بقول شي ...
انا يمكن تفكيري شوي صارم وقراراتي مو اي احد يتخذها وادري ما عندي رمادي يا ابيض يا اسود ...
بس بالزواج... انا كله اقول حق البنات شي... طلعة من البيت ما تطلعين لو شنو المشكلة لو تتذابحون بسجاجين ما تطلعين.
بس...
بس...
اذا بتطلعين.... لا تفكرين تردين.

لا تخلين زعلج يصير هين..
تالي بيقول اي كلها يومين وترد ومع الوقت اصلا ما راح يفكر يساحلج يدري فيج وين بتروحين ان كثرتي حدج اسبوعين وتردين بريلج و بدون لا يعتذر اصلاً...
خلي لما تتخذين قرار يقعد يحاسب نفسه الف مرة و مرة...
اوخ. هذه شلون طلعت... لا اكيد اكيد انا مسوي شي چايد.

و هم اهي مو بس سالفة لا تعطين مجال يخربط اهو اذا بيخربط ما راح يأثر فيه وجودج... بس المقصد ان لا تخلينه يوصل مرحلة ان عادي جداً جدا انج ما تكونين بالبيت...
هم ارجع واقول مو سالفة يخربط.. سالفة ان انتي وجودج بيصير نفس عدمه.
ما لج ذيج العيبة يعني مجرد زيادة عدد

انا اعرف وحدة كله تقول اذا سبني ما اقعد، سبها وقعدت، قالت اذا طقني ما اقعد، طقها و قعدت، ...
اخر شي مع السنين اي شي اي شي تقوله يقول لها جب.
يدري انتي خيخة ما عندج لا كلمة و لا زق بس جذي متأثرة بفلم و مو عارفة شتسوين و هم بتقعدين رغم كل الخرا اللي بيحطج فيه.