رتبها

?تخصص العلاج الوظيفي || Occupational therapy ?
..
-وش هالتخصص؟
-وش يركز عليه؟ ووش أهدافه؟
-وش مجالات تدخلاته ومع مين يشتغل؟
..
-تابع معي هالثريد وراح تاخذ صورة كاملة عن هالتخصص ??‍♂️..

?تخصص العلاج الوظيفي هو تخصص يندرج تحت قسم التأهيل (علاج وظيفي، طبيعي، علل نطق وسمع، تنفسي)
.
?هدفه الأساسي:
إعادة الإستقلالية للفرد في أداء أنشطته ووظائفة اليومية، ورفع جودة حياة المريض بتطوير قدراته والحفاظ عليها، واستعادتها كما كانت في السابق في حال فقد هذه القدرات..

?كلمة "وظيفي" بتخصصنا تعني الأنشطة والمهام اللي تسويها في يومك بتفاصيلها..
..
تندرج وظائفنا اليومية تحت ٣ محاور رئيسية:
•العناية بالنفس || self care
•الإنتاجية || productivity
•التسلية || leisure
..

?الإعتناء بالنفس || self care :
-المهام والوظائف اللي تسويها بيومك عشان تهتم بنفسك ( تاخذ شور، تفرش اسنانك، تهتم بنظافتك)
..
?الإنتاجية || productivity :
المهام والوظائف اللي تسويها عشان تُنتج لنفسك (تدرس، تذاكر، تشتغل، تحضر دورات)
..

?التسلية || leisure :
المهام والأشياء اللي تسويها بغرض التسلية (تشوف فلم، تلعب كورة، تمارس هواياتك)
..
هذي الأشياء اللي تندرج تحت ال٣ محاور هي ما تعنى بكلمة (الوظيفي) في تخصصنا..
..

?المجالات اللي يشتغل فيها العلاج الوظيفي كثيرة.!
.
▫️يتعامل اخصائي العلاج الوظيفي مع الحالات:
•العصبية.
•الادراكية.
•الجسدية.
.
▫️ويتعامل إخصائي العلاج الوظيفي مع:
•الطفل.
•البالغ.
•كبير السن.
{مافيه عمر معين يتعامل معه العلاج الوظيفي، ف هو يتعامل مع جميع الأعمار}
..

?ويركز أيضاً العلاج الوظيفي على
التعديل البيئي || environment accessibility ..
.
ويتم فيها تقييم البيئة اللي يتواجد فيها المريض ومدى ملاءمتها لوضع المريض ومساعدتها له، وبناء على ذلك يتم تعديل البيئة لتسهيل الوصول للمريض لمختلف الأشياء في حال ما كانت ملائمة له..
..

?اللي يميز أخصائي العلاج الوظيفي هو مقدرته على وضع خطة علاجية تعتمد على حسب حالة المريض وحسب (إهتمامه)..
تبي أعطيك مثال؟ طيب.

مريض جاء لأخصائية وتبين انه عنده مشكلة بالذاكرة، وبدا للأخصائية ان المريض يعشق الأفلام، فكرت الأخصائية (خارج الصندوق) وقالت: ليه ما اصير أحسن من قدرة ذاكرته بالأفلام !!
وش سوت؟
صار بكل جلسة يجيها تشغل له مقطع بسيط، ونهاية كل جلسة تطلب من هذا المريض يذكر لها الأحداث اللي صارت..

الجلسة الأولى شغلت له ٥ دقايق..
الجلسة الثانية ١٠ دقايق..
الجلسة الثالثة ١٥ دقيقة..
وهكذا لين وصلت لآخر جلسة شغلت له الفلم كامل ولما انتهى الفلم، طلبت منه ذكر الأحداث اللي صارت بالفلم، وفعلاً ذكر لها الشخص كل شيء وتطورت ذاكرته!!
.
عالجت المريض على حسب اهتمامه وشغفه وحبه للشيء..

?أماكن عمل أخصائي العلاج الوظيفي:
-المستشفيات.
-مراكز التأهيل بمختلف مجالاتها.
-أماكن الصحة النفسية.
-المدارس. (لم تطبق في السعودية الى الآن)
-الرعاية المنزلية.
..

?من الأشياء اللي يسويها أخصائي العلاج الوظيفي هي:
•الأجهزة المساعدة || assistive devices
..
فائدة هالأجهزة هي أنها تساعد المريض في أداء أنشطته اليومية بإعتماد كلي على النفس، وهنا بعض الأمثلة ??:

- مدة الدراسة:
? ٥ سنوات لدرجة البكالوريوس :
سنة تحضيري-٣ سنوات تخصصية- سنة امتياز .. (اغلب الجامعات سنة وحدة تحضيري، جامعة الحرس سنتين تحضيري)
?الدراسة تتضمن:
•نظري
•عملي
•عيادة (تروح المستشفى تشوف مرضى) ..

أخيراً ..
كل شخص فينا يحب يكون معتمد على نفسه في يومه، وفيه أشخاص بسبب مرض معين او حادث او حالة أثرت على حياتهم وتخليهم فاقدين هالنعمة العظيمة والقدرة اللي وهبها الله لنا بأننا نكون معتمدين على أنفسنا..
فمن أجلهم وجد •العلاج الوظيفي• ❤️
..

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة