ثريد لكل محب للغات ولكل شخص يبغى يتعلم الفرنسية بس خايف ??
اولاً اللغة الفرنسية تشبه الانجليزية من ناحية المفردات فقط وتشبه الاسبانية والايطالية من نواحي كثيرة بحيث انهم كلهم لغات لاتينية.
اللغة الفرنسية تشبه العربية من ناحية القواعد وكتابتها تختلف عن النطق يعني بتلاقون كلمة طويلة بس مايُنطق منها الا صوتين فقط (اتمنى تكملون الثريد للنهاية ?)
اول شيء نبتعد عن المنطق وكثرة الاسئلة اللي للاسف مالها جواب ! خلاص هي الكلمة كذا تُنطق انطقها نفس ما اسمعها. اول عقبة بتنحل لما تستوعبون هذا الشيء.
كثير منكم خايف يتعلم الفرنسي عشان النطق صعب ولا قواعدها صعبة! انت وش عليك من القواعد؟ على اساس احنا نتكلم عربي سليم؟ حتى اهل اللغة يسوون اغلاط لاتخلون الخوف يكون عقبة في طريقكم.
وفيه منكم كمان يقول طيب لو تعلمت فرنسي ايش بستفيد؟ طيب انا اقولكم
لما تبغون تتوظفون وبالسي في يظهر انكم تتقنون اكثر من لغة ممكن تزداد فرصة توظيفكم! انا اعرف شخص توظف لانه يتقن اللغة اليابانية! وهو تعلم اليابانية مو عشان وظيفة تعلمها لانه يحب هذه اللغة ولانه يسافر لليابان كثير.
وشفت مرة واحد بسناب قال انه توظف بالمطار لانه يتقن الانجليزي والفرنسي. اللغات لها فايدة مهما كانت. يمديك حتى تاخذ شهادة قياس لمهاراتك فيها وتعلّم الناس من بيتك.
يمديك تشتغل على نفسك وتتطوع وتترجم عند ناس خبرة لين تكتسب مهارة الترجمة ومن ثم تشتغل عن بعد مترجم/ة ليش لا؟
الان مع السياحة والحج يحتاجون ناس عندهم لغات غير الانجليزي.
وبعيداً عن العمل، ماودكم تقرأون كتاب او تشوفون فيلم باللغة اللي قررتوا تتعلمونها؟ ماودكم تحسون بطعم هذا الانجاز؟
وبعيداً عن العمل، ماودكم تقرأون كتاب او تشوفون فيلم باللغة اللي قررتوا تتعلمونها؟ ماودكم تحسون بطعم هذا الانجاز؟
لو شفت واحد/ة يقولك : وش تبي بالفرنسي/بالبرتغالي/بالهندي... قوله انت وش تسوي بحياتك غير تحطيم الناس والجلسة ٢٤ ساعة قدام الجوال؟
خليه يقولك ايش يسوي.
خليه يقولك ايش يسوي.
هذا الكلام للي عنده حب للغات بس يخاف يبدأ ويخاف ان جهده يروح عبث. اللي مايحب هذا المجال ترا الكلام مو موجه لكم وانا مااجبر احد على شيء مايحبه ??.
نرجع للفرنسي
لاتبدأون بالقواعد نهائياً❌ تعلم القواعد في البداية راح يخليك تفكر كثير لما تستخدم اللغة واحنا مانبغاك تفكر، نبغاك تكوّن اساس للغة عن طريق الاستماع للقصص.
لاتبدأون بالقواعد نهائياً❌ تعلم القواعد في البداية راح يخليك تفكر كثير لما تستخدم اللغة واحنا مانبغاك تفكر، نبغاك تكوّن اساس للغة عن طريق الاستماع للقصص.
ويفضل تشوف افلام كرتون سبق وشفتها بالعربي او اي لغة تفهمها، ومن بعد، تشوفها بالفرنسي عشان يكون عندك معرفة بالاحداث وهذا الشيء بيساعد في اكتساب الجمل بفعالية أكثر.
ثالثاً: اي كلمة تتعلمونها، لازم تعرفون نوعها مذكر او مؤنث وكيف تنجمع وكيف تُنطق? هذا الشيء راح يسهل عليكم القراءة والكتابة لاحقاً.
الكلمات والجمل اللي اتعلمها من القصص وافلام الكرتون انطقها بصوت عالي واحاول استخدمها مع نفسي ولا قدام المراية المهم انطقها واستخدمها بصوت عالي.
هذا التكرار والممارسة راح تثبّت عندكم صوت الكلمة يصير لما تسمعونها بمقطع ولا بأغنية راح تعرفون على طول معناها لان الصوت مو غريب على دماغكم.
جاري تحميل الاقتراحات...