الفسيخ ، ملك الأسماك المملحة، النجم المتوج في شم النسيم وما بعد رمضان، سمكة البوري البحرية ذات اللحم الوردي الجميل والقاتل أيضا اذا كان حظ اللي هياكلة سئ، متوقع انة هيتفاعل مع فيرس الكورونا او هيقضي علية محدش عارف، مشهور جدا في وجة بحري لانشغال اهل الصعيد باخوة الأمير سمك الملوحة
واللي دورة جاي بعدين وهيعمل مشكلة كبيرة وخناقة بسبب طريقة اكلة، نرجع للفسيخ الملك المتوج واللي فلسفة اكلة بسيطة خالص تنظيف السمكة من القشرة وفتح بطنها وتنظيفة وتقطيع السمكة الي ٣-٤ قطع بالعرض في طبق ويكون القشرة للاسفل، واللحم الوردي الجميل من فوق جاهز للغموس مباشرة او مع الطحينة
السادة والزيت والكثير من الليمون، طبعا البصل والفلفل والخس مكونات جانبية مهمة مع الطبق دة، وينفع سلطة مخلية مع الطحينة بس ملهاش لازمه الصراحة
الرنجة : لو كان الفسيخ هو الملك فابلقطع الرنجة هي الملكة برضو، سمك الهيرنج المدخن بتاع بلاد برة، مع ان التدخين مش وسيلة متعارف عليها لحفظ الأكل على مدار التاريخ المصري وكان التمليح او التجفيف هو السائد،. نجحت الرنجة بلونها الدهبي السكسي وطعمها المدخن في سلب قلوب المصريين و
وبل نافست الملك المتوج وهددت عرشة كتير لرخص تمنها مقارنة بالملك المتوج، وكأي ملكة ترفض الرنجة الا انها تظهر بكامل زينتها، ترفض انها تطلع على الطبق لوحدها، لازم تكون متوجة بالبصل والفلفل والطماطم والليمون وأحيانا الجزر كمان والزيت كسلطة او كسلطة طحينة مع البصل والفلفل، بيصر
بعض المصريين على شويها على نار البوتجاز وبل تجرأ بعضهم على تعذيبها اكتر بوصعها في الفرن، مع انها جاهزة للأكل بدون اي تدخل خارجي اطلاقا، وكأي ملكة دايما معاها اميرات اسمهم بطارخ الرنجة ، انا بفضلها كسلطة طحينة بفرقعة السمكة في مية سخنة بتغلي
لازالة ملحها وتطرية لحمها وخلطة مع الطحينة والفلفل الأخضر والبصل والليمون والفلفل الأسود والملح وتركها في التلاجة ساعين بتبقي جميلة جدا، كذلك بطارخها بنفس الطريقة او ممكن تتفرم مع مايونيز وبصل وبابريكا بتبقي سبريد حكاية
اخو الملك المظلوم الغير مفهوم، الملوحة الصعيدي aka الاسواني، سمكة الرشال او كلب البحر النيلي ، كاهل الصعيد لحمها اقسي وأكثر ملوحة ولكن طعمها أقوى لمحبين السمك المملح ، لو مستوى كويس يتاكل زي الفسيخ او جاف شوية يصدم لحمتة بزيت ساخن جدا يطري ويفتت لحمتة ويخليها سهل الغموس
السردين المخلل الأخ الشقى الخلبوص، سردين البحر الأبيض المتوسط مملح ومخلل ومشطشط احيانا، صغير وطعمة لاذع شقى محبب، بسيط جدا مع زيت وليمون كفاية جدا ومفهوش فلسفة
الانشوجة هي الأخت المايصة للاخ السردين، اكتر منة ملوحة واقوي طعما ودايما في علب صفيح مستوردة، مش مشهورة في شم النسيم بس إضافة لابأس بها للسفرة يومها
نرجع لتضاد الوجة البحري vs القبلي، سمك البساريا المملح مع أخوة الملوحة الصغيرة الاتنين في الشكل قريبين من بعض واكلة بسيط، تمسك السمكة بعبلها همم مم بقشرها براسها باحشائها كلة مع لمون وشطة وبس، لو مش محترف بلاش
فسيخ النوفو ريش بتوع التجمع والشيخ زايد، سمك السلمون النرويجي المستورد والمحضر بعناية لهم ابو الكيلو بدشليون جنية ، طبعا هما ادري بيتاكل ازاي ملناش دعوة، بس هو لذيذ وطعمة محبب ولونة برتقالي شقى بس مش من توبنا وممكن يزود الكورونا ميقضيش عليها
طبعا مننساش مدعين التميز والحائزين على وسام يعع احنا لا يمكن ناكل فسيخ ورنجة ممكن يشاركو فرحة اليوم بتونه صن شاين المتعددة الاختيارات عادي ويغورو بعيد ميصدعوناش بالمنيكة بتاعتهم خالص دلوقتي
جاري تحميل الاقتراحات...