في الثريد دا حأتكلم ليكم عن الحب من وجهة نظري الشخصية عشان ما يجي زول ويغالطني ولو حابي تتناقش ما عندي مشكله معليش الكلام كتير لكن ان شاء الله ينفعكم...
المهم بسم الله نبدا
الحب كتير مننا جربوه طبعاً وفيه حاجات كلوه ودا الاغلب وفيه حاجات شينه بس اي علاقه حب قبل الحب ف حد زاتو
المهم بسم الله نبدا
الحب كتير مننا جربوه طبعاً وفيه حاجات كلوه ودا الاغلب وفيه حاجات شينه بس اي علاقه حب قبل الحب ف حد زاتو
بعتمد على حاجات تانيه زي الاهتمام الثقه الراحه مع الزول دا زاتو والتعلق والغيره يعني ما ممكن تحب ليك انسان بدون واحده من الخمسه حاجات ديل...في كتير مننا فاهمين الحب والعلاقات غلط ودي حاصله عندنا ف كتير يعني لو واحد الليله شاف بنت واتكرش عليها من شكلها على طول بيقول انو حباها ولو
مان اتعرف عليها وخشو ف علاقه اكيد نهايتها حتكون سيئه لانها علاقه حب قايمه على منظر بس ما قايمه علي اي شي من الفاتو ماممكن تحب ليك زول عشان شكلو لانو بعد ترتبط بيو حتلقى انو انت بنيت علاقتك علي شكل وخليت اي شي تاني من تفاهم من شخصيه كل فرد فيكم ودا الحيسبب المشاكل وينهي العلاقه
سريع ف انا شايف انو اي علاقه حب م ينفع تكون عشان شكل بس لو عاوز تخش ف علاقه جاده ومع شخصيه ما تندمك حاول انو تلقى الخمسه حاجات الفوق يعني لما تلقى انسان اهتميت بيو او اهتم بيك حتتعلق بيو والاهتمام بولّد الحب ومافي حب بدون غيره وفي نقطه معينه بس عن الغيره دي الغيره حلوه واي شي بس
ف حدود لانو اغلب العلاقات سبب مشاكلها غيره ف يعني حاولوا سيطروا ع نفسكم لانو لما تفوت حدها حتخرب اي شي حلو ف العلاقه ف لازم الثقه بين الطرفين تكون قويه عشان الغيره ما تأثر وتكون حلوه واكيد لما تتعلق بالزول حتثق فيه وكتره المواقف البينكم حتقوي الثقه لما يحصل دا كلو حتلقي نفسك
لا اراديا انت م عاوز غير الشخصيه دي مهما حصلت بينكم مشاكل حتتجاوزوها عادي عشان البينكم ما قايم على شكل او حاجه سايبه قايم على حاجات اساس اي علاقه وحاجات بتقوي العلاقه ووالله لما تلقى شخصيه كدا حتنسبط لانو ف زول جنبك وزول فاهمك وزول بحبك وزول بقدرك وبهتم بيك.. الانسان بطبعو بتعلق
بالبهتم بيو مستحيل انت تلقى زول بهتم بيك وعاوز مصلحتك وبقدرك وشايفك احسن زول وترفضو (الا في حاله ربنا ما كاتبكم ل بعض لكن غير كدا انا قاصد انو ترفضو بإرادتك انت) حتى لو رفضتو مع الايام حتلقى انو م ف زول بيستحملك وبيحبك زيو والحب نهائي ما شكل الحب افعال ومواقف واهتمام وعاوز اقول
ليكم انو اي زول فيكم لقى ليو زول كدا ما تفرط فيه واقبلوا وحبو لانو دا بالجد بيحبك مافي زول حيعمل دا كلو عشان زول مامعبرو "حب البحبك لانو عشانك بيعمل اي شي" مافي زول فينا ضامن يقعد ل تاني يوم ف لما تلقى حاجه زي دي انبسط بيها الدنيا يوم ليك ويوم عليك انبسط وما تحرم نفسك من فرحه
ومن تجربه زي دي الزعل حاصل ف الدنيا ما يتقدر توقفو ف ما توقف وتحرم نفسك من انك تحب وتتحبا وتنبسط..وحتى لو خشيت فب علاقه قبل كدا وخربت ما تقوم تقول الحب ما حلو وتاني م حاحب مستحيل ما تندم نفسك على زول ربنا ما كتبو ليك وطالما ربنا كاتب كدا مفروض م تزعل لانو اكيد حيديك زول بالصفات
القلناها فوق دي ينسيك اي شخصيه تانيه ف حياتك زي م مكتوب ف البايو حقي " دنيا بالحب ساهله جداً" الجمله دي ما اتقالت ساي لانو بالجد كدا لما بكون جنبك زول ومعاك زول اي شي بهون... اي نعم الحب مشاكلو كتيره بس كمان لو الحب بقا بالجد صادق وفيه الحاجات الفوق دي صدقني حتكون سعيد ب انك
عملت حاجه زي دي لانو العلاقات القايمه على كدا مهما حصل من مشاكل ما بتغير فيها حاجه وبإذن الله نهايتها بتكون حلوه♥️ بس حاولو انو تتعلقوا وتحبو الزول الصح الزول البيقدركم حتى لو بديت تتعلق ب زول وانت شايف انو م في اي حاجه بتدل ع انو ببادلك كدا وقت طوالي لانو دي حياتك ودي مصلحتك خت
مصلحتك فوق اي شي وشوف الناس البحبوك وخليك معاهم فتحوا عيونكم ف ناس بيحبوكم بس انتوا بتمشوا للماشغالين بيكم ركزوا ف تصرفات الناس الحولكم في البحبوكم وم قادرين يصارحوكم بس بقدر الامكان بحاولو يوصلوا ليكم الشعور بحركاتهم بس للاسف في نوعيه ما بتفهم كدا ف بتقول انو الناس ديل مزعجين
وكدا بس هو بكون بحبك وتأكدوا انو الحب الحقيقي والصادق نهايتو حلوه لانو ما في زول بيحب بالجد وبصدق وبيكسر الحنك ف الاخير الا لو حب الزول الغلط مهما حصل ف الاخير كلنا بشر وكلنا بنحس اول م تلقى نفسك مجتهد عشان زول م عاوز يحس خليو وفتح عيونك حتلقى ف زَول بيعمل عشانك المستحيل❤️
كلنا بنغلط ف م من اول علاقه حب ليك م نجحت تقوم تحرم نفسك من حب حقيقي!
الليله قاطع موضوع وقلت اديكم برنامج كدا واعيد واكرر دا الحب من وجهة نظري انا لو عندك اي اضافه اتفضل انا بتناقش معاك م عندي مشكله
الليله قاطع موضوع وقلت اديكم برنامج كدا واعيد واكرر دا الحب من وجهة نظري انا لو عندك اي اضافه اتفضل انا بتناقش معاك م عندي مشكله
جاري تحميل الاقتراحات...