ماتحتاجه المملكه مايمسى Emergency response plan . هذا التخطيط لازم يكون على مستوى المملكه وعلى مستوى المدن . العدو يختلف من حرب او وباء او حتى فيضانات وايضا ممكن يكون قصور في نظام تشغيل المدن .
لو صارت كارثه لاسمح الله بالرياض كيف تخبر المواطن يجلس بالبيت بالحي او حتى كيف تخلي المدينه من الناس سواء بالمواصلات او تحديد مخارج المدن . كيف المواطن والمقيم يتبع الخطوات الاي تطلبها منها وينفذها . كم مدخل وخرج للمدن ووين تبيه يروح ووين تبيه يستقر
كيف يتعامل مع الحدث وكيف تقدر تديره . كيف تقلل الخساير او كيف تمنعها . من المسؤول ومن يدير من ومن يتبع من من . هل الداخليه او الصحه . هل الجيش يتدخل الان ومتى يتدخل . كل هالخطط لازم تتبع جهاز يسمى منع الكوارث . وايضا كيف تدرسها وتطورها
كل جهه لازم تسوي احصاء للمرافق اللي تتبعها وكيف نستخدمها وقت اي حدث . كيف الفريق يعمل وكيف يتجاوب . من يسوي التقارير ومن يربطها وشو جهاز التواصل الامن والغير امن . فرقة العمليات كيف تتشكل وكيف تعزلهم عن الاخرين ووش مطلوب منهم .
هذا النوع من التخطيط تطبقه ارامكو بالنسبه لمرافق النفط وايضا الجيش وقت الحروب . لكن باقي الجهات للحين الدور غير مكتمل او يمكن غير معلن . البلد يتعلم مع كل حدث بس الموضوع يبي تخطيط شامل مدروس .
في امريكا نجحوا وتعلموا من الفيضانات لكن الحين يعانون من الوباء وكلهم يلومون بعض والقرارات اجتهادات من الرئيس فقط . والدليل هو اللي وقف البلد ومنع الدخول له . وين الفريق عنها .
في الرياض كمثال لو حصل فيضان وين الاحياء المعرضه للخطر وكيف يتصرفون وايش افضل خطه لهم . في حال حرب وين الحيء المعرض للخطر وفي حال وباء وين الحي المعرض لانتشاره .
في حال وباء وين اللي عايشين على خط الفقر وكيف الدوله والجمعيات الخيريه تساعدهم بالمستلزمات والمؤونه اليوميه . لازم شبكه ونظام فيه كل المعلومات يساعدنا في مساعدتهم .
لازم تقسم المدن لمناطق وتحدد من المسؤول عنها وكيف يتجاوب . اقرب مرفق صحي . اقرب مكان للخدمات وافضل طريقه يتبعونها وايش وسيلة المواصلات والاتصالات
مو شرط تفرغ كامل من قبل المساعدين والمعدات . ممكن باصات مدارس المنطقه تجليهم . توفر لهم الاكل . ممكن المساجد تكون مناطق تخزين . ممكن المدارس تتحول مستشفيات ومباني للسكن .
كل هذا يوفر عالدوله الجهد والوقت والمال . والله اعلم . نفعل الاسباب فقط
في ناس كثير مثلا فقدوا وظايفهم . بذل ما اجيب ناس اعطيهم رواتب مو محتاجين اعين اللي فقدوا وظايف مؤقتا لمساعدتنا في تجاوز الازمه
جاري تحميل الاقتراحات...