رتبها

دليلك للتسويق باستخدام البريد الإلكتروني
في هذا الثريد حتنتقل من شخص ما بيعرف اشي عن التسويق بالبريد الالكتروني لشخص بيعرف مفهوم التسويق بالبريد وبيعرف كيف ممكن يستخدم البريد الالكتروني للتسويق لخدماته أو منتجاته.
الثريد طويل لكنه مهم وبفيدكم بإذن الله 🌹
#mkt_art

في البداية كتير أشخاص بيحكوا انو التسويق بالبريد الإلكتروني انتهى زمنه وأصبح قديم وما في جدوى منه ولكن هذا كلام غير دقيق، فالتسويق بالبريد الإلكتروني من أفضل وسائل التسويق لكن ما بنفع يكون الوسيلة التسويقية الوحيدة لانك قبل ما تبدأ تسويق من خلال البريد لازم تجمع البريد ..

تجمع البريد الالكتروني للناس المهتمة بنشاطك وجمع البريد الالكتروني بتم من خلال قنوات تسويقية أخرى.
ليش التسويق بالبريد الإلكتروني أفضل من غيره؟
التسويق بالبريد الالكتوني بخليك توصل رسالتك لشخص مهتم بنشاطك التجاري بنسبة أكبر بكتير من اي قناة تانية ..

على سبيل المثال لو انا عملت لايك على تغريدة لمتجر الكتروني شفتها صدفة مش ضروري اكون مهتم كتير فيه وممكن انسى اني عملت لايك، لكن لو أعطيت الايميل الخاص فيا للمتجر فمعناها أنا مهتم جدا فيه. وحاليا الفئة العمرية الي فوق ١٨ سنة غالبيتهم صاروا يستخدموا البريد الإلكتروني

وكل ما كان عمر الشخص الي مستهدفه اكبر كل ما زادت احتمالية استخدامه البريد الالكتروني بشكل اكبر نظرا للمسؤوليات الفروضة عليه من مقر عمله او غيره، كلنا بنعرف انو الشركات والمؤسسات بتستخدم البريد الالكتروني للتواصل مع موظفينها وكمان مع عملائها بطريقة رسمية ..

ويعتبر البريد الإلكتروني وثيقة رسمية يتم استعمالها لو حدث نزاع بين طرفين، لهيك تأكد انو البريد الإلكتروني مهم جدا جدا واغلب الناس بتستخدمه يوميا وبتشوف الرسائل الي بتوصلها.
الآن رح أشرح آلية التسويق عن طريق البريد الإلكتروني. 👇🏻👇🏻

#أول_مرحلة : مرحلة الحصول على تصريح من صاحب الايميل لاستقبال رسائلك (يعني بدك قائمة بريدية)، ما في اي حملة تسويق بالبريد الالكتروني تتم وانت ما عندك قائمة ترسللهم حملتك 😅
وفي طرق عديدة من خلالها بتقدر تحصل على البريد الخاص بجمهورك، ...

في شركات بتلاقيها كاتبة جملة "ادخل بريدك الإلكتروني لتبقى على اتصال بنا " وهادي جملة عادية جدا ولو شافها المستخدم غالبا ما بيعطيك بريده، لهيك لازم يكون عندك أسلوب مقنع.
بتقدر تستخدم أفكار مثل اعطاء هدية مجانية للشخص الي بسجل في قائمتك البريدية وهيك هدايا بتعزز فرصة حصولك ..

حصولك على بريد إلكتروني لعميلك المحتمل. ومع الوقت بتجمع قائمة بريدية مناسبة لاستخدامها في حملات التسويق بالبريد وبتكون أنجزت أول مرحلة.

#تاني_مرحلة : مرحلة ارسال المحتوى لقائمتك البريدية وتحقق توقعاتهم، كيف تحقق توقعاتهم؟ .. يعني مثلا لو كانت رسالتك الي من خلالها حصلت على البريد الخاص بالمهتمين بتحكي "حيوصلك بريد الكتروني أسبوعي يتضمن ...." ولما استقبلت البريد تبعهم أرسلتلهم رسائل يومية بشكل مكثف، ...

هيك العميل بيزعل وممكن يعمل الغاء اشتراك من قائمتك. ولو كان متوقع ترسله بريد يومي وأرسلتله بريد كل اسبوع بيتكرر الموضوع وممكن يعمل الغاء اشتراك
وخلال هادي المرحلة لما تكتب الرسائل الي حترسلها لازم تكون رسائل قوية وبتتضمن توجيه للمستخدمين حتى يعملو حركة معينة او شراء منتجة او خدمة

لانو هادا الهدف من التسويق بالبريد، صح مهم انو تقدم الفائدة للمستخدمين لكن في نفس الوقت انت بدك تستفيد، فما تنسى تطلب منهم بأسلوب جذاب وطريقة مبتكرة انهم يطلبوا خدمتك أو منتجك في نهاية الرسالة او في مكان مناسب داخل الرسالة.

#المرحلة_الاخيرة: مرحلة متابعة ومراقبة حملة التسويق بالبريد الإلكتروني
خلال هادي المرحلة انت بدك تقيس مدى فاعلية الحملة تبعتك ومدى استجابة الجمهور معها وأدوات التسويق بالبريد بوضحولك كل اشي عن حملتك بالأرقام وانت مهمتك تفهم كيف تتعامل معها.
في 3 أمور رئيسية لازم تراقبها 👇🏻

١- فتح فتح الرسائل الخاص فيك، وهادي بتبين قديش صارت العلاقة وثيقة بينك وبين الجمهور، على سبيل المثال لو دائما نسبة فتح رسالتك من قبل الجمهور كانت 90% معناها جمهورك بيستنى رسالتك وصار حافظ مواعيد رسائلك ومهتم فيها.

٢- نسبة الضغط على رابط التوجيه، حكيتلكم سابقا انو لازم تضيف رابط توجيه لخدمتك او لمنتجك، من خلال ادوات التسويق بالبريد الالكتروني حتعرف كم نسبة الي ضغطوا على الرابط وبالتالي بتقدر تعرف ازا رسالتك كانت مناسبة للجمهور واقنعتهم يتوجهوا للرابط او لاء.

٣- عدد الي عملوا الغاء للاشتراك من قائمتك البريدية، احذر من هذا العدد وازا زاد هادا العدد مباشرة بدك تتبع رسائلك وتشوف وين المشكلة وليش الجمهور ما بيهتم في الرسائل وما بدوا يضل مشترك بقائمتك البريدية، معنى الغاء الاشتراك انو الجمهور مش مستفيد ورسائلك عبارة عن ازعاج فقط.

قبل الختام ححكيلكم أدوات التسويق بالبريد الإلكتروني الي ممكن تستخدمها.
١- mailchimp
٢- Zoho mail
في غيرهم كتييير لكن هادي الأدوات الي جربتها ولقيتها ممتازة ومناسبة خصوصا انها بتسمحلك تعمل حملة تسويقية لو كان عندك قائمة بريدية صغيرة بشكل مجاني.

في النهاية هادا الثريد كان عبارة عن مقدمة لأي شخص ما بيعرف التسويق بالبريد الالكتروني.
اذا حتى الآن ما بدأت شغل على التسويق بالبريد الإلكتروني ابدأ وما تنسى تتابعني حتى تتعرف على تفاصيل أكتر وتشوف شرح الأدوات في قادم الأيام ❤️.

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة