ذحين فكر معاي لو سلكت طريق طويل ووصلت بوسطه لمطب وماعندك خيار الا انك تعدي هالمطب هل رح تبقى واقف ماتحرك ساكن! الوقت يمضي وعمرك يمضي وانت واقف والا رح تعديه وخلاص بعده تلاقي ضالتك؟ اكيد الخيار الاخر صح؟ طيب ليه ما ترجع تدعي وتكثف وتحوقل وتكثف و تتصدق وتكثف عاجبك طيحتك الماساوية!
ترا اقدر اجاملك واقول ايه صح فلان بيساعدك وعلان بيوقفك لكن بكون كذابة فتره ويملون وتبقى انت بدوامتك ذي وابشرك بعضهم رح ينسحب من حياتك ويقول هذا انسان سلبي وبس يتذمر!! ما يسوى عليك تعرف ربك وقوة ربك و نصر ربك وتبقى بمكانك واقف وتفضفض لذا وذا ! وعذرك ما تغير شيء! مافي شيء مايتغير!
انت ماتعرف ربي كيف يسخرلك الناس تدعي لك بجُنح الليل،كيف يشيل اسباب ويحط اسباب،وكيف يقفل ابواب ويفتح ثانية،وقد يغير حتى قوانين ثابته عشان دعوة ترتعد شفايف مرسلها!الله كبير!الله قوي!الله قادر! الله قريب!خلك من الناس ..خلك من وضعك .. خلك من كل شيء وتوجه له و الله ماتخيب الاومايجبرك!
الله الوحيد اللي مايهون عليه دمعك ويعوضك مباشرة بعد بكائك او بعد فترة ويجبرك بنفس مكان انكسارك يجبرك عشان يعلمك انه الجبار،ويسوق لك اقدار مفرحة..ويحبك رغم الاف من زلاتك..وينتظر عودتك كل ما ادرت ظهرك..ويرزقك كل مااحسنت ظنك بخلاف البشر هو معاك كيف ماكان حالك..?
يكفي بؤوس و نظرة سوداويه روح لله يجي لك كل شيء،روح لله والله تتغير كل خرايط قلبك و اطلع من دوامة انك مسكين ومظلوم وراجع حساباتك..حب حالك وارضى بوضعك الحالي يسكن قلبك ويعطيك و يدهشك ودايما اطلب رضاه و حبه يمتلا هالقلب رضا ثم تاتيه هالدنيا بكل مافيها من بشر و حاجات مسخرة والله ❤️
احسن اليك سبحانه واعتنى بك وانت جنين ببطن امك ماتعرف من الحياة شيء،ورعاك وانت مقصر وماتعرف دربه تظنه يتركك الان وانت تحبه وتبحث عنه وترجوه؟مستحيل حاشاه ثق فيه لاخر رمق مهما تلخبطت الدنيا و الظروف و انسى البشر كلياً ايااس منهم وخلك بس مع الله بكل صدق وقوة ويقين يغير كل شيء عشانك❤️
بكل ثقة من قلبي اقولها حيجي يوم ويثبت كلامي والله حيجي يوم تعرف انك هِنت ع الكل الا عليه سبحانه ماهنت وعمرك ماتهون ..الله رؤوف وحتقول نوني قالت متاكدة بتذرف دموع ع سوء ظنك وكرمه وتندم ع استعجالك والله ثم والله ثم والله زي يقيني بيوم الحساب واننا حنوقف كلنا امامه رح يجي هاليوم??
جاري تحميل الاقتراحات...