كل مرة احس نفسي ابي ارد على أحد:
• سواء قال شيء اعترض عليه
• قال رأي مختلف عني
• سوه فعل يناقض كلامه
• كلامه مايعكس اخلاق او ادب
• يتقصد يسيء او يثير ردة فعلي
دايما القى شيء واحد مشترك بغض النظر عن الموقف اللي يحدث وهو :
( الطاقة اللي بداخلي اللي تبي ترد )
#تمعن

( لما اركز على الطاقة اللي بداخلي اللي تبي ترد )
لما اتبع اثرها القى انها تحاول تحافظ على وجودها ، شلون تتغذى وتكبر بدون ما انا انسى نفسي في الردود والتفاعلات ؟ طريقتها الوحيدة للتغذية هي من خلال محاولة التغذية على الخارج
نطرح سؤال بعد : هذي من وين جت الطاقة ؟
#تمعن

(القى انها جاية من فكرتي عن نفسي)
مثلا فكرتي عن نفسي اني فقط صح ، او لازم ادافع عن نفسي ، او لازم اهاجم من يعارضني او ...
يعني عندي فكرة او معتقد عن نفسي خالق هذي الطاقة عندي ، وهالطاقة عايشة بسببها لذلك مع بعض يعملون للحصول على شيء خارجي
#تمعن

من وين جت فكرتي عني نفسي ؟
• من اهلي ؟ اصدقائي و مجتمعي ، طفولتي ، تحليلي و تجاربي الخ ، وفي العمق من اندماجي بالجسم المادي ، اني هذا الجسم بدون معرفة الروح
يعني اساس الرد على شخص بغضب وعصبية شوف وين ؟ بدون اي دخل بالموقف نفسه ?
#تمعن

#التأمل و #التمعن يوصلك للباطن دائما ، ترى بوضوح ، تعالج وتغير في الداخل والعمق ، تغير فكرتك عن نفسك ، تتغير الطاقة اللي تبي تغذيها ، يتغير سلوكك تجاه الاخرين والخارج ?
" هذا طبعا رؤيتي الشخصية "
لاتعكس تجربتي عليك ، كل شخص مختلفة اسبابه ، لذلك استمتع في معرفة نفسك ?☘