مين فينا يحلم بجسم رياضي ??? .. ياما فلوس انصرفت على نوادي و اكل صحي ??♂️? ومن بكرة ح اروح النادي وازبط اكلي وبعد النادي يضرب في نعمة ربي ?.. طيب اتخيل انو في ناس عندهم عضلات من غير الهيلمان دا كلو ? .. جسمو يخليك تبكي ? والمصيبة انو ما يروح نادي ابدا ??♀️ ولا يتمرن أساسًا ???♂️
أيوة بالزبط انا جي اخلص عليكم وانكد عليكم ???♂️
في عام ٢٠٠٥ Liam Hoekstra اتولد في امريكا بمرض غريب ? .. وامو اتخلّت عنو عشان مهي كانت قادرة تتحمل مصاريف علاجو ? واتبنوه عائلة واتكفلت بيه ?
في عمر ٤ شهور كان يقدر يوقف على راسو بثبات ? ولما صار ٥ شهور الطفل الطبيعي يا دوب يجلس على حيلو ?? لكن ليام قدر يتعلق على حبل الجمباز بنفسو ??♂️ وكان يقدر يدق جرس البيت لحالو ويطلع الدرجة في حين باقي البزورة يا دوب يحبو على اياديهم ?
ياحبيبي كان يقدر ينقل اثاث البيت في عمر سنة ???♂️
واهلو لاحظو الموهبة اللي فيه وسجلوه في الجمباز عشان ينمي موهبتو ? .. على عمر سنة ونص كان قادر يرفع نص جسمو فوق العقلة وباقي البزورة يا دوب يرفعو دقنهم فوقها ?
كان يقدر يشيل أوزان تقيلة بالنسبة لعمرو من غير ما يأخد نفس او وجهو يفطس ?
بعدها اهلو بدأو يشكو انو في حاجة غريبة ?وخلوه يتابع مع دكتور واتشخص بمرض نادر جداً اسمو myostatin-related muscle hypertrophy
وهو عبارة عن خلل جيني? في تصنيع البروتين بحيث الجسم يصنع ضعف كمية البروتين ويبني العضلات بسرعة ?? ويثبط تصنيع الدهون❌
في الجسم في بروتين اسمو مايوستاتين ودا البروتين كل ما زادت نسبتو كل ما كان صعب على الواحد انو يبني عضلات .. لكن في المرض دا يكون تصنيع المايوستاتين قليل وبكدا تزيد نسبة العضلات في الجسم ??
يبويا في عمر ٣ سنين كانت نسبة العضلات في جسمو ٤٠٪ وجزئية بسيطة بس من الدهون ?
طبعاً بعدها اهلو دخلوه في فريق هوكي ? وكان في فريق الجمباز برضو ومن هنا انشهر ? وبدات تصير معاه مقابلات ? وفي عمر ١٤ سنة وصلت قيمتو مليون دولار وحصل على لقب أقوى طفل في العالم ?
الجلطة انو كان يجلس في البيت يضرب في نعمة الله وجسمو بيبني عضلات ??
هنا فيديو عن ليام وهو صغير وكيف يتمرن
m.youtube.com
m.youtube.com
طبعا المرض دا مافيه اي أعراض جانبية او خطورة .. والعلماء حاولو يدرسو حالة ليام ويصنعو مواد تمنع تصنيع المايوستاتين عشان يطلعو ببراءة اختراع دواء ? يصنع أشخاص خارقين ??♂️ بس لسا تحت التجارب?
في نهاية ان شاءالله تكونو انبسطتو وعجبكم الموضوع ؛ ريتويت لو استفدت ? هنا مواضيع تانية لو حابب تستفيد ???
جاري تحميل الاقتراحات...