضراء دي ف العريش
( شمال سيناء) العمارة دي ف منطقة اسمها البلد اول حاجة انا عيشت سنين ف العريش بس كنا قاعدين ف منطقة اسمها الضاحية و ف يوم قررنا ننقل ونقعد ف نص البلد خدمات وكل حاجة جنبنا ف نزلت المنطقة دي وقررت اني ادور ف المنطقة دي ع شقة واسعة وفنص البلد
( شمال سيناء) العمارة دي ف منطقة اسمها البلد اول حاجة انا عيشت سنين ف العريش بس كنا قاعدين ف منطقة اسمها الضاحية و ف يوم قررنا ننقل ونقعد ف نص البلد خدمات وكل حاجة جنبنا ف نزلت المنطقة دي وقررت اني ادور ف المنطقة دي ع شقة واسعة وفنص البلد
روحت عديت من جنب العمارة وعجبتني الصراحة و مساحتها كبيرة ف دخلت عشان اشوف ليها بواب ولا لا دخلت وخبط ع البوابة البواب طلعلي وقالي خير قولتلة كنت عايز اخد شقة هنا وعايز اعرف بكام ونظامها اي المهم اتفقنا وكلو تمام وقالي عدي عليا بكرة اكون حضرت العقود ونا قولتلة تمام ونا هجيب ابويا
روحت وقولت لاهلي اني لقيت الشقة خلاص وتاني يوم اخدت ابويا وروحنا ع الشقة عشان يكتب العقد مع الراجل و روحنا ملقيناش البواب وخبط كتير جدا محدش طلع ف لقيت ولد ماشي كدة ف قولتله لو سمحت هوا بواب العمارة دي فين ف قالي لية قولتلة الي حصل وانة قالي تعالى بكرة ف بصلي جامد وقالي معرفش
ف انا استغربت وروحنا وبعدها بكام يوم روحت تاني وخبط ع الباب لقيتة طالع ف بقولة اي يحج انتا فين جيتلك زي ما اتفقنا ونتا مكنتش هنا قالي انتا مين اصلا ف رجعت كلمتة تاني ف الموضوع وقالي ثواني وجايلك ودخل الاوضة بتاعته وقعد بتاع نص ساعة ومطلعش ف قررت اني ادخل واشوفة فين
دخلت لقيت باب الاوضه ضلمه خالص ومفيش صوت نفس ف العمارة وخبط ع الباب محدش فتح كان عندي فضول افتح الباب بس مفتحتهوش و قولت هروح لصاحبي ساكن بعد العمارة ب 6 شوارع فعلا روح وقولتله ع الي حصل قالي انتا قصدك ع العمارة الخضرة.. العمارة دي مفهاش بواب ولا ناس من اول ما اتولدت
الموضوع شغل بالي اووي بس ركنت الموضوع ع جنب وجيبنا شقة ف نفس المنطقة بس بينا 4 عماير بس عشان اشوف الي بيحصل و ف يوم قولت لصاحبي ع العمارة وقالي عايزين ندخلها ونعرف اية الي جوا وحكايتها اي واتفقنا فعلا ع يوم نتقابل فية وكنا هنتقابل قبل العمارة بكام شارع بس ونا رايح عشان اقابلة
لقيت بلوك طوب واقع من جنب دماغي بالظبط و اتكسر مليون حتة مع العلم ان المنطقة دي شوارعها واسعة جداا ونا كنت ماشي ف نص الطريق ومفيش جنبي عماير بتتبني ولا ف حد ف البلكونات ولا ع السطح و الشارع مفهوش صوت كانت الساعة 9 بليل
انا وقف ف مكاني وبعدين قولت لا ياعم دة هبل اي دة بس اومال هتعمل اي لما تدخل العمارة ودي كانت اول مره اعمل كدة ف حياتي ومكنتش بقتنع بالجن بس بعد الي حصل اقتنعت المهم قابلت صاحبي وحكيتلة الي حصل واحنا ماشيين ف اتجاه العمارة و خلاص اهو قربنا من العمارة سمعنا
صوت صريخ وضحك ف نفس الوقت بنبص حوالينا و بقول ل صاحبي لا لا الصوت طالع من العمارة اجري يلا وطلعنا الكشاف و كانات الشبابيك كلها مقفولة خالص بتاعت العمارة راح شبكلي ب ايدة و نا حاولت افتحها ومرة واحدة الشباك اتفتح ف وشي زي ما يكون حد رزعة من جوا بس ف حاجة غريبة حصلت لقينا الشباك
اتفتح ل جوا...! اومال اي الي خبط ف وشي ووقعني ع الارض المهم قومت ونطيت لقيت ف الشباك او الشيش زي كف ايد بس حارق الشيش و محفور ل جوا طبعا كنا لابسين جوانتيات وكدة دخلنا ومشينا ملقيناش حاجة غريبة غير اصوات طالعة من العدم ونا ماشي عادي جداا بس ببص لقيت صوت صحبي وتقطع ومش واقف جنبي
بدأت انادي علية مش سامع صوتة بدور عوية لقيتة فوق السطح نايم ع الارض ومغمض عينة ف هزيتة ب رجلي لقيتة فتح عينة وقالي احنا لازم نمشي من هنا يا اسلام بجد انا اتسحبت يا اسلام انا نزلت تحت الارض واللة صدقني انا خايف ف روحنا ماشيين و قررت اني اروح لوحدي تاني يوم
ونا مروح دخلت البيت لقيت ف الدور الاول جنية ع الارض عادي طبيععي اخدته بس مش دي المشكلة المشكلة اني قعدت الاقي الجنية دة لمدة 4 ايام متواصلين لحد ما قررت اني اروح و قولت ل نفسي انا هروح المرادي وخلاص خدت الكشاف و معايا شومة احتياطي مش عارف خدتها لي بس دة الي كان ف دماغي ساعتها
روحت فعلا انا قودام العماره ناو بس لاحظت حاجة غريبة ان جميل ابواب وشبابيك العمارة كلها مفتوحة عكس المرة الي فاتت ف قررت اني ادخل من الباب و استكشف من اول دور بقا لحد فوق اول دور انا ماشي اهو و سامع صوت نفسي بس ف المكان ولقيت وداني بتصفر جاامد رميت الكشاف و مسكت ودني والصداع مسكني
قعدت ع ركبي كدة وبصيت ف الارض لقيت الصوت بدأ يروح لحد ما بقيت تمام مسكت الكشاف و بنور قودامي لقيت قط اسود رجلة طويلة و ايدة عادية وواقف عليهم وباصصلي انا اتخضيت ورميت الكشاف وبعدها جيبتة وبنور تاني ملقيتشش القط قعدت امشي وادور علية ملقتهوش بس لقيت حاجة تانية
لقيت البواب بيصرخ جاامد جداا ف وشي لدرجة فظيعة وبعدها سكت و قالي بصوت واطي اي الي جابك هنا.. دة انتا هتموت و ملقتهوش قودامي بعد الجملة دي انا حرفيااا جتلي حالة صرع و طلعت اجري بطريقة هستيرية ع البيت و مش عارف وصلت اذاي للبيت ونايم ع السرير كمان.. بس الحوار مخلصش ع كدة لا..
تاني يوم كان ورايا فرح مع صحابي و المفروض اننا رايحين وهما هيعدو عليا عشان القاعة جمب البيت اليوم دة انا مكنتش طبيعي خالص كنت قافل ع نفسي الباب ال 24 ساعة ومرة واحد طلعت جيبت سكينة من المطبخ و جيبت حجر ريموت و سيلفي ستيك و قعدت ع السرير كسر السيلفي. وطلعت من البطارية بتاعتها
وبعدها طلعت منه بدره رصاص ومن حجر الريموت برضو وجيبت السكينة وشرحت ايدي ف ناس كتير من صحابي هنا شافو الصور بس محكيتش لحد سببها اي او عملت كدة لية لان الحوار زي ما نتو شايفين طويل ومش عارف هل ادارة تويتر هتسمح بالدم وكدة ولا لا المهم جيبت الدم ع السكينة و حطيت علية بدره الحديد
وروحت مولع مفيهم ومن هنا عرفت ريحة الدم المحروق انا شميتة من هنا و اغم عليا بس انا كنت صاحي وبتحرك ف الاوضة شوفت قودامي البواب بيقولي انتا هتموت انتا اتدخلت ف عالم غير عالمك ونا كنت مبعرفش انطق كلمة شوفت قودامي جن بجد وبيقولي بصوت غريب العيلة بتاعت البيت الي دخلتة خطفناهم
بسبب انهم اتدخلو ف عالمنا ومرة واحدة لقيت نفسي فوقت وايدي غرقانة دم وصحابي كاسرين عليا الباب وبيقولولي مالك انتا عملت كدة لي وبتصرخ لية قولتلهم انا صرخت انا فلا مصرختش انتو بتقولو اي بس قالولي انتا كويس يا اسلام وشربت مية وقعدت وقالولي يلا ننزل يا اسلام عشان الفرح
مرضيتش انزل معاهم الفرح واستنيتهم لما نزلو وروحت مقابر جنبنا ف منطقة اسمها العزبة روحت و دخلت ونا مش عارف بعمل كدة لي اصلا قعدت ع ركبي ببص ف الارض وبعيط بس دة الي بعملة ومرة واحدة لقيت الدنيا اسودت قودامي بس دي مش حيطة لا لا دة سواد عتمة ببص ورايا لقيت نفس الموضوع وف خلال لحظات
لقيت نفسي كأني اتحطيت ف قبر مش عارف اتحرك يمين ولا شمال حاجة زانقة غليا من كل الاتجاهات ومن فوقي ايدي بدأت تتكتف ونفسي بدأ يديق جاامد قعدت اصرخ جامد اي الي وداني المقابر اي الي خلاني اعمل كدة بس بعد فترة لقيت نفسي بفتح عيني ونا ف المقابر بس الصبح و الشمس ف وشي وامي واقفه جنبي
ببص ل امي وبقولها انا فين قالتلي الشارع كلو كان سامع صوتك ونتا بتصرخ و وصلنالك من شوية وبيقولو انك بتصرخ بقالك 9 ساعات متواصل انا اتصدمت حرفيااا و قومت معاهم وروحت لقيت كل ايات القرأن الي ف البيت مقلوبة وشها للحيطة و المصاحف مش موجودة ولقيت اختي الصغيرة قاعدة تعيط
بقولها مالك قالتلي شوفت ف اوضتك حاجة بتتحرك و وكانش ف حد ف البيت غيرها المهم قعدنا شغلنا قرأن و الرقية الشرعية ف البيت وكان ف شيخ كدة نعرفة هناك قولتلة الي حصلي ف قالي العمارة الي انتا دخلتها دي مهجورة ومسكونة ب عشيرة جن ونتا دخلت واقتحمت عالمهم وكانو عايزين يموتوك و قعدت اتعالج
3 شهور مع الشيخ دة ويقرأ عليا و بدأت ارجع ل صوابي تاني و اهدا واخف واحدة واحدة كدة وبعدها سيبنا المنطقة دي ومشينا منها ومن ساعتها ونا بأمن بالجن اوي وبل بالعكس بقرأ في العلم دة و الحمد للة بقيت بفهم فية بس برضو روح المغامرة عندي مش هتخلص ودي كانت القصة يارب تكون عجبتكم
جاري تحميل الاقتراحات...