لو أحد سألني وش افضل تجربة مريت فيها بحياتك بقولكم سفرتي الصيف الماضي من زمان بسوي ثريد عنها لعلها تعجبكم ❤️
قبل الرحلة بأيام قاعد ارتب اغراضي عشان ما اتحسف ولا انسى شيء
معلومات بسيطة عن الرحلة :
مسافر لحالي لاربع دول لمدة ٣٠ يوم
🇪🇸🇸🇪🇮🇸🇳🇴
معلومات بسيطة عن الرحلة :
مسافر لحالي لاربع دول لمدة ٣٠ يوم
🇪🇸🇸🇪🇮🇸🇳🇴
٨ جولاي وصلت لبرشلونة كانت محطة وصول بس عشان الدول اللي بعدها الصراحه جلست فيها يومين فقط بس اعجبتنننني جدا
كنيسة برشلونة بالصورة الاولى والصورة الثانية كنيسة ساغرادا فاميليا اللي متوقع تخلص في ٢٠٢٦ والله تصمييييم عظظظييييم وتفاصيل عجيبة والصورة الاولى التحفة
١١ جولاي رحلتي لستوكهولم عاصمة السويد وهنااا اساس رحلتي الدول الاسكندنافيية وكنت احبها من زمان ولاني كنت توني شايف فايكنق تحمست زيادة
هنا السويد احد دول الفايكنق ❤️جلست فيها ستوكهولم تقريبا اربع ايام واخر صوره كانت المدينة القديمة جميلة جدا وكان فيها القصر الملكي للعائلة المالكة
صور احبها جدا - ستوكهولم🇸🇪
سفينة فاسا السويدية لقوها غارقة في اول رحلة لها وتعتبر من اهم معالم ستوكهولم
قمت الصباح ورحلتي كانت بالقطار ٥ ساعات لمدينة Göteborg الملقبة ب لندن الصغرى ❤️
وصلت قوثنبيرغ واستقبلتني عائلة الزوج سويدي والزوجه افريقيه ومن حظي عندها مطعم ودايم اكل منه مجانا النظافة خذ وخل 😍😍
كنت متحمس ازور مدينة العاب عندهم تعتبر اكبر مدينة العاب بالدول الاسكندنافية Liseberg جلست العب ٨ ساعات ولا مليت والله ومستمتع وكان يوم ممطر ايبااااه
بعد اسبوع كامل بالسويد اخذت لي باص لـ oslo عاصمة النرويج وكانت زي المحطة لمدة يوم واحد واروح ايسلندا بس بهاليوم ذقت هالشاورما اللي سعرها مية ريال تخيلوا وبدون وجبه 👈🏻
18 جولاي هنا ايسلندا 😍😍😍😍
اول ماوصلت ما قدرت افوت الغروب معلومية الوقت كان 11 نص بالليل هنا
ماتصدقوني صح؟ شوفوا الوقت ١٢ بعد منتصف الليل ولا راح الليل ، ايسلندا عندهم ٦ شهور ليل و ٦ شهور نهار حرفيا ماجاء الليل هناك ابد بوقتي يصير كانه المغرب وبالشتاء العكس يصير كله ليل
اخذت لي زي الباكيج لمدة يومين مع مجموعة ما اعرفهم ونكتشف المديينة مع واحد فاهم وهنا حموتكم بالصور 👈🏻
اول محطة هنا من اكبر الشلالات فيها ⛲️
مؤونة الرحله في الصحة ماعندي يما ارحميني
بنفس اليوم رحت لمكانين متشابهه البحيرة المتجمدة وشاطئ الدايموند (الصورة الثانية) ولاحظوا انه بعز الصيف كان
نهاية اليوم نمنا في مدينة صغيرة في الساحل الجنوبي وقمنا على ٦ الصباح نفطر لان الباص يمشي ٧ طبعا من الخرشة قايم من اربع ونص👍🏻
بداية اليوم ٣ ساعات من الراحة هنا ومافيه الا قوة ماسكات طبيعي
ثاني محطة كانت الشاطئ الاسود اللي كنت ما اشوفه الا بجوالي 🗻
🖤
تجربة جديدة قمنا نتسلق جبل عبارة عن ثلج وطين وموويه والمكان يزحلق ودخلنا كهف ضيق بس كنت سريع بزيادة وش اسوي وسبقتهم
بعد يومين مع بعض اخذنا صورة مع البيق بوس وطبعا كل واحد معه واحد الا سعيد الحظ 👍🏻 الوحدة الوحدة حتموتني
على كثر الشلالات هنا هذا اكثر واحد اعجبني مره
لو ماطلعت من آيسلندا الا بهالصورتين كفّت
تقريبا ٢٥ جولاي وصلت ل oslo من جديد عشان ابدا اشوف النرويج وعطيتها ١٤ يوم هالدولة جدا كبييرة جلست يوم واخذت قطار لغرب النرويج تحديدا voss
استقبلتني ڤوس بالغروب الجميل ذا 🌅
اول ماوصلت فوس عرفت عندهم سكاي دايفنق ومافوّت الفرصة ولا فكرت وحجزت مع العلم اني اكثر انسان يخاف بالمرتفعات ❤️❤️🛩
بكمل بكره اذا قمت اسف وراااي مناقشة لمشروع التخرج
جلست في ڤوس ثلاث ايام وحجزت لي بالقطار لمدينة bergen تبعد عنها حدود ساعه فقط وهنا اول يوم لي فيها❤️
ثاني يوم جلست اتمشى في المدينة وثالث يوم اخذت لي قطار يودي اعلى المدينة تقدر تشوفها كامله من فوق 🛤
🍇☕️
اخر يوم لي في بيرقن سويت هايكنق وجلست امشي بين جبال ونهاية اليوم اخذت لي اصغر من الكروز تقريبا وجهتي كانت مدينة stavanger 🚢
صباح الفچتيريان 👈🏻 اول يوم لي في ستاڤنجر كنت مستعد اني اتسلق قمة بريكستولن ٤٠٠٠ متر تقريباً
اخذت لي عبّارة توديني لبداية صعود الجبل وجلست احمي قبل عشان ما اتعب بالنص
بعد ساعة ونص من المشي وصلت واكتشفت ماعندي الا سنكرز ومويه و يا حياة الشقى
وَمَن لا يُحب صُعود الجبال
يَعِشْ أَبَدَ الدهر بين الحُفر
يَعِشْ أَبَدَ الدهر بين الحُفر
هنا اخر يوم لي في ستاڤنجر المدينة القديمة old stavanger
من كبر ما النرويج كبيرة تنقلت فيها بالقطار والباص والطيارة وعبّارة وهنا كنت راجع من ستافنجر للعاصمة اوسلو
فاصل 🎻 في اخر يوم لي في النرويج 🙏🏻
8 اوقست اوسلو للرياض الحمدلله، سفرة طالما كانت امنيتي اني اسويها قبل تخرجي من الجامعة وتجربة والله ممتعة لابعد درجة
جاري تحميل الاقتراحات...