من بداية ظهور فايروس SARS-CoV-2 المُسبِّب لجائحة الكوفيد-١٩ (كورونا) الحالية في اواخر ٢٠١٩ في الصين و لحد يوم ١١ من شهر فبراير الفات كان عدد المُصابين بيهو في الصين حوالي ٤٤٦٨٢ شخص
٨٠٪ من المُصابين اعراضهم كانت خفيفة (mild) و الماتو منهم ١٠٣٢
من ١٠٢٣ الماتو ديل ٦٥٣ كانو ذكور مع انو عدد المصابين الذكور و الاناث كانو متعادلين
و طبعا ٦٥٣ اكتر من نص الـ١٠٢٣
من ١٠٢٣ الماتو ديل ٦٥٣ كانو ذكور مع انو عدد المصابين الذكور و الاناث كانو متعادلين
و طبعا ٦٥٣ اكتر من نص الـ١٠٢٣
في الحقيقة معدل الوفيات لحد شهر فبراير كان اعلى وسط المصابين الذكور
معدل وفيات الإناث كان ١.٧٪ بينما معدل وفيات الذكور فهو ٢.٨٪!
و الارقام دي و اختلاف النسب بتعني ببساطة انو اذا في ذكر و انثى اتصابو بالمرض ف فرص انو الذكر يموت فهي ٥٠٪ اكتر من فُرص موت الأنثى.
معدل وفيات الإناث كان ١.٧٪ بينما معدل وفيات الذكور فهو ٢.٨٪!
و الارقام دي و اختلاف النسب بتعني ببساطة انو اذا في ذكر و انثى اتصابو بالمرض ف فرص انو الذكر يموت فهي ٥٠٪ اكتر من فُرص موت الأنثى.
و في ايطاليا ف الذكور المشخصين و الإتأكدت اصابتهم بالكوفيد-١٩ هم ٦٠٪ من مُجمل المصابين
و اكتر من ٧٠٪ من البيموتو هُم من الذكور!
و اكتر من ٧٠٪ من البيموتو هُم من الذكور!
ولو حتقول لي انو الذكور بيموتو اكتر كنتيجة طبيعية لانهم كعدد و اصابات اكتر من الاناث احب اقول ليك انو في كوريا الجنوبية كان فيها معدل اصابة الإناث اعلى من إصابة الذكور و برضو الكان بيموت اكتر هم الذكور بنسبة ٥٤٪ من مجموع الوفيات.
الكورونا حكايتها (او حكايتو ?) شنو مع الرجال؟
و قبل ما نجاوب خلينا نحاول نلقى سبب بيخلي الذكور يموتو اكتر من الاناث
ف المرض من الدراسات الطلعت بيكون اشد في المرضى العندهم مشاكل صحية تانية زي السكري و الضغط و امراض القلب و الشرايين
و قبل ما نجاوب خلينا نحاول نلقى سبب بيخلي الذكور يموتو اكتر من الاناث
ف المرض من الدراسات الطلعت بيكون اشد في المرضى العندهم مشاكل صحية تانية زي السكري و الضغط و امراض القلب و الشرايين
و الحمد لله فالذكور احصائيا عندهم مشاكل صحية من امراض رئة و قلب و شرايين و ضغط و جلطات اكتر من الإناث
و ما ننسى دور الممارسات الضارة البيعملها الذكور اكتر من الاناث، ففي بيانات طلعت سنة ٢٠١٥ لقت انو عدد المدخنين الذكور يفوق عدد المدخنات الاناث حولين العالم بخمس اضعاف
في الصين مثلا عندهم ٣١٦ مليون مُدخِّن
اكتر من ٥٠٪ من الذكور الصينيين بيدخنو و لكن بس ٣٪ من الإناث بيدخنو.
في ايطاليا، ٧ مليون هو عدد الذكور المُدخنين، بينما عدد الاناث المدخنات فهو ٤.٥٪ مليون
اكتر من ٥٠٪ من الذكور الصينيين بيدخنو و لكن بس ٣٪ من الإناث بيدخنو.
في ايطاليا، ٧ مليون هو عدد الذكور المُدخنين، بينما عدد الاناث المدخنات فهو ٤.٥٪ مليون
و معروف بقى كحقيقة من الملاحظات و البيانات انو المُدخنين اكتر عُرضة من غيرهم لتدهور مرضهم لحالة حرجة (severe disease) قد تستدعي توصليهم بأجهزة تنفس صناعي.
ما بس التدخين، كمان بيشربو خمر بعدد لترات اكتر من الاناث بخمس اضعاف برضو (سمك بس) ?
ما بس التدخين، كمان بيشربو خمر بعدد لترات اكتر من الاناث بخمس اضعاف برضو (سمك بس) ?
فعشان كدا قبل نلوم الكورونا انو ليه بيقتل رجال اكتر مفروض نلوم سلوكنا الغير صحي برضو.
لكن بعيدا عن العادات الغير صحية البنمارسها نحن (معشر الرجال) ف المرض قد يكون متحيز للإناث لأسباب تانية؛ هرمونات مثلا!
ف اثناء تفشي متلازمة ضيق التنفس الحادة (SARS) في الصين من العام ٢٠٠٣ و اثناء تفشي مُتلازمة الشرق الأوسط التنفسية (MERS) في السعودية من العام ٢٠١٢ لُوحِظ برضو انو المتلازمتين بيقتلو ذكور اكتر من الإناث!
P.s:
فايروس متلازمة ضيق التنفس الحادة (سارس) و متلازمة الشرق الأوسط التنفسية بيسببوهم فايروسات اخوان الفايروس العامل المرض الحالي و تلاتتهم منطوين تحت عائلة فايروس كورونا.
فايروس متلازمة ضيق التنفس الحادة (سارس) و متلازمة الشرق الأوسط التنفسية بيسببوهم فايروسات اخوان الفايروس العامل المرض الحالي و تلاتتهم منطوين تحت عائلة فايروس كورونا.
و ذاتها اناث الفئران لمن يعرضوها لفايروس سارس بيكونو اقل عرضة للمرض من الذكور
بس لمن اناث الفئران دي يقفلو مستقبل الاستروجين (هرمون مسؤول عن الأنوثة) عندها او عند ازالة مبايضها (المبايض مسؤولة عن انتاج هرمون الاستروجين) ف عند تعرضها للفايروس قابلية اصابتها و موتها بتبقى نفس قابلية اصابة و موت ذكور الفئران و اكتر كمان.
الجدير بالذكر انو ازالة خصيتي ذكور الفئران (الخصيتين بينتجو هرمون الذكورة المُسمّى تيستوستيرون) ما بينتج عنو تغيير في قابلية الاصابة او فُرَص الموت.
و من الملاحظة دي الناس فكرت انو اذا لابد انو للهرمونات دور في استجابة الكائن للفايروس والاصابة.
الذكر بيبقى ذكر كشكل خارجي واعضاء داخلية وخارجية وطِباع نتيجة لوجود هرمون الذكورة (testosterone)والانثى بتكون انثى كشكل و طباع و اعضاء داخلية و خارجية نسبة لوجود هرمون انوثة (estrogen)
الذكر بيبقى ذكر كشكل خارجي واعضاء داخلية وخارجية وطِباع نتيجة لوجود هرمون الذكورة (testosterone)والانثى بتكون انثى كشكل و طباع و اعضاء داخلية و خارجية نسبة لوجود هرمون انوثة (estrogen)
هرمون الذكورة دا بيثبط المناعة البدائية (innate immunity) اما هرمون الانوثة فبيعزز المناعة لمن يكون بكميات بسيطة في الدم.
و ما بس هرمون الانوثة دا بيعزز المناعة و انما برضو بيعدل في الجينات البتتحكم في استقلاب الخلية و انتاجها للطاقة و الحاجة دي اتلقت بتقلل و بِتحِد من نسخ فايروس الانفلونزا لنفسو.
و عشان تعرف انو الفايروس دا قاصدنا فعلا
ف الفايروس طلعت تكهنات بامكانية جعل مصابيه عقيمين و مصابين بضعف جنسي.
ليه؟
ف الفايروس طلعت تكهنات بامكانية جعل مصابيه عقيمين و مصابين بضعف جنسي.
ليه؟
عشان الفايروس بيدخل لأجسامنا عن طريق ارتباطو بمُستقبل مادة اسمها Angiotensin Converting Enzyme2 (ACE2)
المُستقبل دا قاعدة في الرئتين و عشان كدا المرض بيجي بأعراض تنفسية من قُحّة و ضيق نفس
بس مشكلة المُستقبل دا انو قاعد في اكتر من مكان في الجسم، منهم مثلا الأمعاء، الكلى و الخصيتين
بس مشكلة المُستقبل دا انو قاعد في اكتر من مكان في الجسم، منهم مثلا الأمعاء، الكلى و الخصيتين
في الخصيتين في تركيبين مُهمات شديد هم الـ seminiferous tubules وديل بِرْكَة الحيوانات المنوية بتكون قاعدة جمبهم و من البركة دي الحيوانات المنوية بتتقسم و تنمو و التركيب التاني هو Leydig cells و ديل بيطلعو هرمون الذكورة (تيستوستيرون) و التيستوستيرون مهم لحاجتين؛
اولهم انو مهم شديد عشان الحيوانات المنوية تنمو
و تاني حاجة مهم لانو هو البيدينا الشكل المميز للذكور و بيعزز الرغبة (sex derive)
ف اذا فقدت الحاجة دي النتيجة النهائية هي ضعف جنسي و عقم (infertility).
و تاني حاجة مهم لانو هو البيدينا الشكل المميز للذكور و بيعزز الرغبة (sex derive)
ف اذا فقدت الحاجة دي النتيجة النهائية هي ضعف جنسي و عقم (infertility).
اها بعدا رايكم شنو؟ الفايروس متحيز ولا لا؟ ?
جاري تحميل الاقتراحات...