يا اخوانا ما تبقوا زي المؤتمرجية زمان..مبرراتية لأي شي صاح كان أو غلط.. دي من الحاجات الودت الإنقاذ في ستين دهية.. ثقافة التطبيل العمياء دي + بعد قاعدته الشبابية عنو والإكتفاء بالإستياء عن بعد.
الثورة دي لو عايزنها تضيع + الوطن كلو يضيع فأسرع طريقة إنك تجند شباب الوطن كجداد++

يردد ما لا يعي ولا يفقه ويبرر الأخطاء ولا ينظر بعين الفحص والتقييم.. والحكومة البتعمل كدة بالمناسبة حكومة بتحكم على نفسها بالفناء السياسي..لأنك فعليا بتحول أكبر ضامن لتحسين أداءك اللي هو متمثل في الرقابة النقدية الشعبية إلى قطيع مدجن..ووقتها فجأة حتلقى نفسك كحكومة اتورطت+

وضيعت الناس الكانت فعلا مؤمنة بيك ومتحمسة لنهضة البلد عبرك.
السياسية الوطنية الصحيحة دى مافيها حاجة شخصية ولا فيها تقديس لذوات مهما بلغوا من مقام.. صحيح بنشكرهم لمن يعملوا شي صاح لكن ما بنبالغ في الإطراء ولا بندي شيكات تأييد على بياض لأي زول.