في ذكرى السادس من ابريل يوم تداعى حاجز الخوف بعد ما ملئته مواكب بري بالصدوع اليوم دا كان علامة فارقة في حياتي الواحد وصل مرلحة لا مبالاة بالذات وروح جماعية واحساس واضح بالواجب مفتقدو جدا.
a thread.
a thread.
5 april:
الشباب كان ملاوذ انو نقاط التجمع
دي كلها مواقع قص استراتيجي وارح نكبر اللفه نعمل موكب برانا من ود الجزيره,استوب هندسة,شارع النيل,بري من الاقتراحات لحدي ما اتوصلنا لي حاجه اتفق عليها جموع الشعب وهي الحل في البل ومليون ناقص واحد يساوي صفر وتأمين ماف.
الشباب كان ملاوذ انو نقاط التجمع
دي كلها مواقع قص استراتيجي وارح نكبر اللفه نعمل موكب برانا من ود الجزيره,استوب هندسة,شارع النيل,بري من الاقتراحات لحدي ما اتوصلنا لي حاجه اتفق عليها جموع الشعب وهي الحل في البل ومليون ناقص واحد يساوي صفر وتأمين ماف.
صباح يوم ٦:
اخبار الرفع المن طرف وكرتنة اي حته ما فارقه معاي بتعريفه انا وعاصم ومجدي واقفين في عبيد ختم راجين مواصلات الساعة ١٢ كل ٥ دقايق كدا بجو زي ٥ شباب مع بعض ويعاينو لينا ونعاين ليهم نظام ما بنعرف بعض المشهد دا اتكرر زي ١٠ مرات كدا لحدي ما فكيت الضحكه لانو غلبني حرفيا.
اخبار الرفع المن طرف وكرتنة اي حته ما فارقه معاي بتعريفه انا وعاصم ومجدي واقفين في عبيد ختم راجين مواصلات الساعة ١٢ كل ٥ دقايق كدا بجو زي ٥ شباب مع بعض ويعاينو لينا ونعاين ليهم نظام ما بنعرف بعض المشهد دا اتكرر زي ١٠ مرات كدا لحدي ما فكيت الضحكه لانو غلبني حرفيا.
ودا كان سبب كتاتبتي للتويتة دي?
الساعه جات على ١٢:١٥ لسه واقفين في عبيد ختم ابوي جا مارق اشر لينا نمشي معاو ركبنا العربية لحدي مستشفى المعلم ودخلنا صلينا الضهر واحنا مارقين من المعلم زي ١٢:٢٠ كدا في كميه من مدرعات الشرطه زي ١٢ كدا مشو قدامنا على شارع الجامعة قلنا بس النكش ضرب بس احنا ماشين نترفع مع الشباب.
ركبنا العربية لحدي قدام سكول نزلنا هناك وابوي اصر يواصل لي شروني نزلنا وخاشين بي ال downtown على الاتحاد الأوربي كان في زي ١٥ نفر كدا مفرقين في الشارع فوجئنا بي بوكس جهاز قافل الشارع وبفك بمبان نزل منو فرد امن شايل طبنجه عاصم لسبب ما قرر انو من الحكمة انو يواصل في الشارع ويشتبك.
وانا لسبب ما مشيت وراو زي الاهبل اها الاغرب من كدا البوكس شرد من نفرين ولا ٣ بفلقوهو طوب بعدها بقا في عربيه مويه جايه من شارع الجامعه متجهه شرق و 1giga جاي من شارع بزنس وبفك بمبان الناس اتلمت ورجعت ورا النفق بيحاول. يثبتو لاكين العدد بسيط.
شبه الموكب دا كان في حاله تراجع كدا لحدي ميدان الباسكت بعداك بقينا جارين عديل تلبنا الجامع ومرقنا في النفق التاني نفاجئ ليك بي نفرين فوق علامه النصر بعد زي دقيقتين كدا جمعنا انو يا شباب احنا في القيادة ودي كانت اكبر wtf moment في حياتي.
لمن انتبهت وصورت اللحظه كانت الساعه1:01pm.
لمن انتبهت وصورت اللحظه كانت الساعه1:01pm.
بعد زي ٣ ساعات من الرقص والبهرجة واللحظات الجميلة جدا على شاكلة الفيديو دا
ركزت انو عاصم ما معاي وما عارفو وين ودي حاجه ما متعود عليها من بدايه المواكب بكون معاي ولا مشا يعمل task معين وعارفو وين.
ركزت انو عاصم ما معاي وما عارفو وين ودي حاجه ما متعود عليها من بدايه المواكب بكون معاي ولا مشا يعمل task معين وعارفو وين.
لاقيت ايمن بابكر وقال لي عاصم دا جمب مستشفى الشعب قالو في اشتباك ماشين على المستشفى لمن وصلنا وزارة الدفاع اتداهمنا بي تاتشرين جهاز طالعين من الجهه الغربيع بفكو بمبان وبضربو رصاص بصوره عشاوائية لحدي ما اخدنا الساتر وولفنا التشيرتات على حنك النينجا داك كان في تاتشر جيش اتحرك عليهم
ودي كانت تاني اغرب لحظه في اليوم هل جيشنا معانا وما همانا فعلا؟؟. التاتشر ضرب في الهواء مرتين كدا اولاد الكلب جرو .واصلنا المشي لحدي مستشفى الشعب المغرب كان جا والشمس نزلت وهنا انصدمت صدمة كبيرة كميه تاتشرات ما تدي الدرب فاتحين انوارهم وبضربو بمبان بصوره كثيفه.
عدد التاتشرات براهو اكبر من عدد الشباب البفلقو وبيترسو.كل شويه زول بيقع مضروب بمبانه ولا تاتشر بيجي عافص بحاول ينط الترس ودي ما زي مواكب الاحياء الهدف ما الهروب ولا تأخير الهجوم عشان الناس توزع.الناس ديل ما مفروض يفوتونا باي حال من الأحوال.
ايمن بحكم كونو طبيب رجع يجيب إسعافات وينبه الناس الورا انو في معركة جاده قدام لانو لو وصلت النفق بتلقا حفله مدوره الاشتباك دا ممتد لحدي الساعة ١٢:٤٦ دقيقه اخدت لي فيها بمبانه في كراعي اليمين وكراعي الشمال اصلا معوقه من اشتباك سابق بقيت بس قاعد في الارض بحاول أجمع الحاصل شنو.
جو عاصم و مصطفى سلك تكلوني لحدي مجمع الشهيد الزبير تقريبا بقيت راقد هناك و رحعو قدام تاني في رقدتي دي جا تاتشر قاشي من جهه الجنوب عفص ليو مره ربنا يحرمها ويغفى ليها وكم زول تاني اصيبو بكسور ولف شمال هرب بعد ما اتفلق المشهد دا دخل فيني غضب ما طبيعي وكرعيني فجأة بقت كويسة.
بقيت ماشي وبكورك في الناس بصوره هستيرية انو قدام اخوانكم بموتو وانتو ما جايبين خبر وبتحنسو في الجيش وهديل الناس بموتو وهم ما شغالين بينا غالبا منظري وانا بعرج ومغبر وبكورك وببكي شككك الناس في عقلي وخصوصا انو هدا الناس مستكينه ومتونسه ولا في موت ولا رصاص ولا الكلام البقولو دا
بعد فقدت الامل في انو زول يصدقني رجعت الترس واحد من التاتشرات الكانت بتجي جاريه تعفص الناس دي اتفلق لمن فقد السيطره وخش في العربيه دي بعداك رجع خلفمن حيث جاء ودي كانت اخر هجمه ليهم هدو بعدها زمن طويل
الشباب اتقسم لي ورديات واتيام كل تيم عليو ترس ورديه تنوم هسا وناس يصحو يستلمو بعدهم وقع علينا اخر شارع فرعي بودي لمبنى جهاز الامن قعدنا في الشارع دا والأوضاع هادئه نسبيا زي ٣ ساعات كدا انا وعاصم ومجدي وسحس وشابين تانين.
بعد ساعه كدا من الهدوء يادوب الناس بدت تركز انو احنا لينا اكتر من ساعه بنتجارى في الشمس بدون اكل وشراب والركز انو معوق والفقد تلفونو والاتذكر انو جعان علمنا قرعه زول يمشي يفتش اكل وقعت علي انا.مشيت لحدي النفق الاول عشان ارجع بي سندوتشين طعميه وواحد طحنيه وسندوتش مربى .
بعد ما بطريقة ما قسمنا السندوتشات دي علينا بل وفضل منها وادينا العسكري ود الحرام الكان فوق المبنى الجمبنا وقال لينا ما تخافو انا معاكم.الناس رخت جسمها وبقت تترقد باعتبار انو اليوم انتهى.فجاه وبلا ساب انذار ما لا يقل عن ٣٠ تاتشر يجو ماشين بي شارع الجهاز متجهين على القيادة
قبل ما أجمع الحاصل واقدر اكورك انبه الوراي تاتشرات مستشفى الشعب كانت اتحركت علينا برضو واتصدقنا في مربع موت حرفيا بي بتسمع صوت رصاص وتشوف شرار بتطاير تاشترات في كل الاتجاهات والناس بس بتقع يمين ويسار جرينا على اتجاه الغرب كان في سور عالي كدا ومبنى كبير حاولنا نتلبهم.
اثناء الجرية دي عاصم قرر يقع الموصوع دا اما اخء اكثر من ثانيتين واقعيا لاكبن في راسي كان ٣ ساعات هسا هو مات ولا مصاب وانا حرفعو ولا حجري ولو رفعتو حمشي وين الحمدلله ريحني من التساؤلات دي وقلب الهوبه في الوقعه وواصل جري تلبنا السور دا وانا كرعيني الاتنين معوقات كيف ما تعرف.
دخلنا في متاهات كدا غريبه وانا حقيقي كان نفسي ارجع اعرف دا شنو المحلات الغريبه المرينا بيها دي من الأصوات المرعبه للدوشكات والرصاص كنت متأكد بما لا يدع مجال للشك انو الاعتصام اتفض واحنا بي مفروض نجري من سور لي سور وزقاق لي زقاق وصلنا كبري المسلمية ودخلنا عمارات شروني.
الكلام دا الساعه ٢:٢٨ دقيقه اصوات الرصاص لسه مستمره بل وماشه بوتيرة اقوى قررنا نرجع القيادة لمن وصلنا شارع الحوادث كان السوق العربي عباره عن تاشترات وبكاسي بترفع في الناس من طرف فرجعنا شروني تاني واستسلمنا للامر الواقع كان موكب مهيب ولكن الاعتصام فشل.
دخلنا المسجد وغمرنا فيهو لحدي ماجا راجل كدا قدر ما حاولت أفسر فهمو شنو ما قدرت ناس متربه ومبهدله وكابه دم وهدومها مشرطه ونايمين في الجامع جا صحانا لصلاه الصبح زي اولادو النايمين في البيت غايتو صلينا اا في كرسي وعاصم بسجد بكراع وحده في حركه بهلوانيه غريبه بعد الصلاه مرقنا.
بقينا في انو كيف نرجع البيت بدون نتقص مكدرين بالشوارع الداخليه لحدي ما وصلنا صينيه أوزون اي ضل شجره كنا شايفنو امنجي وبنتدسا منو لحدي ما في يتاع ركشه من حالا قبل الطلب وركبنا ركشه للبيت.
وصلنا البيت زي ٦:١١ كدا وامي فاجئتنا بي انو الاعتصام ما اتفض قدر ما شرحت ليها انو لا اتفض انا هسا جاي من هناك ورصاص وموت وبتاع يا عمر الاعتصام ما اتفض غايتو صدقت على مضص ومشيت ارقد لانو حرفيا ما كان فنيي حيل لاي شي تاني ودي كانت نهايه ٦ ابريل بالنسبه لي
لي يومنا هذا ما قادر استوعب كميه الحاجات السيئة والدموية الشفتها في اليوم دا ولا قادر اتعامل معاها كحدث مؤسف احزن عليو ولا ابكي ودا كان بدايه التحول لي روبوتات والتعامل مع القيادة ك mission اكثر من انها ثوره بي معاني ومشاعر مفروص الزول يحسها ودي حاجه انا ندمان عليها جدا
يتبع..
يتبع..
جاري تحميل الاقتراحات...