أكثر شيء يعجبني بعلاقة الأخوات إني أقدر بنص السالفة أقولها اسكتي خلاص ازعجتيني سوالفك خايسة ولا يفسد ذلك في الود قضية
الغريب أعزائي أنهم يكملون يسولفون بلا أدنى تأثر!
بعد من الأشياء اللي تونسني أختي الكبيرة ر١ والصغيرة ر٤ يسولفون واجد ومرة ثرثارات وكل وحدة عالم مختلف بس يشتركون في الثرثرة وكل وحدة تبي هي اللي سالفتها تنسمع، إذا جلسوا سوا كل وحدة تحسب للثانية كم سالفة قالت عشان ما تزيد عنها
ر١: و بعدين في الجامعة... إلخ..
ر٤: *مو مهتمة*
ر١: ترى ما بسمع سوالفك إذا ما سمعتيني!
ر٤: ايوه كملي وش فيها الجامعة؟؟؟؟
ر٤: *مو مهتمة*
ر١: ترى ما بسمع سوالفك إذا ما سمعتيني!
ر٤: ايوه كملي وش فيها الجامعة؟؟؟؟
مرة ر١ كانت مشغولة على اللاب و ر٤ تبي تسولف مرة مشتطة، عصبت منها ر١ وشغلت بالجوال مؤقت ١٠ ثواني عشان تخلص سالفتها ومن هناك بدأت حركة السوالف اللي بالمؤقت بيننا كلنا لأن جازت لي مررة الصدق أحب هالحركات النذلة
ر٤ الصغيرة لذلك التنمر دايم عليها، اليوم نتفرج ونبغى السماعة من الغرفة الثانية قلنا لها روحي جيبيها قالت لا نلعب حجرة ورقة مقص. لعبنا، خسرت وراحت جابتها.
طبعًا جابتها برضى لأنه بإنصاف مو بأمر منا فكبرياءها ما انجرح
طبعًا جابتها برضى لأنه بإنصاف مو بأمر منا فكبرياءها ما انجرح
اها.. واكتشفنا بعد ذا كله أن السماعة مو مشحونة
ر١ الكبيرة لذلك هي المستبدة، السالفة الوحدة لها أسمعها ٦ مرات. الأولى تحكيني، ومرة وهي تحكي أختي جنبي، مرة وهي تحكي ماما، الثالثة لما نجتمع عند خالاتي، الرابعة لما نجتمع عند عماتي، الخامسة وهي تكلم صديقتها جنبي السادسة تنسى إنها حكتني فترجع تعيدها.......
أنا ر٣ اللي ساكتة ما اسولف بس إذا تكلمت اعلّي صوتي مرة واصارخ وعروقي تطلع لأنهم أغبياء طبعًا ما يفهمون إلا بالصوت العالي والسب
صح على ذا الطاري أكثر شيء يونس بخصوص أننا طقم هو إذا وحدة شرت شيء بحرف R كلنا نستخدمه ونحتله، الحروف المضيئة الأكواب القاعدة تبع الكوب حتى ماما اذا جات تشتري هدايا بحروف ما تتعب
جاري تحميل الاقتراحات...