1️⃣
ثريد لكل مبتدئ
انت مبتدئ بالأسهم الأمريكية؟
تعال أعلمك وش تسوي
1- وقف تداول الان اذا كنت داخل
2- ما حك جلدك مثل ظفرك يعني روّق وهدي نفسك السوق مهوب طاير .. افتح اليوتيوب واشتر كتب و طبق وتعلم
3- لا تطارد الفرص بالأخبار وتتابع كل خبر هذا قال وهذاك حط..هذا اسمه مضيعة وقت

2️⃣
4- لا تقول بتفوتني الفرص و تشوف هذا حقق 10000000% وتقول ابصير مثله،، ترى مهوب كل اللي تشوفه صدق
5- ابعد عن المناقشات الفاسدة لفكرك واهدافك اللي انت جاي للسوق علشانها .ما فيه احد منتصر بالاراء والمنتصر ماله جائزة
6- ركز على البحث عن المعلومة و قفل كل مصادر الصداع والكلام الفاضي

3️⃣
7- خل الهدف من دخولك للسوق المالي هو تنمية دخلك و ليس الثراء السريع
8- اذا كان هذا هدفك ركز على تطوير نفسك من خلال التطبيق المستمر و اكتشاف الاخطاء وتعديلها
9- تعلم طريقة ادارة المحفظة ولا تدخل بكل رأس مالك بل بجزء لا يتجاوز 5-10% فقليل دائم خير من كثير منقطع

4️⃣
10- لا تقول ما اعرف و لا تخلي احد يمن عليك بمعلومة ..
انت معلم نفسك قم بالبحث عن ما تريد و اللي ما تعرفه بالعربي ترجمه بقوقل و ابحث و ترجم اللي تلقاه بقوقل .. كل المعلومات متوفره و كله بكبسة زر .. اللغة ليست عائق ابداً