في موضوع حابي اتكلم عنو...بخصوص المستقبل والحياه العلميه والعمليه نحن السودانين اكتر حاجه بتخلينا ماننجز خوفنا من كلام ورده فعل الناس يعني مثلا الواحد بيقرا تخصص ماعندو اي علاقه بيه ولا في رغبه بس عشان الناس يقولو قرا كدا او الواحد بعد مايتخرج مثلا في مجال الطب يتخصص تخصص بس
عشان والله المجتمع ونظره المجتمع ..الحاجه العاوز اقولها ان عادي تقرا قرايه بتحبها..عادي تقرا وماتمشي كويس في الجامعه وتعيد كم سنه الحاجه دي ماحتنقص منك شي لو ركزت مع نفسك ماركزت مع الناس..عادي تقرا كم سنه في تخصص وماتلقى نفسك فيه وتحول تخصص تاني في جامعه تانيه...عادي بعد ما تتخرج
تحس ان دا ماكان مجالك ابدا من اول وجديد المانع شنو هل الناس ديل حيعيشو حياتك معاك !!..عادي تتخرج وماتلقى شغل طوالي وانت مجتهد عشان دا نصيب وتقدير فاعلم ان ربنا عنده تقدير وكل تاخير لخير ..عادي انت كدكتور تتخرج وماتتخصص طوالي وتشوف ناس اخوانك بدو تخصص ويمكن بقو اخصائين وانت لسا
عشان في ظروف وفي تقديرات في النهايه انت الحاجه الخاتيها في بالك لو ركزت عليها حتصل حتى لو بعد حين ..عود نفسك نجاح غيرك نجاح ليك افرح ليه وماتمسكك غبطه في نفسك ليه انا ما اكون زيو !! يمكن انت احسن منو لكن ربنا رايد الحاجه دي ويمكن انت راجيك مستقبل اكبر ..الخلاصه من الكلام دا لو كل
واحد ركز على نفسه واجتهد وبعد عن كلام الناس ونظر المجتمع واجتهد في حاجته اتخبط مره واتنين اتاخر سنه واتنين وتلاته مامشكله مش في النهايه حيصل!! عيش حياتك صح هي مره في العمر خلي ايمانك بربنا كبير وحتنجز وحتعيش حياه كريمه طال العمر ولا القصر وفي النهايه العمر مجرد ارقام
والانجاز ماعندو عمر معين
Drsemos
Drsemos
جاري تحميل الاقتراحات...