شوية خواطر كدا عن إزاي تقدر نفسك ؟
—
شوف الـ Thread
—
شوف الـ Thread
- تقبل النفس هي أهم خطوة في انك تكون واثق في نفسك و تحب نفسك ، مستحيل هتوصل للثقة و أنت مش متقبل نفسك ولا عيوبك ، و دي سبب مشاكل نفسية كتير كلنا بنعاني منها
- مفيش انسان كامل و مفيش انسان مثالي ، كل واحد فينا ناقصه حاجات كتير و كلنا فينا عيوب ، لكن الانسان المتكامل هو الانسان اللي بيتقبل و يتعايش مع عيوبه و يقبلها ، لو بصيت لنفسك إنك فيك عيوب فأنت كدا مش معترف انك بشر ، لأن الملايكة بس اللي خاليين من العيوب
- الحقيقة أهم بيخلي الانسان مش مقدر نفسه هو الماضي ، أحداث و ذكريات و مواقف حصلت سببتله ده و بسبب الندم و جلد الذات ، فـ الندم المبالغ و جلد الذات فيه مش هيفيدك و لا هيغير من الواقع حاجة إلا انك تكره نفسك
- الماضي بغض النظر عن الأحداث اللي حصلت فيه ، لكنه هو السبب في اللي إحنا عليه دلوقتي ، مفيش إنسان بتولد بالصفات اللي هو عليها حالياً ، ده غير ان كل دقيقة بتفوت بتتغير عن اللي قبلها و الموقف اللي بتحصل بتغير فيك كل شوية
- الماضي نوعين : ماضي بنتعلم منه و ناخد منه دروس بسبب تجاربنا اللي مرينا بيها ، و ماضي مؤلم مليان بالذكريات السيئة و الحزينة ، و النوع ده اللي بيسبب الألم للإنسان طول ما هو عايش جواه ، العقل بيحب دايما يفكرك بالذكريات دي كل شوية
- لكن الناس بتحبس نفسها في الماضي و يعيشوا دور الضحية ودايماً شايفين إن مشاكلهم محدش هيقدر يحلها و إن محدش حاسس بيهم و يهولوا من مشاكلهم و من هنا بيتزرع في الانسان حقايق غلط عن نفسه إنه وحش و انه كاره نفسه
- الفكرة في كل ده ان نظرتك لنفسك بيتحدد عليها أفعالك ، يعني أنت لو شايف ان الناس شايفينك وحش ، فأنت هتتعامل علي أساس اللي أنت شايفه حتى لو الناس شايفينك كويس ، فأفعالك الناتجة عن نظرتك لنفسك دي هتخلي الناس تكرهك
- فيبدأ الانسان يدخل في Loop ، هو شايف ان الناس مش بتحبه ، فيتعامل من المنطلق ده ، فتصرفاته تخلي الناس متحبوش و يبعد عنه الناس ، فيزيد في دماغه فكرة ان الناس مش بتحبه و شايفينه حلو ، فيتعامل و يبعد أكتر عنهم و هكذا
- كمان نظرتك لنفسك بتحدد انجازاتك في الحياة ، طول ما انت بتقلل من نفسك و شايف نفسك أقل من انك تعمل حاجة معينة ، مستحيل هتعملها ، مع انك عندك الامكانيات اللي تخليك تعمل ، و ده يخلي ناس يستحقوا انهم يكونوا في مكانة كويسة تخليهم بعيد عنها
- كل ده له أسباب ، لكن أهم سبب هو إنك بتستمد قيمتك من كلام الناس ، انا هعمل كذا عشان الناس تحبني ، وهعمل كذا عشان اقرب من فلان ، و الناس مش هتدوم و بالتالي قيمتك هتتغير حسب الناس اللي في حياتك ، لكن اللي هيدوم هو نفسك ، فأنت بتعمل ايه عشان نفسك ؟
- برضو انك تخلي قيمتك معتمدة علي شخص ما بحبه ليك ، العالم في ٧ مليار انسان لو كلهم بيحبوك ماعدا الشخص اللي انت بتحبه ، فهتشوف نفسك ان محدش بيحبك ، و ده لأنك حطيت قيمتك و نظرتك كلها في الشخص ده ، و لما الشخص خذلك نظرتك لنفسك بقت في الارض
- وعيك بيخليك تنظر للأمور بنظرتك عليها دلوقتي ، و ده اللي بيكونه خبراتك و مواقف و تجاربك السابقة ، و ده اللي بيحدد قيمتك لنفسك ، فطول ما انت بتسجل السلبيات و بتسمعها هتتخزن في عقلك و هتشكل نظرتك لنفسك ، طول ما انت حاطط قيمتك علي غيرك فمش هتلاقي غير سلبيات
- كمان المقارنات قادرة تخلي نظرتك لنفسك = صفر ، لأنك مهما كنت اقل من غيرك زي ما انت معتقد ، عشان كدا فكرة المقارنة بغيرك هي غير عادلة إطلاقاً ، بتختلف حسب ظروف و متغيرات كل شخص ، فمفيش حد عنده نفس الظروف أو المتغيرات دي غيرك انت
- المقارنة الوحيدة العادلة اللي تعملها مع نفسك .. إنك تقارن نفسك دلوقتي .. بنفسك من فترة
من إسبوع .. من شهر .. من سنة
دلوقتي أحسن؟ يبقى إنت ماشي صح .. دي المقارنة الوحيدة العادلة ، لأن كل واحد له ظروفه و له متغيرات خاصه بيه لوحده
من إسبوع .. من شهر .. من سنة
دلوقتي أحسن؟ يبقى إنت ماشي صح .. دي المقارنة الوحيدة العادلة ، لأن كل واحد له ظروفه و له متغيرات خاصه بيه لوحده
- و الحل في النقطة دي انك ، تخرج نفسك برا سيطرة الناس ، لأنك طول ما أنت مخلي قيمتك معتمدة علي الناس فأنت كدا عبد لهم ، قيمتك معتمدة علي غيرك فأنت كدا بتحط نفسك تحت رحمتهم ، اعمل اللي أنت عايزه عشانك مش عشان حد
- لما تيجي تحب قبل ما تدخل العلاقة ، فأنت بتحب عشان أنت واثق و مقدر نفسك ، مش بتحب عشان الشخص اللي بتحبه هيزودلك قيمتك في نفسك ، و لما ميقدرش يحبك او يسيبك ، فده مش عشان انت وحش لكن عشان ده نصيبك و النهايات سنة الحياة
٢- فكرة عدم تقبلك للواقع و انك شايف ان الظروف كلها ضدك و انك الحياة مش عادلة ، دي بتأثر بشكل كبير علي نظرتك لنفسك ، الواقع مش هيفضل طول عمره وحش ، الايام متقلبة و حالك اللي أنت مش راضي عنه ده هيتغير لما يجي وقته
- الناس عايزة ، فـ لما ميتحققش لها اللي عاوزينه ، بـ يزعلوا و يكتئبوا ، و لو إتحقق لهم كل اللي عاوزينه ، بس شافوا غيرهم إتحقق له أكتر منهم برضو بـ يزعلوا ، خليك راضي عن حالك عشان طول ما انت راضي هيتغير
- الحل في النقطة دي إنك تقعد مع نفسك و تشوف ايه العيوب او الظروف اللي أنت شايفها عيوب عليك و قسمها لنوعين
—
١- عيوب قابلة للتغيير : و دي الحاجات اللي تقدر تعملها زي انك تذاكر مثلا ، تجتهد في المجال اللي بتحبه ، و تحط في دماغك ان في حاجات هتنجح و حاجات هتفشل محتاجة انك تحاول تاني
—
١- عيوب قابلة للتغيير : و دي الحاجات اللي تقدر تعملها زي انك تذاكر مثلا ، تجتهد في المجال اللي بتحبه ، و تحط في دماغك ان في حاجات هتنجح و حاجات هتفشل محتاجة انك تحاول تاني
٢- عيوب / طروف غير قابلة للتغير : زي مثلاً والدك متعلم ولا لأ أو مستواه التعليمي عامل ازاي ، او مثلا والدك فقير ولا غني ، أو مناخيرك كبيرة او عندك عيب في جسمك ، الحل في العيوب دي انك تتقبلها لأنك مستحيل هتقدر تغيرها ، دي ظروف ربنا خلقك فيها ، اعتبرها ابتلاء و متسخطش عليه
- في نقطة كمان مهمة و ان شخص يشوف نفسه مش جميل او شكله مش حلو مع انه عادي ، و ده الحل انك تعرف ان الجمال نسبي ، فلان هيشوفك عادي و فلان هيشوفك جميل ، الفكرة بس ان مجاش لسه اللي هيشوفك جميل ، فمتقارنش نفسك مع حد و اصبر و متقلقش
٣- الاحساس بالذنب : و دي فكرة بتتزع فينا من الصغر و دي أكبر غلط في التربية ، لأن بترسخ جوانا اننا لازم نرضي الناس ، فيبدأ يتولد شعور بالذنب ان كان لازم اعمل كذا و مكنش لازم اعمل كذا و مع كتر الاحساس بالذنب هتبدأ تكره نفسك
- الـ Ego بتاع الإنسان بيهمل دايماً الحاضر و يفكر في الماضي أو المستقبل ، عشان يهرب من الحاضر ، فيفضل دايماً الإنسان يقلق في نفسه و يحس بالذنب انه غلط و كان لازم يعمل كذا ، فيكون كأنه في وهم مسيطر عليه بيعمل اللي بيعمله بدون وعي
- الحل : انك تبص للماضي انك تتعلم منه ، الماضي لحظة من لحظات الحاضر لكنها خلصت ، و أنت الحاضر في إيدك أنك تغير فيه اللي أنت عايزه بسبب الدروس اللي إتعلمتها في الماضي و خلصت ، الحاضر هو الشئ الوحيد اللي ممكن يتغير به الإنسان ، لكن لا الندم و لا الماضي هيغير حاجة و هتفضل زي ما انت
٤- عقدة نقص / جروح قديمة
—
أحياناً بيكون عندك عقدة نقص حصلت بسبب مواقف في حياتك أو جروح و مشاكل قديمة لسه مش قادر تتعافى منها و ده بمرور الوقت هيخلي شعور الخزي و انك قليل يزيد جواك و بالتالي هتكره نفسك و مش هتقدر تواجه عيوبك او الناس
—
أحياناً بيكون عندك عقدة نقص حصلت بسبب مواقف في حياتك أو جروح و مشاكل قديمة لسه مش قادر تتعافى منها و ده بمرور الوقت هيخلي شعور الخزي و انك قليل يزيد جواك و بالتالي هتكره نفسك و مش هتقدر تواجه عيوبك او الناس
- الحل هنا
—
١- انك تفضفض سواء تفضفض لحد بتثق فيه بس تفضفض و انت عايز مش فضفضة وقت ضعف عشان متندمش عليها ، او تجيب ورقة و تكتب فيها كل المشاعر السلبية اللي جواك و ايه اللي وصلك لكدا و تكرر ده ، و ده هيخليك تقلل من الكبت اللي جواك اللي قادر يكبر اللي جواك
—
١- انك تفضفض سواء تفضفض لحد بتثق فيه بس تفضفض و انت عايز مش فضفضة وقت ضعف عشان متندمش عليها ، او تجيب ورقة و تكتب فيها كل المشاعر السلبية اللي جواك و ايه اللي وصلك لكدا و تكرر ده ، و ده هيخليك تقلل من الكبت اللي جواك اللي قادر يكبر اللي جواك
٢- انك تعوض النقص اللي جواك بحاجات بتعرف تعملها ، يعني مثلاً الناس بتتريق علي جسمك ، روح الجيم و اشتغل علي نفسك لحد ما تعمل فورمة و وقتها هترضى عن نفسك ، موهوب في الرسم ؟ ارسم و نزل صور رسمك علي السوشيال ميديا و اعجاب الناس بيها هيديك دفعه تنسيك نقصك
- كرر حاجة بتعرف تعملها أو موهوب فيها لمدة من الوقت هتخلي ثقتك في نفسك تزيد و هتبص لنفسك نظرة كويسة و هتعوض النقص اللي جواك ، اهرب من نقصك بحاجات بتعرف تعملها
- بالمناسبة الاكونت ده و اللي بعمله هنا بسبب اني بهرب من النقص اللي جوايا بحاجات بعرف اعملها و الحمد لله مع اعجاب الناس باللي بقدمه نظرتي لنفسي اتغيرت
٦- خليك ايجابي و متفائل
—
الشخص المتفاءل بيشوف الحل في كل مشكلة بيقعرفيها لكن المتشائم بيشوف في كل حل مشكلة ، هات ورقة و اكتب فيها ايه ايجابياتك ، اكتب اصغر حاجة عملتها كانت حلوة ، و بص عليها دايماً
—
الشخص المتفاءل بيشوف الحل في كل مشكلة بيقعرفيها لكن المتشائم بيشوف في كل حل مشكلة ، هات ورقة و اكتب فيها ايه ايجابياتك ، اكتب اصغر حاجة عملتها كانت حلوة ، و بص عليها دايماً
الخطوة الأخيرة
—
كل الخطوات اللي فوق دي مش هتقدر تتعود عليها و تعملها الا لما تدخل جوا عقلك الباطن ، و عشان تبرمج عقلك الباطن علي ده ، لازم تكررها و تحاول مرة و ٢ و ١٠ بدون يأس ، خرج الافكار القديمة عنك و استبدلها بالجديدة
—
كل الخطوات اللي فوق دي مش هتقدر تتعود عليها و تعملها الا لما تدخل جوا عقلك الباطن ، و عشان تبرمج عقلك الباطن علي ده ، لازم تكررها و تحاول مرة و ٢ و ١٠ بدون يأس ، خرج الافكار القديمة عنك و استبدلها بالجديدة
- عايز اقولك انك مش هتقدر تغير نظرتك لنفسك من اول مرة ، الموضوع عامل زي كأنك بتروح الجيم تعمل فورمة ، الفورمة مش هتظهر من يوم و ليلة او كأنك بتعمل دايت مش هتخس من يوم او يومين ، الموضوع محتاج وقت و مجهود و الأهم من ده كل الـنــيــة و الأرادة انك تتغير
- اخيراً : فنظرتك لنفسك بتنعكس للناس ، طول ما انت شايف نفسك متستاهلش فالناس هتشوف إنك متستاهلش ، لأن قيمتك وسط الناس أنت اللي بتعملها بنظرتك لنفسك ، الناس ممكن تكون شايفاك و لا حاجة ، بس ده مش هيقلل من قيمتك طول ما أنت مقتنع بنفسك ، و هيغير فكرة الناس عنك
- تقييمك للثريد
جاري تحميل الاقتراحات...