الالية الاقتصادية وانخفاض الدولار بسرعة الصاروووخ..
طبعا في ناس متكيفين شديد بانو الدولار هبط وبرجعو السبب للجنة الاقتصادية...
سؤال عليك الله الآلية دي هسي عملت شنو عشان الدولار يهبط بالطريقة دي..
الدولار هبط حقيقي ودي ما اول مرة يهبط منذ زمن الانقاذ عندما تاتي (1/5)

توجيهات بردع تجار العمله بيحصل انخفاض في اسعار العملات الاجنبية قصاد الجنية السوداني..
السبب في الانخفاض ليس عمل الآلية الاقتصادية ولا الخوف من ردع الحكومة..
السبب حنكة وذكاء تجار العمله في السودان .. تجار العمله بيستغلو موقف الحكومة ويطلقو اشاعة ردع الحكومة لتجار (2/5)

العمله ليروض فريستهم من الجبناء والارزقية والمستجدين..
تجار العمله عارفين في ناس كتار عندهم عمله وما عندهم شغله بتجارة العمله يعني مستجدين او بمعني اصح فااارات عارفين الحكومة لما تصدر مثل تلك القرارات بحاولو يتخلصو من العمله حقتهم لتفادي الخسارة..
التجار بيخفضو السعر (3/5)

والفارات ببيعو والقطط السمان بيشترو ...
والقطط السمان هي من تتحكم في سعر الدولار انخفاض ثم زيادة ..
الدولار من 147 الي 130 الي 145 الي 160 /170 وقريبا الي 200..
ذلك ما يحدث دائما ..
من يتحكم في الدولار التجار وليس الحكومة..؟ والحكومة لا تستطيع ان تردع اي شخص لان (4/5)

الدولار في السودان خشم بيوت واول بيت ال ... ...
عشان نكون واضحين مع انفسنا الحكومة ما عندها دولار واللجنة الاقتصادية دي يادوووب اقسمت.. طيب السبب البخلي الدولار ينزل شنو ..
التجار.. التجار .. عشان ما تغشو الناس ساكت .. (5/5)