رتبها

السلام عليكم هذا الثريد مرجع للأشخاص اللي حابين يتعلمون ترجمة المانجا باستخدام الجوال
تبييض وتنسيق باستخدام أفضل البرامج وبجودة عالية اللي عنده استفسار يسأل🙏

في البداية إن كنت مبتدىء أو خبير فماراح تفرق كثير لان الأدوات اللي بنستخدمها بسيطة جدا
لكن من باب الإفادة بحط لكم أهم المواقع اللي توفر لكم المانجات الخام لتبييضها بجودتها الأصلية

تأكد من أنك تحمل أعلى جودة ممكنة للمانجا وإن كان نوع الملف zip مضغوط أو RAR بعد ما ينتهي التحميل حوله على برامج فك الضغط zip extractor
انا استخدم هذا للايفون وإدارة الملفات بعد يقدر يفك الضغط

روابط مواقع الخام تأكد أنك تبحث باللغتين الانجليزية واليابانية
tonarinoyj.jp
comic-days.com
lhscan.net
nippontalk.com
zip-all.com
mangaz.com
sukima.me
bszip.com

sukima.me/book/search/?f…

オススメの全巻無料漫画 | スキマ | 無料漫画を読むだけでポイ活ができる

全巻無料漫画なら無料漫画がどこよりも多く読めるスキマで。3595作品の最後まで無料、待つと無料、完結済...

وهذه روابط مواقع اجنبية راح تحتاجها للترجمة من الانجليزية للعربية أثناء كتابتك للنصوص على الخانات البيضاء
mangago.me
mangadex.org
mangakakalot.com
وبعد تقدر تحمل منها اذا جودتها ممتازه

mangago.me

mangadex.org

mangakakalot.com

بعد التحميل وحفظ الصفحات في استديو الصور يفضّل أنك تسوي البوم خاص تحتفظ فيه بصفحات الفصول
وأيضا قبل لا نبدأ وجود برنامج ترجمة قوقل ضروري Google Translate
للبحث عن معنى المصطلحات الصعبة أو معنى الكلمات الشوارعية بيختصر وقتك

والآن نبدأ في الشغل الحقيقي
لا يهم نوع نظام جوالك النتيجة بتكون وحدة... برامج التبييض اللي تحتاجها هم فقط اثنين لا أكثر
Ibis Paint X
Photoshop fix

تجنّب هذا البرنامج قدر الإمكان الغالبية يشتغلون عليه وهو برنامج يعدم أم الجودة عليك للاسف أنه منتشر بسبب السهولة يجب القضاء عليه.....

التبييض أنا أقسمه قسمين
1) تبييض الخانات
2) تبييض الرسم
الأول كل شخص يقدر يسويه ولا يحتاج تعليم أما الثاني يحتاج تدريب وتعليم
الأول فقط ibis يكفيك
أما الثاني تحتاج PS fix
الفرق بين تبييض الخانات والرسم👇

(تبييض الخانات) باستخدام ibis paint
كل اللي عليك تتبع الخطوات وراح تفهمه بسرعه البرنامج سهل الاستخدام

والان عندك الصفحة قدامك لتبييض خاناتها هو عبارة عن تلوين لذلك راح نحدد الأبيض ونلون فوق الكلام
أحيانا بعض الكلام يكون في خانات سوداء فحدد لون أسود لذلك
ولا تنسى تحدد هذه الفرشاة شخصيا استخدمها دائما

مقطع تبييض كامل الصفحة في ثواني

ويمديك بعد كتبييض لبعض الخلفيات الملونة أنك تلونها بأداة نسخ اللون أو تعبئة لون بالكامل تابع المقطع

الاداة eye dropper : تنسخ اللون اللي تختاره من الصفحة
الأداة bucket : عبيت فيها المربع كامل بلون واحد بعد مسح الكلام
(كما هو موضح بالمقطع السابق)
ثم تقوم بحفظ الصفحة وانتهينا من الخانات

الحين تبييض الرسم
وهو عبارة عن مسح الكلام الملصق على رسمة المانجا نفسها وهذه تعتمد شوي على المهارة
بنحتاج photoshop fix لهذه المهمة وللعلم تبييض الرسمات احتياجها أقل وشخصيا نادرا ما أحتاجه
كله يعتمد على نوع المانجا اللي تترجمها اذا فيها هالنوع كثير الله يعينك شوي

الاداة اللي راح نستخدمها اسمها clone stamp وهي دائرة تحددها بالصورة عشان تنسخها وتلصقها في مكان آخر
تحدد healing وثم clone stamp
اداة نسخ الصور
تحدد دائرة قريبة تبي تنسخها ومن ثم تبدا تلون فوق الكلام

هذا مقطع يوضح طريقة استخدامها ومع التكرار تتعلم

وهذا مقطع آخر يعطيك فكرة لطريقة النسخ

النتيجة النهائية صح اني ما انتهيت منها لكن الاهم وصلتك الفكرة
مع العلم أن هذه الطريقة ماتعتبر جيده للمانجات لان لو تركز شوي بتلاحظ الغلاف شوي مخترب لكن اقدر اقولك ان في بعض الاغلفة تكون سهله واذا ما استعجلت بالشغل بتطلع بنتيجة حلوه

الشي الاخر هو استخدام اداة spot healing احيانا تفيد كثير في الاماكن اللي تحتاج تنعيم

واحيانا تجي الاطراف عندك خربانه بسبب استخدام اداة النسخ فوق والحل انك تعيد رسم الاطراف باستخدام أداة paint والنتيجة بتكون جيده
فوتوشوب فكس صدق انه فكس

في حال كنت تسأل عن النتيجة النهائية باستخدام الجوال تفضل

والآن وصلنا لبرامج الترجمة الافضل على الاطلاق
Phonto
Over
دائما ابدأ بـover لانه الاساسي ولانه يحفظ لك الصفحات بنفس جودة pc

الفونتو استخدامه في حال كنت تحتاج استخدام Stroke وهي حواف الكلمات لانه للاسف برنامج over مايوفر هذه الخاصية(لحد الان)
Stroke هو لون حواف الجمل (اللون الاصفر) لكن عيب الفونتو الوحيد هو ان جودة الكلام تكون اقل من over بفارق
لكن الحلو فيه انه مايخرب اي شي بجودة الصفحات فقط الكلام

والان لخطوات الترجمة
اول شيء هو تحميل الخطوط العربية وهنا عاد يعتمد على ذوقك بس نصيحتي استخدم خطوط بسيطه وسهله للقراءه
مواقع عربيه لتحميل الخطوط
arbfonts.com
brushez.com

brushez.com/ar/free-arabic…

arbfonts.com

تبحث عن اسم الخط اللي تحبه وتقدر تختار اللي يعجبك بس اولا تحتاج الخط العربي الاساسي Adobe Arabic Bold
تذكر تستخدم سفاري او متصفح عشان يطلع لك خيار التحميل blogfonts.com

blogfonts.com/adobe-arabic.f…

الان مع تركيب الترجمة او كما نسميها (التنسيق) اضغط all photos لان احيانا ماتطلع كلها بالبرنامج
تختار الصفحة المبيضة تختار text وبتطلع لك الخطوط والسهم تضغطه
خيار edit يسمح لك تحريك الخطوط للاعلى والاسفل حسب الاولوية لك

وهنا شرح التنسيق انا محمل خطوط كثيرة من قبل وبصراحة ما استخدمت إلا ثلاث خطوط بس
أهم شيء في التنسيق هو ترتيب الأسطر حسب الخانة وهذا يتطلب وقت حتى تطبقه بالشكل الصحيح

والآن الحفظ ... برنامج اوفر يوفر خيارات كثيرة لحفظ الصفحات منها بصيغة png وبصيغة JPEG
شو تستخدم ؟ انا بقولك ماتفرق كثير كل اللي عليك تهتم لحجم الصفحة الوحدة وتأكد انها ما تزيد عن 1 MB وما تقل عن 600kb عشان تكون الجودة ممتازة
واختار صيغة موحدة لكل صفحات الفصل