بسم لله سالفة صديقتي ريم الي خلتني اكره اسم ريم بعدها ... ان السالفه طويله جدا ولكن ارجو عدم البعص لان الاحداث مؤلمه???
اول شي جيرانا غيرو بيتهم وجو سكنو بدالهم ناس جدد ومين صارو !! ايوه ايوه ريم صارت بنت جيرانا وانبسطت اخيرا جيران عندهم بنت كبري وصارت احلى صديقه بنسبه لي صداقتنا دامت لمدة ٤٧ يوم طبعا الرقم جدعنه مني..
وعرفتها ع البنات وصارت صديقتي وياما شاء الله علينا المهم وحده معنا بالفصل بدون ذكر جنسيتها كانت قدامنا والبنت حالتها الماديه واضح سيئة وشعرها كان خشن ف ريم كانت تحب تتنمر وكانت تتنمر عليها وكنت انصحها واقولها لا تتنمرين حرام وهي تقول احسن اجنبيه تستاهل وش جابها عندنا..
ودايم تقولها يالاجنبيه وش جابك عندنا انقلعي ديرتك وتتنمر على شعرها ولبسها وانا وضعية واكتمي يانفس كنت ماحب تصرفها ذا ودايم اهاوشنا عليه ياحلوي من يومي ضد التنمر وكفو حتى وانا مراهقه بالله ما استاهل تحبوني؟ الله يدخلني الجنه صدق لحظة بقوم احضن نفسي
وفي مره تنمرت تنمر خلاني افقد اعصابي واصارخ عليها كانت تفتح شنطة البنت وتقولها شاريه دفاترك من بنده والعثيم موب اصليه وتفتح اقلامها وتقول وع موب اصليه والبنات يتفرجون وهي كاتمه غيضها قمت صارخت عليها انو خلاص وقفي عيب وسكتت وبعدها التفت للبنت الاجنية وقالت قابلينا بالفسحه...
انا هنا استفاهمات وش قابلينا بالفسحه وش بتسوين قالت بس بنتفاهم ونعتذر وانا صدقت قلت كفو هذي صديقتي ريم الصنديده الشجاعه القويه المغواره ( الزقه ) ورن جرس الفسحه ونزلنا وجتنا البنت الاجنبية وفجاه احتريهم يمدون يدينهم ويسلمون بس مدوها على شعورهم وفجاه تهاوشو صصصصدممممه
والي تفصخ جزمتها وترجمها والي تسحب شعر وشقشقة مرايل وانا ماستوعبت وش يصير وكانت ريم تنجلد بقوه من البنت وتقولي نورا افزعي نورا ساعديني وقدرني الله ودخلت يدي بشعر البنت وماعرفت اطلع يدي من شعرها وجت المرشده على صوت الصراخ ومسكتنا ثلاثتنا طبعا جرتني معهم عشان يدي ناشبه بشعر البنت
والبنت الاجنبية الله يجزاها خير اثمر فيها اني اهاوش ريم عشانها وقالت للمرشدة نورا مالها دخل ريم هي الي نادتني بالفسحه وهي الي بدت وقالت نورا خلاص روحي فصلك ورحت وانا ادعي ربي مايصير شي لريم كنت قمااااط مره وانا ادعي قاطعتني وحده وقالت نورا تبيك المرشده ورحت وانا اتنافض
لما قالو المرشده تبيك كان وضعي كذا رعبببببببب رعببببببب
وتوني طالعه من الفصل الا اشوف ريم واحضنها واقول تعورتي وجعك شي وجها كان حرفيا يصب دم ولا ردت علي دفتني استغربت ودخلت ع المرشده الا فجاه تطلع لي تعهدات وتقولي ليه تحرضين بينهم وانا لحظة يسطا نفهم ولا عطتني مجال تقول انتي الي قلتي لريم تقولها تجي بالساحه وانتي الي بديتي الهوشه
اول مره احس اني مظلوووم وابي ادافع عن نفسي كانت المرشده تسكتني وتصارخ علي وانا جتني البكيه بس مسكتها واول ماوقعت وسويت كل شي تبيه طلعت من عندها ابكي منهاره ورحت الفصل واسال ريم شسالفه وش صار صارت الكلبه مفتريه علي عندها عشان تطلع نفسها من المشكله ومن بعدها صرت اكرها واكره اسم ريم
وانتهت صداقتنا الي محد يتمناها اصلا واكلت تبن وقتها وتشوهت سمعتي بالمدرسه واه قلبت المواجه
جاري تحميل الاقتراحات...