بعض من ابداعات المخضرم
@M_alduhaimi
كم ليلة قمت نص الليل جوعاني
وقشّرت موزه ولاني بآكل الموزه
امسي على ضيقتي والغبن يملاني
واصبح تقول حربة في الكبد مغروزه
يالقاضي اللي يحرّم كل الاغاني
لكن حلال ام كلثومه وفيروزه
ياقاضي الأذكياء لالا تغاباني
مسرح واراجوز والمسرح بأراجوزه
١

خذها نصيحة وحشّم لحية العاني ..
والله ماينفعك .. قارون وكنوزه
تالية بالقبر وحده بين لحداني
مهو بمآخذ.. ملايينه ولا بنوزه
وان كان وان كان جوز الهند عناّني
وش لي ووش للعنا .. والهند له جوزه
٣

ومن ابداعاتة ايضاً قصيدة أعشقها واجدها قريبه لقلبي !!
معقول أغير عقول الخلق و أقنعها
ماهوب معقول ياللي قال معقوله
يا خي .. أنا يا لله بنفسي .. أطوعها
ما لي على الخلق لا حكم ولا طوله
يا الأجودي لو بنفسك شي موجعها
هالوقت غير كثير نفوس بسهوله
١

نفس ذليله تشوف المال يرفعها
ونفس عزيزه تركها الفقر مذلوله
ورِجْلٍ يجيها اللحاف بطقة إصبعها
ياللي يمدد بقد إلحافه رجوله
أثبت لك إنا مع أنفسنا نخادعها
وإنا نعيش الهزيمه كنها بطوله
نقول دنياك لو ما طاعتك طعها
وهي عمرها ما طيع الحي بميوله
٢

وبإسم الرجوله عقب ما الوقت شيعها
قمنا : نكابر .. بوقت ما به .. رجوله !!
أحلامنا .. (( كذبةٍ )) .. عشنا نرقعها
ونضحك على بعضنا بأحلام مقتوله
(( بيدين مشلولةٍ )) .. نبني مرابعها !
با لله : من قد بنا بيدين .. مشلوله ؟
٣