ناس أعرفهم شخصيا عندهم business صغير وإمكانياتهم محدودة بس بيدوا للي شغالين معاهم مرتبات كاملة وهما في البيت وبيقولوا هنقسم معاهم اللقمة لحد ما كلنا نعدي من الأزمة. في حين إن فيه رجال أعمال لو ولعوا في فلوسهم ورقة ورقة مش هتخلص في حياتهم ولا حياة أحفادهم طالعين يعيطوا ليل نهار.
وبعيدا عن أي إيدولوجيات والله، هفضل طول عمري مقتنع إن مفيش حد بيوصل للدرجات دي من الثراء الفاحش من غير ما روحه تتعفَّن بشكل كامل، حتى لو مصادر الثروة دي شرعية ١٠٠%، خلاص الفلوس بتستعبده لدرجة إنه مش بيبقى شايف غيرها.
يعني لو واحد معاه مليار دولار. هل ده مش كفاية يأمن مستقبل ٤ أجيال متعاقبة من عيلته على الأقل كلهم عايشين في ترف أكتر من الملوك؟ ومع ذلك تلاقيه هيموت على المليار التاني والتالت، ويشتغل ٢٤ ساعة، وينسى يعيش، ومش بعيد يدوس كمان على أي حد في طريقه. الموضوع مرعب، ومثير للشفقة.
جاري تحميل الاقتراحات...