ما حدا عم يقول عن الثورة مؤامرة ولا حدا عم يشيطنها، عم نحكي عن الاوامر الاميركية للحريري وجنبلاط لاسقاط حكومة دياب. يعني الجماعة رح ينزلوا مع الثوار عالشارع.
ما تعطوا فرصة ينركب عليكن من الحريري ليرجع رئيس حكومة ويركب عالكل مرة تانية. حسان دياب بيتحمل مسؤولية ٣٠ سنة؟ فلسوا البلد ورفضوا يتحملوا مسؤولية، وبس اجا مين يحملها جنوا زمرة الفساد وايتام رفيق الحريري.
ضد النظام؟ كلن فاسدين؟ طيب شو شفت من هالحكومة يلي ما صرلها ١٠٠ يوم؟ اخدت بلد منهار واجا كورونا. مفكرين حدا رح يجي معو عصاية سحرية؟ والله بس حافظين سمفونية جربناكن ٣٠ سنة؟ انتو جربتو يلي هلق هني ضد الحكومة وبعض حلفا الحكومة
جوعانين؟ مفلسين؟ مصرياتنا بالبنوك محجوزة؟ كلنا هيك، او معظمنا حتى ما نقول كلنا، شو رح تفيد النزلة عالشارع؟ مين رح يميز الصادق من قطيع الحريري وجنبلاط؟ شو رح يصير بالشارع؟
جاري تحميل الاقتراحات...