BBC
كانت عاملة تحقيق رائع عن مواطن نصاب من دولة مالي إسمه باباني سيسوكو سرق من بنك دبي الأسلامي 250 مليون $ في حقبة التسعينيات لحد 2004 تقريبا وفي احكام دولية كتير عليه ومش عارفين يقبضوا عليه لحد دلوقتي وحقيقي هو ده البروفيسور اللي بجد وبيلا تشاو بيلا تشاو?
كانت عاملة تحقيق رائع عن مواطن نصاب من دولة مالي إسمه باباني سيسوكو سرق من بنك دبي الأسلامي 250 مليون $ في حقبة التسعينيات لحد 2004 تقريبا وفي احكام دولية كتير عليه ومش عارفين يقبضوا عليه لحد دلوقتي وحقيقي هو ده البروفيسور اللي بجد وبيلا تشاو بيلا تشاو?
الرواية الرسمية بدأت من سنة 1995 إن سيسوكو توجه لفرع البنك بيطلب قرض لشراء سيارة ومدير البنك " محمد صالح ايوب " وافق علي القرض وهنا عم سيسوكو طلب يقابل مدير البنك وبطريقة او بأخري أقنعة بقبول دعوته ع العشاء في بيته ودي بداية اللعنة ..
بعد قبول مدير البنك دعوة عم سيسوكو النصاب للعشاء في منزله المتواضع قدر يقنعه إنه يقدر يضاعف الفلوس عن طريق السحر الأسود وكنوع من التجربة أخد من مدير البنك مبلغ مالي وبعدها حصل فرقعة ودخان وهوب الفلوس بقت الضعف
بعدها بقى هو ومدير البنك إصحاب مقربين اللي هو ده إنت لقطة فينك من بدري، وإستمرت عملية تحويل الأموال من داخل البنك لحسابات سيسوكو النصاب اللي كانت في اكتر من دولة وأكتر من بنك الغريب في الموضوع بالنسبالي إن سيسوكو كان عنده سخاء رهيب علي كل الناس اللي يعرفهم او بيتعاملوا معاه
كان بيوزع فلوس هنا وهناك بشكل لا يصدق الملايين بالنسباله كانت ولا حاجة صرف وشبرقه حرفياً كل الناس اللي إتعاملت معاه أخدت منه مبالغ وهمية مقابل إنه كان مبسوط والغزالة رايقة
بعدها هرب فترة وعاش في امريكا وهوب إتصاحب علي موظفة في قسم التحويلات في بنك " سيتي بنك " وإتجوزها
بعدها هرب فترة وعاش في امريكا وهوب إتصاحب علي موظفة في قسم التحويلات في بنك " سيتي بنك " وإتجوزها
بعد ما إتجوز الموظفة في قسم التحويلات في سيتي بنك قدر يحول كل الفلوس ويدخلها في حسابه بعد ما فتح حساب في البنك الجديد بتسهيلات من زوجته اللي هي اصلاً موظفة في نفس ذات القسم مجرم عليا النعمة مجرم ياجماعة ?
الغلطة الوحيدة اللي غلطها في القصه دي إنه كان عايز يشتري من الولايات المتحدة طائرتين هليكوبتر من نوع هيوي
ودي طيارات حجمها كبير كانت بتستخدم في حرب فيتنام والولايات المتحده بتفرض قيود علي تصديرها بدون رخصه حاول هو يسرع الموضوع بإعطاء رشوة لضابط في الجمارك فتم القبض عليه
ودي طيارات حجمها كبير كانت بتستخدم في حرب فيتنام والولايات المتحده بتفرض قيود علي تصديرها بدون رخصه حاول هو يسرع الموضوع بإعطاء رشوة لضابط في الجمارك فتم القبض عليه
بعدها اتسجن في سجن تشامب -دولون في جنيف والفاجر القادر كان بيجيب كل يوم للسجن كله عشاء سخن بالطيارات من باريس
لدرجة ان مدير السجن كان بيماطل في إجراءات ترحيلة علشان يقعد معاهم اطول فترة ممكنه وبالفعل تم ترحيلة وكان في دبلوماسيين كتير بيضمنوه قدام القاضي علشان يطلع بكفاله
لدرجة ان مدير السجن كان بيماطل في إجراءات ترحيلة علشان يقعد معاهم اطول فترة ممكنه وبالفعل تم ترحيلة وكان في دبلوماسيين كتير بيضمنوه قدام القاضي علشان يطلع بكفاله
وبعد مفاوضات كتير مع المحكمة هيخرج عم سيسوكو النصاب بكفالة 20 مليون دولار وده وقتها كان اكبر رقم ممكن يتدفع في ولاية فلوريدا نظير خروج متهم بشكل مؤقت وبعد ما خرج أمر بشراء سيارات فارهه لطاقم الدفاع وفرتك يابا الفلوس دي اخر حاجة نفكر فيها اهم حاجة ربنا طلعنا بالسلامة ?
فضل لمدة 14 شهر لحد ما إتحدد تاريخ لمحاكمته كل يوم بيفرتك ملايين الدولارات وعمل قاعدة شعبية ليه في ميامي عظيمة وحشد ناس كتير مؤيدة ليه وكان حكم القاضي بالسجن لمدة 43 يوم ودفع 250 الف $ غرامة، قضى نصف المدة وخرج علشان اتبرع بمليون$ لملجأ للمشردين واللي معاه ربنا يمشى ع المياه?
بعد ما خرج رجع لدولته مالي وإستقبلوه هناك إستقبال الفاتحين كإنه بطل عائد من معركة وفي نفس الوقت كان الموضوع بدأ ينتشر في بنك دبي الإسلامي وريحة الموضوع فاحت وإتحكم علي مدير البنك ب 3 سنين والحكومة هناك تحملت الخسائر دي كلها وسحبت حصصها من البنك وفي نهاية الثريد دي صورة سيسوكو
جاري تحميل الاقتراحات...