عارف لما تفضل محتار و بتفكر أزاى تقول لحد أنك بتحبه...و تكتب و تمسح...و بعدين تكتب جواب و اتنين و عشره و تقطعهم...و تفضل تفكر يا ترى يا هل ترى اللى بحبه ده بيحبنى و لا حيرفض كلزاتى و مشاعرى و تفضل رايح جاى لايد زى الفرخه اللى عليها بيضه...جربت الأحساس ده...و كام مره داريت
١

و تفضل تفكر و تقول يا رب هو انا ليه ماعنديش القدرة على قرأة الأفكار كنت عرفت الانسان ده مشاعره ايه من ناحيتى....
و تفضل تسهر تفكر ...و تقوم مصدع...و تلف و تدور حوالين نفسك زى النحله الدايخه...
و فجأة تلاقى مكالمه جيالك من نفس الشخص بيصبح عليك و بيقولك انت غالى عندى اوى
٢

و تقول فى نفسك يا فرج الله يا قريب...اتشجع بقا و اقول اللى فى نفسى...ثم تندهش لما يقولك انت فين ما تيجى نتقابل... انا عايز اسمعك...و تنط من الفرحه و تلبس و تتشيك وبعدين تقف مبلم...طيب حقول ايه و يا ترى انا استاهل الحب ده؟
ده لو عرف بلاويا ممكن يدينى بالجزمه...
٣

فتقوم مطنش الميعاد...و تقعد و تقول خلاص اكيد حيزهق منى...اكيد ماعدش حيكلمنى... ده انا حاجه نيله...فتلاقى مكالمه جيالك انت فين؟
معلش حصل ظروف...و تلاقيه بيقولك طيب مش محتاجنى جنبك تسكت شويه و تقول ما استغناش...
و تقعد بعدها...
و يعاتبك مره و اتنين و عشره...
٤

و برضه ما بينساكش و لا بيتأخر عنك...
عارف بقا حضرتك اننا بنعمل كده مع ربنا...بيمن علينا و ننساه...بيقولك تعالى عايز اشوفك ٥ مرات و بتكسل...
بيقولك مهما عملت حسامحك و انت من تغفيلك بتشك فى قدرته و رحمته...
و بعد ده كله بيفرح لما ترجعله...
فهمت اد ايه هو قوى بس غفور رحيم
???