١)الماجستير حلم عندي من تخرجت من الجامعه، حلم كنت ابغا احققه لنفسي ولوالدي اللي حلمه ان كل ابنائه يكونو حاملين الماجستير اتوظفت وفي الشركة طبعا يوجد برامج ابتعاث قدمت أكثر من سنة وللأسف لم أقبل بعد ٥ سنوات خبرة كان لازم التغيير يصير في حياتي فبدأت أدور جامعات
٢)زميل لي مدح برنامج جامعة الأمير محمد بن سلمان لريادة الأعمال وبعد مابحثت عن البرنامج وفكرت واستخرت قدمت،توقعت انهم مايقبلوني ولكن انقبلت ولله الحمد وكنت غير مؤمنه بمنحي منحة جزئية لكن حصلت عليها. طبعا كنت متخوفة جدا من موضوع السفر كل أسبوعين لجدة ومشوار ساعه بعدها للجامعة
٣) أول رحلة لجده يوم ٢/٩/١٨ سافرت مع الوالد عشان يطمن ويشوف كيف الطريق للجامعة، الجو العام لمدينة الملك عبدالله الاقتصادية ، السكن والجامعة. كان أول أسبوع وفيه التعريف علي برنامج الجامعة والحرم الجامعي وأكيد زملاء الدراسة اللي بقضي معاهم سنتين
٤)طبعاً الحمدلله من حظي كان بنفس الدفعة الصديق اللي بدأت معاه أيادي عطاء أحمد وتوأم أعز صديقاتي كان وجود أشخاص أعرفهم مره مريح لأنه اللي يعرفني يعرف كيف أنا أخذ وقت عشان ادخل بالجو ??♀️
٥)وبعد هذا الأسبوع بدأت الرحلة كل أسبوعين نروح ويكند وكل ٤ أسابيع ناخذ مادتين مع مادة التخرج وهي الأساسية واللي منها لازم نبني فيها مشروع من الصفر ونتعلم فيها كيف نكون رواد أعمال وطبعاً كل باقي المواد تساعدنا علي هذا الشي
٦) ٥٥ رحلة جربت فيها كل شركات الطيران السنتين الماضية واكيد احتوت ٥٥ درس صراحة صادق اللي قال السفر يعلم لأني فعلا اتعلمت كثييير ومر عليا وقت حسيت ابغا اكتب كتاب عن مواقف الرحلات بس هذا موضوع ثاني بعدين اكتب عنه?
٧)البرنامج كان ضغط وصعب مابين ٣ أيام دوام في الجامعة من الساعة ٩ الصباح لمرات ٧ المساء وبعدها أكيد اجتماعات أو واجبات لثاني يوم فما نطلع من الجامعة الا ١٠ بالليل الي العودة للعمل يوم الأحد وتأدية عملك بأكمل وجه مع أكيد واجبات وأعمال للجامعه ماتقدر تنجزها بس بالويكند حق الجامعة
٨)اتغيبت عن مناسبات عائلية كثير بالسنتين الماضية قللت من عملي بالتطوع اللي هو أكثر شي أحب أسويه بس بنفس الوقت كنت عارفة انها بس سنتين ولازم اركز فيها لأني بسوي شي لنفسي وحيغير حياتي للأفضل.كثير ماكانو فاهمين ليش بسوي فنفسي كدا وإني ممكن كنت اختار برنامج أسهل أو علي الأقل بالخبر
٩)بعد شهر تقريبا جا وقت نختار الفريق اللي نبغا نبدأ معا مشروع تخرجنا للسنتين القادمة الفريق اللي فعلاً رح يسوي مشروع مفيد، بديهيا دخلت مع أحمد والعبد اللي اعرفهم وأثق فيهم من قبل وبعدها بدأنا نشوف مين كمان نبغا يكون معانا والحمدلله قدرنا نكون فريق من ٦ أشخاص بنتين و٤ أولاد
١٠) بدت صداقتنا تتطور كفريق وحتي صداقتي مع باقي الزملاء وأعتقد أقدر أقول إنه أحسن شي صارلي بالجامعه هو الناس اللي تعرفت عليهم أشخاص أفتخر فيهم ناجحين بمجالاتهم وتتعلم منهم كل يوم شي جديد ومع الوقت أصبحنا عائلة
١١) جزء من البرنامج الدراسة الصيفية لمادتين لمدة أسبوعين في جامعة بابسون الأولى في الولايات المتحدة بريادة الأعمال والشريك للجامعة طبعاً رحلة بابسون وما أدراك مارحلة بابسون ما أقدرأتكلم عنها كثير بس حختصرها بثلاث كلمات ( علم - ضحك وأكل)
١٢)مشاعري حالياً كثيره واحس تويتر مايكفيها لأنه في مواقف كثيره وذكريات حلوة ودروس للحياة اليوم بتخرج وبعرض أنا وفريقي أخر عرض وانا بالبيت اتمنيت أكون مع زملائي بس قدر الله وماشاء الله فعل مؤمنه انه الاتي أجمل وأفضل ♥️
١٣)من أهم الدروس اللي تعلمتها أختر فريق مشروعك كأنك تختار شريك حياتك? لأنه فعلا لو ماتفقتو ماراح تقتدرو تشتغلو ولا تنجزو ولله الحمد الفريق كان قوي جدا بالترابط والتفاهم وقدرنا بسنتين نكمل بعض بكل شي بالعلم، التخصص والمهارات والحمدلله انتهينا اقوياء ومشروعنا وصل لمراحل متقدمة
١٤)قد تكون بمكان فيه أشخاص كثيره مهاراتهم وخبراتهم ومناصبهم أفضل منك بكثير لكن لاتستهين بنفسك أبداً لأنك ماوصلت لهذا المكان إلا وأنت عندك شي مميز حاول قدر المستطاع إنك تظهره وتمسك بببصمتك الشخصية واستمر بتطويرها
١٥)لاتستهين بأهمية بناء العلاقات أخدني وقت عشان أستوعب هذا الشي وهو من نقاط ضعفي بس أهم شي بالجامعة كان العقول اللي تتشارك معهم معظم يومك٤٥ طالب/ه من مختلف القطاعات والتخصصات اللي تتعلم وتستفيد منهم الكثير الحمدلله أقدر أقول مع الماجستير طورت فيني هذي المهارة (networking)
١٦)اتعلمت من ٥٥ رحله لاتسافر بدون سماعة عازله للصوت وبنادول، لاتاخد كريم بدون ماتقوله المشوار ساعه ونص لأن ممكن ينزلك بأقرب محطه?لاتاخد مقعد في الطيارة بالنص أبداً ولا أخر مقعد حتي لو حتدفع فلوس، نتفلكس صديقك الصدوق
١٧) الناس لبعضها مهي مجرد كلمة مرضت بنزله معوية شديدة في اخر وينكد من السمستر الأول في ٢٠١٨ اضطريت فيها امضي اغلب وقتي في المستشفي بمدينة الملك عبدالله الإقتصادية بعض من زملائي وزميلاتي ماسابوني وساعدوني كأنهم أهلي الين ماجا احد اقاربي من جده واخدني♥️شكرا لكم
١٨) اخر شي هذا جزء بسيط من ذكرياتي اللي بتبقى معايا دايما واخر شي بقوله
من لايشكر الناس لا يشكر الله فشكرا لكم جميعا زملائي وزميلاتي علي اجمل سنتين بحياتي للأسف بنختمها كدا بس على أمل أننا بنتلاقى قريب ??والله يوفقنا جميعاً
We did it class PT2018 ?
من لايشكر الناس لا يشكر الله فشكرا لكم جميعا زملائي وزميلاتي علي اجمل سنتين بحياتي للأسف بنختمها كدا بس على أمل أننا بنتلاقى قريب ??والله يوفقنا جميعاً
We did it class PT2018 ?
جاري تحميل الاقتراحات...