اسمعوا صدق جا بخاطري اقولكم قصه مدري متردده شوي وبنفس الوقت بنزلها دقايق واحذفها شرايكم؟؟ويمكن اخليها اذا اعجبتكم
*قصه شبه حقيقيه*
تذكرت ذاك اليوم لما قررنا ننتقل لديره عشان اعمامي وانا مبي وخايفه واول ماوصلنا صدمة كان السقف خشب!!اول يومين مانام زين وزعلانه ابد ماتحملت وكل يوم ازن عليهم نرجع ويجي ذاك اليوم اللي غير رايي....يتبع
تذكرت ذاك اليوم لما قررنا ننتقل لديره عشان اعمامي وانا مبي وخايفه واول ماوصلنا صدمة كان السقف خشب!!اول يومين مانام زين وزعلانه ابد ماتحملت وكل يوم ازن عليهم نرجع ويجي ذاك اليوم اللي غير رايي....يتبع
كانت امي معزومه وبنات عمتي عندنا وكنا سوالف الا نطت وحده من البنات قالت وش رايك نروح للبقاله؟قلت لا ياويلي لازم اقول لامي قالت امشي بس محد داري ويمكن اوريك شخص قلت اوك وطلعنا للبقاله وانا داخله اناظر الاغراض حسيت احد يناظرني ولما لفيت وخر عينه عني قلت شفيه ذا يتعاطى شي ولاغيره!؟
بس تبون الصراحه كان مره حلوو بس انا يعنني كبرياء وقلبت عيوني ولفيت اخذنا اغراضنا وحنا طالعين الا بنت عمتي تقول شفتيه؟؟قلت مين قالت الولد(ابو شامه)وتجلس تمدحه لي وانا مسويه ماهتميت ويجي الليل وافكر فيه وتمر الايام ويجي ذاك اليوم اللي اخوي يتهاوش مع اخوه!!...يتبع
الحين خلصوا عيال الحاره عشان تتهاوش مع اخوه ياتبن!!قهرني المهم بحكم انه اخوي الصغير طلعت فازعه له قلت هيه ممكن تاخذ اخوك وتأدبه ضحك شوي قال ممكن تطلعين منها انا عصبت ومسكت يد اخوي وحطيته وراي قلت مب طالعه منها شعندك!!؟ابتسم وضعت وحاولت امسك نفسي قلت خلاص تسامحوا ونروح البيت قال..
قال طيب بس وش اسمك؟قلت شفيه ذا مسوي نمر بن عدوان!!قلت مالك شغل وسحب اخوي ورحت مع مرور الايام من الصراعات الحلوه صادفته قدام بيتنا ووقفني قال اصبري شفيك دايم معصبه قلت ولا شي شبغيت قالي بكره مسوين مباراه ورا بيتكم تجين؟ اثقلي يامرزوقه اثقلي قلت له بشوف عطاني ابتسامه وراح?...يتبع
جا اليوم اللي نروح للمباراه نتفرج واعزم بنات عمتي واختي معي اللي فضحوني حسبي الله ونتكي نتفرج وصار فيه تبادل نظرات وضحكات لين خلصت مباراتهم وجا يمشي يمنا يمه قدني ببول قلت يالله بنروح بيتنا ونحشت وخليته ينثبر يمه شفيه وش يبي مدري ومرت الايام وصرت ماعصب عليه والوضع عادي..يتبع
مرت الشهور وقررت امي ماطلع للبقاله خلاص مافيه عيب هف ويجي ذاك اليوم فيه زواج بالقريه زواجاتهم مو قصر لا حوش كبيررر وجابوا طقاقه ويجي دوري ارقص انا وبنت عمتي وانا ارقص شششفففتتته يناظر من بعيد ويأشر لي بيده!!!؟؟ انا توترت لدرجه نزف خشمي دم ???
ومرت الايام وشهور وانتقلنا من جنبهم وكانت من اتعس سنواتي وبعدها توفى ابوي الله يرحمه وقررت امي ننتقل لدوادمي وياما بكيت ذيك الايام وفقدته حيل وهو حاول كم مره يجي عشان يشوفني ومن محاولاته انه ياخذ اخوي لحلقة تحفيظ ودخل الحوش وكنت جالسه فيه وشافني ماتحرك ولاتحركت لين اخوي جاه وخر?
وبس مرت سنين ولليوم ماشفته ولا ادري عن اخباره ابداً ويارب ماطولت عليكم حاولت اختصرها ❤️❤️❤️❤️
جاري تحميل الاقتراحات...