الشهيد محمد عادل ربنا يرحمو ويغفر ليه ما كان عندي معاو علاقة قوية علاقتنا كانت حدها ميدان خماسيات لكن @abdallah_blbol كانت علاقتو قوية معاه يوم ٩ ابريل بعد رجعت البيت وفتحت الواتس لقيت كل ستوري اصحابي بي صورتو وانا ما كنت مستوعب قصة انو استشهد دي نهائي وبيل كان مرسل تسجيل
في القروب يقطع القلب اقسم بالله?انا في لحظتها نهائي ما دمعت لكن بس قلبي كل مقبوض وفيه خوفه كدا ما عاديه اول حاجه فكرت فيها انو لازم بكره نعمل ليه ختمة قران في الإعتصام ورسلت لي @ThawragySD انو يعلن لينا ليها ولسه كنت الاحساس الحاسي بيه لمن سمعت تسجيل بيل هو نفس الاحساس يوم ١١
الصباح اول ما الجياشه بدو يضربوا رصاص في الجو انا اول شيء جا في بالي كان محمد عادل وانا سامع هتاف (دم الشهيد ما راح الليلة سقطت صاح)وانا بكيت بحرقه كانو الشهيد محمد عادل ده اخوي ما معرفة ميدان بس جملة:"ياالله الشهداء" دي كانت معلقه معاي وانا ببكي وبقول فيها بس، الزول الحاضني في
الصوره ده "الله يكتب ليه الخير محل ما يقبل قال لي كلام لحدي يوم الليلة انا ما ناسيه قال لي:" الشهداء ديل اخوانا كلنا وكل الشهداء الليلة مرتاحين استغفر.. استغفر..بعدا دورنا نحن العايشين" انا قدر الدموع الكبيتها الزول ده انا شلت منو كمية بتاعت طاقة ايجابية خيالية قدر ما بطني تطم من
البلد بتذكر كلامو وانو الدور علينا وقدر ما تغلط الحكومة انا ببرر ليها لانو غلط الحكومة معناها غلطنا نحن وفشل الفترة الانتقالية يعني فشل الثورة كلها ونحن شكلنا مكتوب نكون الجيل المفروض يضحي باي شيء عشان يوفر ال"اي شيء"الضحينا بيه للأجيال البعدينا بقدر الإمكان?
ياريت نحاول نعدي الفترةدي على خير لانو الحكومة دي بي مدنيها بي بدويها بي رشيدها حقتنا ولمن طلعنا احتفلنا بالتوقيع دي كانت مباركة على الاتفاق يبقى نستحمل فنحن لازم نواصل في الدعم ده لحدي الفترة الانتقالية دي تعدي لانو اي زول من الجيل الفات بتكلم معاك بقول ليك" الوسخ الجبتوهم"
"حكومتنا دي نحن نغلطها لكن ما نسقطها"
الله يرحم كل الشهداء الاستشهدوا وما سمعوا مزايدات النضال الحاصله حاليا بتضحياتهم?
#ذكرى_6أبريل
#القومه_للسوادن
الله يرحم كل الشهداء الاستشهدوا وما سمعوا مزايدات النضال الحاصله حاليا بتضحياتهم?
#ذكرى_6أبريل
#القومه_للسوادن
جاري تحميل الاقتراحات...