كبداية مشكلة السودان اكبر من فض الاعتصام واكبر من أستاذ الصادق وأكبر من قحت،
الحصل أثناء الثورة كلنا لمن مرقنا الشارع كنا عارفنو ح يحصل في ظل نظام قمعي، ما ح نتوقف في الكم شهر ديل وننسى التاريخ الاسود بتاعنا.
الحصل أثناء الثورة كلنا لمن مرقنا الشارع كنا عارفنو ح يحصل في ظل نظام قمعي، ما ح نتوقف في الكم شهر ديل وننسى التاريخ الاسود بتاعنا.
نحنا لازم نفهم انو مانحنا البنقرر مصير العسكر، لانو لو اتفتح النقاش ده النص مليون الماتو في دارفور وجبال النوبة اهلهم احق مني ومنك،
لازم نفهم انو نحنا القشة القصمت ظهر البعير !
السودان ومنذ نعومة أظافره إبان استقلاله ممكن نحصر مشاكله في:
لازم نفهم انو نحنا القشة القصمت ظهر البعير !
السودان ومنذ نعومة أظافره إبان استقلاله ممكن نحصر مشاكله في:
النزاعات القبليةوالموارد المهدرة في مناطق النزاعات دي، اي مشكلة تانية ح نلقاها مرتبطة بالمشكلتين ديل.
طيب!
من الف وتسعمية كم وتمنين بداية المشاكل في دارفور وبداية تسليح الجنجويد على يد التشاديين عشان يسلبوا اراضي الفور والمساليت منهم من اجل الرعي
طيب!
من الف وتسعمية كم وتمنين بداية المشاكل في دارفور وبداية تسليح الجنجويد على يد التشاديين عشان يسلبوا اراضي الفور والمساليت منهم من اجل الرعي
(طبعا تاريخيا بينهم مشاكل ونزاعات في بهيمتي دخلت ارضك وبتاع وتدور الدوشكا) لحدي ما بقى نزاع مسلح والخرطوم ماكانت شغالة بالموضوع كتير لحدي بداية الالفينات قررت تفرض سيطرتها على اقليم دارفور بالسلاح والامر اتطور لحدي مابقت تدعم الجنجويد بالسلاح
(طبعا الجنجويد باقي نزاع تشادي -ليبي معروف آنذاك) وطبعا ده ديدن الحكومات في فض اي نزاع قبلي على مر تاريخنا (الصادق المهدي في ٨٨ سلح القبائل الحدودية مع الجنوب عشان يوقفوا التمرد ومايصل الشمال)
الحكومة بعد فقدت الجنوب وفقدت كم وسبعين في المية من مدخلاتها النفطية ماكانت مستعدة تفقد دارفور كمان فدورت حرب طاحنة في دارفور لحدي ما كونت الدعم السريع اللي هوا مسؤول عن فقدان كم وتلتين الف مواطن لمساكنهم (النزاع في دارفور ككل قتل اكتر من ٥٠٠ الف واتسبب في نزوح
اكتر من ٣ مليون مواطن من مسكنه بنهاية ٢٠١٥)
واحد من الاسباب الولعت النزاع انو الحكومة رسلت ولاة من الخرطوم يحكموا الاقليم وهم لا يفقهوا شيئاً هناك (طبعا نميري عمل نفس الحاجة دي في الجنوب في ولايات الاستوائية واعالي النيل وكانت واحدة من اسباب اشتعال التمرد).
واحد من الاسباب الولعت النزاع انو الحكومة رسلت ولاة من الخرطوم يحكموا الاقليم وهم لا يفقهوا شيئاً هناك (طبعا نميري عمل نفس الحاجة دي في الجنوب في ولايات الاستوائية واعالي النيل وكانت واحدة من اسباب اشتعال التمرد).
طيب من الواضح انو حكومة الجبهة الواحدة فشلت في السودان (مدنياً وعسكرياً) قحت بمساوئها إئتلاف / تجمع لأصحاب مصالح (احزاب ومعارضة مسلحة وغير مسلحة) لأول مرة يقعدوا مع بعض ومتضمنة العسكر، اذن نحنا امام فرصة تاريخية لاعادة تشكيل الوطن الواحد مفروض نديهم فرصتهم كاملة.
ماداير اتكلم عن الكفاءات والتمكين، لانو يا جماعة ديل نحنا كده الانسان الافريقي كده العربي كده الآي كيو بتاعنا كده ف نصبر بس ياريت.
جاري تحميل الاقتراحات...