منقول
ما عشان شوفوني والله العظيم ولا حاجة تانية
وربنا من وراء القصد ، الفي الصورة دي أمي إسمها فاطمة بت يس أمس لمن ذكرت ليها وشرحت ليها إنو في حملة تبرعات من كل الشعب السوداني عشان نساهم في نهضتو لان الكيزان جففوا البلد
ما عشان شوفوني والله العظيم ولا حاجة تانية
وربنا من وراء القصد ، الفي الصورة دي أمي إسمها فاطمة بت يس أمس لمن ذكرت ليها وشرحت ليها إنو في حملة تبرعات من كل الشعب السوداني عشان نساهم في نهضتو لان الكيزان جففوا البلد
قالت لي طوالي نتبرع قلت ليها عندك كم قالت لي كدي للصباح انا إفتكرتها بتمشي فيني وعارف انو ما عندها قروش تتبرع بيها وانا ذاتي قلتها ليها مجرد هظار ،اها الصباح كده كان أشوفها ليك بتعمل في (لقيمات) قلت ليها عليك الله حق الدقيق دا كان أديتيني نزلتو رصيد وحولتوا كان أحسن من لقيماتك دي
قالت لي أنا هسي داير أبيع منها واديك ليهن و أقسم بالله من الله خلقا ما باعت زلابية لكن الليلة عجبتني وكيفتني للآخر المهم ادتني 16 ج وانا كان عندي 25 ج إشتريت لي فرشة أسنان بعشرة وحولت رصيد ب 31 وعندي 25 ق كانو في تلفوني .. يلا عملت #19*
جاتني الخيارات ضغط نمرة 3 خصمو عشرة قلت دي حقت أمي تاني 10 قلت دي لروح مصطفى سيد أحمد لانو إذا موجود والله يتبرع بكل ما يملك ( جاي ليك يا نورة غيمة تملا ماعونك خريف ) و10 حقتي وما داير فيهن أجر والله إلا لروح مصطفى سيد أحمد والله وتاني إن شاء الله ح أتبرع لروح حميد
وزي ما قلت أقسم بالله ما الهدف شوفوني لكن عجبني موقف أمكم فاطنة بت ياسين دا .
وربنا يعين العباد ويوفق حمدوكنا وزمرته للنهوض بالبلد وجره إلى بر الأمان .
وحتما سينقشع الظلام ويأتي الصباح الباهي لونو
#Stand_for_Sudan
#القومة_للسودان
وربنا يعين العباد ويوفق حمدوكنا وزمرته للنهوض بالبلد وجره إلى بر الأمان .
وحتما سينقشع الظلام ويأتي الصباح الباهي لونو
#Stand_for_Sudan
#القومة_للسودان
#تعديل
والله إنتو شعب يحير ويغير في إتجاه الزول
ياخ والله انا ما مستغرب في عدد الناس الراسلوني ولا الناس الشكرت الوالدة ولا الناس القالوا لازم يتبرعوا ليها بغاز وأنبوبة ، بس حابي اقول حاجة كده ، والله إنتوا لو قدرتو تشوفوا الخجل الجاني أمس لدرجة إنو خجلت عدييل والله من رسائلكم
والله إنتو شعب يحير ويغير في إتجاه الزول
ياخ والله انا ما مستغرب في عدد الناس الراسلوني ولا الناس الشكرت الوالدة ولا الناس القالوا لازم يتبرعوا ليها بغاز وأنبوبة ، بس حابي اقول حاجة كده ، والله إنتوا لو قدرتو تشوفوا الخجل الجاني أمس لدرجة إنو خجلت عدييل والله من رسائلكم
واتصالاتكم بأمكم فاطمة أقسم بالله بعد قفلت شبكة بيانات التلفون وعملت وضع الطيران بخججججججججل عديل منكم والله
و أمكم فاطمة والله مبسوطة من ردودكم دي جدا جدا
وقالت ليكم تنعدل عليكم محل ما تقبلوا وما دايرة منكم غير دعوة صادقة من القلب والله وقالت ما بتقبل تبرعات والله.
و أمكم فاطمة والله مبسوطة من ردودكم دي جدا جدا
وقالت ليكم تنعدل عليكم محل ما تقبلوا وما دايرة منكم غير دعوة صادقة من القلب والله وقالت ما بتقبل تبرعات والله.
جاري تحميل الاقتراحات...