اكبر كذبة تسمعها الاوقات هذي جملة (استغل وقتك ترى بتندم) انتبه تطيح في هذا الفخ ،، انت انسان ولست آلة ،، انت جسد وروح ،، جالس تتعايش مع كارثة عالمية وماتدري ايش نهايتها ،، كلما رفهت عن نفسك واسترخيت كلما طالت انفاسك لتنجو ،، استرخي اضحك ،، قم بواجباتك الدينية والاجتماعي ،، استرخي

اتكلم ترى من تجربة ،، لك حق ترفض او تصدق كلامي بس من تجربتي مع الازمات وقراءتي المتكررة لكتب ومقالات عن مثل هذي المواقف والاحداث آمنت انك كل ماكنت هادي ومسترخي كلما حافظت على طاقتك البشرية لتتجاوز الضغوطات ،، الانسان وقت الكوارث العامة ينقلب (داجن) يتكاثر ويجمع مخزون أكل ويبحث

عن ملجأ أو جحر يختبىء فيه،، هذي فطرته فلا تحاول تخالفها وتعيش دور اكثر من هذا الدور ،، بيجون حقين التحفيز والانجاز مولعين
قواكم الله لاتتعبون انفسكم ورونا انجازاتكم بس تراكم بتحرقون نفسكم بدري
ماقول اقطعوا الامل بالعكس دورة التدجين هي اللي تهيئك وتخليك مستعد لانجازات مابعد الأزمة

الفترة هذي فترة قصيرة من عمرك ،، ان كثرت ان شاء الله ماتتعدى ست شهور الى سنة بالكثير ،، مهي شي مقابل انك تعديها بسلام ،، احب انوه على شي مهم : انك تقرأ كتب وروايات ترى مهو انجاز او شي تتفاخر فيه انك سويته ،، مثله مثل خياطة بيز او تنظيف جدار او قراءة ثريد بتويتر يعني شي روتيني

ليش مصدق انك سويت شي كبير؟؟ هذا بس لأنهم ضغطوك وقالوا لازم تسوي انجاز وضميرك يأنبك،،انه يارب بعدين اقول استفدت من وقتي وقريت 20 كتاب
اقرأ مثل ماتبي اتكلم عن الناس اللي يقولون حقق انجازات كبيرة مع ان اكبر انجاز ونجاح هو التزامك بالعزل المنزلي وخروجك هذي الفترة وانت سليم من الجائحة