ليه الناس بتموت في الكورونا؟
قبل ما تخاف لانك قريت كلمة "موت" ف مفروض تعرف انو المرض خفيف في ٨٠٪ من المُصابين
قبل ما تخاف لانك قريت كلمة "موت" ف مفروض تعرف انو المرض خفيف في ٨٠٪ من المُصابين
٢٠٪ من المرضى بيحتاجو تنويم في المستشفى
٤٠٪ من العيانين البيحتاجو تنويم في المستشفى بيجيهم متلازمة ضيق التنفس الحادة (Acute Respiratory Distress Syndrome ARDS)
٥٠٪ من الناس الجاتهم متلازمة ضيق التنفس الحادة (Acute Respiratory Distress Syndrome ARDS) بيموتو
٤٠٪ من العيانين البيحتاجو تنويم في المستشفى بيجيهم متلازمة ضيق التنفس الحادة (Acute Respiratory Distress Syndrome ARDS)
٥٠٪ من الناس الجاتهم متلازمة ضيق التنفس الحادة (Acute Respiratory Distress Syndrome ARDS) بيموتو
هي اسمها متلازمة ضيق التنفس الحادة
يعني حالة مرضية بيكون فيها الزول ما قادر يتنفس كويس او نفسو قصير
طيب يعني شنو نفس قصير؟
يعني حالة مرضية بيكون فيها الزول ما قادر يتنفس كويس او نفسو قصير
طيب يعني شنو نفس قصير؟
يعني الانفاس البياخدها الزول متقاربة من بعض و المدة الزمنية البياخدها الزول لكلا الشهيق و الزفير بتكون قصيرة ،
الطبيعي انو الشهيق يكون ٢ ثانيتين و الزفير ٣ ثواني، مجموع الشهيق و الزفير الواحد بنسميه دورة تنفسية
الدورة التنفسية بتاخد ٥ ثواني (٢ شهيق و ٣ زفير)
الطبيعي انو الشهيق يكون ٢ ثانيتين و الزفير ٣ ثواني، مجموع الشهيق و الزفير الواحد بنسميه دورة تنفسية
الدورة التنفسية بتاخد ٥ ثواني (٢ شهيق و ٣ زفير)
في الدقيقة عندنا ٦٠ ثانية ولو قسمت ٦٠ على ٥ بيكون النتيجة ١٢
اذا عدد الدورات التنفسية في الدقيقة هي ١٢ ودا الطبيعي لزول بالغ
الـ١٢ نفس البتاخدهم في الدقيقة ديل بيكونو كافيين يمدو جسمك بالاوكسجين المحتاجو (بإفتراض انو رئتيك سليمات)
اذا عدد الدورات التنفسية في الدقيقة هي ١٢ ودا الطبيعي لزول بالغ
الـ١٢ نفس البتاخدهم في الدقيقة ديل بيكونو كافيين يمدو جسمك بالاوكسجين المحتاجو (بإفتراض انو رئتيك سليمات)
و اذا كانو ما كافيين ف حتزود عدد الشهقات البتاخدهم،
ليه بتزود عدد الشهقات؟ لانو الشهيق هو الطريقة البندخل بيها الاوكسجين لاجسامنا
ليه بتزود عدد الشهقات؟ لانو الشهيق هو الطريقة البندخل بيها الاوكسجين لاجسامنا
المشكلة شنو في الكورونا البتخلي الرئتين ما شغالات كويس؟
المشكلة انو بيحصل التهاب كرد فعل لوجود الفايروس، رد الفعل دا بينتجو عنو حاجتين؛ يا بقى عندي تجمع بتاع سوائل في الرئة يا بقى عندي تليف في انسجة الرئة كنتيجة للالتهاب
المشكلة انو بيحصل التهاب كرد فعل لوجود الفايروس، رد الفعل دا بينتجو عنو حاجتين؛ يا بقى عندي تجمع بتاع سوائل في الرئة يا بقى عندي تليف في انسجة الرئة كنتيجة للالتهاب
طيب التجمع بتاع الموية في الرئة ولا التليف بتاع الانسجة بتاعت الرئة بيعمل شنو؟
بيمنع تبادل الغازات.
كيف بيمنع تبادل الغازات؟
بيمنع تبادل الغازات.
كيف بيمنع تبادل الغازات؟
قبل اوريك كيف بيمنع تبادل الغازات مفروض اقوليك انو اهم غازين اجسامنا بتتبادلهم مع البيئة الخارجية هم الاوكسجين و ثاني اكسيد الكربون
لمن تنتفس نحن بنعمل حاجتين مهمات:
بندخل اوكسجين و بنطلع ثاني اكسيد كربون.
لمن تنتفس نحن بنعمل حاجتين مهمات:
بندخل اوكسجين و بنطلع ثاني اكسيد كربون.
الاوكسجين يدخل من البيئة الخارجية للرئة و من الرئة بيخش الدم وبعداك الدم بيوصلو للخلايا، و ثاني اكسيد الكربون بيطلع من الخلايا و بيشيلو الدم يوديهو للرئة و من الرئة للبيئة الخارجية
طيب شنو البيجيب الاوكسجين للرئة و منو يمشي للدم و بعدو للخلايا
و شنو البيخلي ثاني اكسيد الكربون يمشي من الخلايا للدم و بعدو للرئة و منو للبيئة الخارجية عشان يطلع برا اجسامنا؟
و شنو البيخلي ثاني اكسيد الكربون يمشي من الخلايا للدم و بعدو للرئة و منو للبيئة الخارجية عشان يطلع برا اجسامنا؟
اول حاجة مفروض نقول انو الهوا بمكوناتو المختلفة من غازات بيتحرك من مكان للتاني محكوم بفرق الضغط، بحيث انو دايما الغاز بيمشي من محل ما هو كتير لمحل ما هو شوية
و بكتير دي قصدي جزيئات، الجزيئات اللي كل ما كانت كتيرة معناها بتخلق ضغط اكبر، ف بالتالي ممكن بدل نقول انو الغاز بيمشي من محل الجزيئات الكتيرة لمحل الجزيئات الشوية، ممكن نقول انو الغاز بيمشي من محل الضغط بتاعو كتير لمحل ضغطو اقل
ف الفكرة في انك لمن صدرك ينتفخ اثناء الشهيق انو الهوا (الاوكسجين) يخش
و لمن تضيّق صدرك اثناء الزفير انو الهوا (ثاني اكسيد الكربون) يطلع
و لمن تضيّق صدرك اثناء الزفير انو الهوا (ثاني اكسيد الكربون) يطلع
و في الشهيق و الزفير التغيير البيحصل في حجم الصدر هو البيخلي الهوا يا يدخل للصدر يا يطلع منو
و السبب في كدا هو قانون بويل بتاع الغازات البيقول انو الضغط بتاع غاز في وعاء بيتناسب تناسب عكسي مع حجم الوعاء،
و السبب في كدا هو قانون بويل بتاع الغازات البيقول انو الضغط بتاع غاز في وعاء بيتناسب تناسب عكسي مع حجم الوعاء،
بحيث انك لمن تنفخ صدرك ف كأنك وسعت حجم الوعاء و بالتالي نقصت ضغط الهوا؛ يقوم الهوا يخش للصدر
و في الزفير انت بتضيّق صدرك، و بالتالي حجم الوعاء (الصدر) بيضيق و ضغط الغازات فيهو بيرتفع و الهوا بيطلع
و بيرتفع دي قصدي انو بيبقى اكتر من ضغط الهوا البرا في البيئة الحولينك
و في الزفير انت بتضيّق صدرك، و بالتالي حجم الوعاء (الصدر) بيضيق و ضغط الغازات فيهو بيرتفع و الهوا بيطلع
و بيرتفع دي قصدي انو بيبقى اكتر من ضغط الهوا البرا في البيئة الحولينك
الاوكسجين في اجسامنا بنستهلكو، و ثاني اكسيد الكربون في اجسامنا بنصنعو
نسبة الاوكسجين في جسمنا اقل من البيئة الخارجية لذا ف الاوكسجين حيخش لجسمنا مدفوع بفرق التركيز
نسبة ثاني اكسيد الكربون في اجسامنا اكتر من البيئة الخارجية لذا فثاني اكسيد الكربون حيطلع من جسمنا مدفوع بفرق التركيز
نسبة ثاني اكسيد الكربون في اجسامنا اكتر من البيئة الخارجية لذا فثاني اكسيد الكربون حيطلع من جسمنا مدفوع بفرق التركيز
الاوكسجين و ثاني اكسيد الكربون غازات
كيف ح اخلي الاوكسجين يدخل للدم؟
و كيف ح اخلي ثاني اكسيد الكربون يطلع من الدم؟
بتكلم عن اوكسجين يدخل للـ"دم"، او ثاني اكسيد كربون يطلع من "الدم"
لانو الناقل الوحيد للغازات هو الدم!
كيف ح اخلي الاوكسجين يدخل للدم؟
و كيف ح اخلي ثاني اكسيد الكربون يطلع من الدم؟
بتكلم عن اوكسجين يدخل للـ"دم"، او ثاني اكسيد كربون يطلع من "الدم"
لانو الناقل الوحيد للغازات هو الدم!
في الرئتين الحتة البيتم فيها تبادل الغازات اسمها alveoli او حويصلة هوائية
عشان اطلع ثاني اكسيد الكربون فالدم مفروض يجي الرئتين و يكون قريب من الحويصلات الهوائية
و عشان ادخل الاوكسجين مفروض الدم يجي قريب من الحويصلات الهوائية برضو كمان
و عشان ادخل الاوكسجين مفروض الدم يجي قريب من الحويصلات الهوائية برضو كمان
الحويصلة بتكون ملانة هوا جايي من البيئة الخارجية (فيهو اكسجين كتير و ثاني اكسيد كربون شوية)
الدم بتاعنا فيهو اكسجين شوية و ثاني اكسيد كربون كتير، و لو سمحنا للغازات بانها تتحرك بحرية ف الاوكسجين حيخش للدم و ثاني اكسيد الكربون حيطلع منو
الدم بتاعنا فيهو اكسجين شوية و ثاني اكسيد كربون كتير، و لو سمحنا للغازات بانها تتحرك بحرية ف الاوكسجين حيخش للدم و ثاني اكسيد الكربون حيطلع منو
(لانو الهوا بمكوناتو المختلفة من غازات بيتحرك من مكان للتاني محكوم بفرق الضغط، بحيث انو دايما الغاز بيمشي من محل ما هو كتير لمحل ما هو شوية)
ثاني اكسيد الكربون و الاوكسجين في حركتهم من الدم او ليه مفترض يعبرو الجدار الفاصل بين الدم و الحويصلات الهوائية، الجدار دا في الغالب بيكون صغير شديد قطرو حوالي ٢ مايكروميتر (شوف الصورة الاولى و التانية)
الجدار دا اذا سمكو اتغير فتبادل الغازات طوالي حيتأثر
في متلازمة ضيق التنفس الحادة سمك الجدار بيتغير و بيزيد (شوف الصورة)، لمن يزيد سمك الجدار ف الاوكسجين حيلاقي صعوبة انو يدخل للدم و بالتالي نسبتو في الدم بتبقى قليلة
استجابة الجسم لنقص الاوكسجين بتكون بزيادة عدد دورات التنفس و عشان كدا النفس بيبقى قصير.
استجابة الجسم لنقص الاوكسجين بتكون بزيادة عدد دورات التنفس و عشان كدا النفس بيبقى قصير.
نقص الاوكسجين بيعمل شنو؟
الاوكسجين اهم مورد لتنفس الخلية و استقلابها و توليد الطاقة
في حالة انعدامو الانسجة و الخلايا بتموت، بعد موت الانسجة و الخلايا بيتبعها موت الاعضاء و الانظمة و بيتوج موت الانظمة بموت الكائن.
الاوكسجين اهم مورد لتنفس الخلية و استقلابها و توليد الطاقة
في حالة انعدامو الانسجة و الخلايا بتموت، بعد موت الانسجة و الخلايا بيتبعها موت الاعضاء و الانظمة و بيتوج موت الانظمة بموت الكائن.
جاري تحميل الاقتراحات...