رتبها

اللي مشافش الفيديو كليب ده اول ما نزل ميعرفش يعني ايه مصطلح اغنية ( تكسر الدنيا )
هحاول اجيبلكم كام حاجة عملت ضجة في وقتها في نفس الثريد

طب ليه بيداري لما نزلت مكانش في بني ادم في مصر مبيسمعهاش ?
طبعا انا جايبلكم اخر جزء في الكليب اللي مفيهوش رقص عشان انا محترم

مصطفى قمر كل كليباته زمان كانت حلوة والناس بتستناها
اخترتلكم منهم ( مين غيرك )

كان نفسي احط الكليب ده بالكامل من كتر ما كنا بنحبه ونتفرج عليه ??
عظمة العظمة

لو محتفلتش في اخر الكليب ده يبقى فاتك كتير

كان بيشتغل بمعدل كل نص ساعة بجد في كل حتة ?

مرة من المرات كنا مسافرين في عربية خالي سمعما الاغنية دي طول الطريق لمدة ساعتين ونص مبتتغيرش ?
طبعا عمرو دياب له كتير بس دي اكتر واحدة اعتقد علقت ككليب مع عودوني ونور العين

الكليب ده من كتر ما نجح كان بيتعمل رقصة في حفلات المدارس واعتقد لحد دلوقتي يعني

@MahmoudMTM
يا حودة ???❤❤❤❤❤❤

المصريين يعرفوا ايه عن تونس ؟

دلع عيني دلع .. انبي عملها وخلع
طبعا كانت أحد استخداماته الكروية في دوري سيد عبد النعيم من كتر نجاحه ?

احنا مكناش نعرف ان اسمها شيرين عبد الوهاب .. كان اسمها شيرين اه يا ليل

قريب ولا بعيد نجحت جدا جدا في بداية بهاء بس الكليب ده والاغنية دي انتشروا بشكل مرعب لدرجة ان ليا اصدقاء عرب ميعرفوش اغاني مصرية بس حافظين دي

اغنية جميلة وكليب ميتنسيش

متمسكش المايك .. بيكهرب ?

اخاصمك اه كانت بداية شهرة نانسي بس الاغنية دي طرقعت بشكل غبي يعني ?

اول اغنية لهيثم شاكر وكانت مسمعة جامد اوي ساعتها وخاربة الكوكتيلات

فضلنا فترة نقول عليه موهمد هماااكي بسبب الحتة اللي في الاول دي
الاغنية دي محمد حماقي كسر بيها الدنيا وقتها

محدش يعرف رنين .. ومحدش يعرف هي راحت فين ولا نسمع عنها
بس الاغنية دي كسرت الدنيا لدرجة اي حد بيقولي حبيب قلبي بكمل الرصة لحد دلوقتي

شيرين وجدي طلعت السما بالاغنية دي ونزلت سابع ارض بعدها
لو بيننا ايه

طبعا مش محتاج اتكلم عن دي ولا الحفلة دي تحديدا اللي بعتبرها انجح حفلة لمطربين عرب من بعد حفلات ام كلثوم
بس في مصر تحديدا كلنا حافظين عالاقل اول سطرين من الاغنية ?
الشاب خالد .. رشيد طه .. الشاب فضيل

مروى اما نعيمة قلبت الوسط الفني والشعبي والدنيا كلها باظت وقالوا بتشوه الفلكلور بس كسرت الدنيا ??

انا بحب محي جدا .. اعتقد ده انجح كليب له عمل ضجة وكانت الناس كلها بتتكلم عنه

الكليب ده نجح والاغنية كسرت الدنيا لدرجة ان الفنان احمد هارون بقى ممثل على حسها

انجح اغنية لمدة كذا سنة .. نص مصر كان بيقول لولاكي والنص التاني بيقول لولا لولا لولا

رغم اني بفتكر طلعت زكريا الله يرحمه وهو بيغنيها لعبلة كامل في خالتي فرنسا بس الاغنية دي كسرت الدنيا ساعتها

مين ينسى الملحمة التاريخية لحلمي عبد الباقي لما اتبرع بعينه للبت دي ?

يا جدعان وانا بجيبه من اليوتيوب اتفرجت عليه مرتين يلعن ام العظمة ???????
كسر الدنيا والعيال اتشهروا والواد اللي بيقلد الصوت اتشهر والاطفال الحقيقية اللي بتغني اتشهرت وكلهم راحوا برامج ?

طب مين ينسى الاستاذ راغب علامة لما استعان بشخصيات الكارتون عشان يصالح حبيبته
احد اكتر الكليبات اللي قلبت الدنيا وقتها ?

انا بحب الاغنية دي اوي والالبوم ده زي دل البومات اليسا كسر الدنيا فعلا

شريف صبري اللي عمل ملحمة روبي ليه بيداري كدة بيدخل المحجبات عالم الموديلز ?
تحياتنا للاستاذ هيثم سعيد بشوفه هنا في تويتر احيانا

لؤي واول اغنية له .. كسرت الدنيا فعلا مش عارفين عشان البت اللي بترقص دي ولا عشان ايه
بس الاغنية حلوة وصوته جميل وموهبة ظلمت نفسها

الفنانة انغام اول ما رفعت حواجبها .. بس سيدي وصالك علامة في مشوارها

لون شعرك وبتغيريه .. اغنية ملهاش اي لازمة بس كسرت الدنيا ?

نبدأ اليوم التاني في الثريد بأغنية كانت مكسرة الوطن العربي في وقتها
جابولي ماس ولولي
ديانا حداد والشاب خالد

شعبان عبد الرحيم الله يرحمه كسر العالم كله ب ( هبطل السجاير ) و ( انا بكره اسرائيل )
بس مكانش له في الكليبات كان شرايط بس
الاغنية دي جميلة ومش كله يعرفها اعتقد وكنت حاططها على شريط كوكتيل
شعبان عبد الرحيم وميامي باند.. ملكش دعوة بيها
الحتة اللي في الاول وهو بيقوله يعني ايه هذا ?

والنبي مين ينسى ابو وديع وهو بالبرنيطة دي بيقول شافوني قالوا متهني ؟
من ايقونات الفيديو كليب والله ❤

الاغنية دي كانت عبقرية ولو مختلف خالص ونجحت نجاح فظيع فعلا وانتشرت انتشار رهيب لانها كانت بتعبر عن مأساة موجودة فعلا
كلمات وألحان عزيز الشافعي وعمل اغنية تانية لابو جريشة بعدها اسمها أنا الشعب .. اغنية جميلة واستحقت النجاح ده

رقصة نوال الزغبي التريد مارك اللي الكليب اتمنع بعدها عالتليفزيون بسببها باين ?
اللي اتمنيته .. نوال الزغبي

اول انطلاقة لميريام فارس اللي كان اسمها ميريام بس ساعتها ?
انا والشوق

من الاغاني اللي كسرت الوطن العربي كله وقتها ومكانش في فرح مبتتغناش فيه
وائل ونوال .. مين حبيبي انا

واما كانوا يعتبروا تاني باند يظهر بالمفهوم بتاع دلوقتي بعد MTM والدنيا تضرب معاهم كدة
الالبوم ده كان جميل والكليب ده انتشر جدا وقتها .. يا غالي عليا

جيتارا باند متشهروش في مصر ولا اتعرفوا قبل الاغنية دي
وغالبا بعدها متشهروش كمان بس هي دي فرقعت جامد
يا غالي .. جيتارا باند

تامر عمل كليبات قبل ده وكان ناجح يعني بس ده اول كليب ياخد ضجة قوية له وينتشر بالشكل ده
حضن الغريب .. تامر حسني

مطربة اسمها عاليا عملت الاغنية دي وكسرت الدنيا في كل القنوات ومن بعدها منعرفش عنها اي حاجة
آسفين عالجودة ?

بداية رامي صبري الكبيرة .. ألبوم كله حلو مفيهوش اغنية وحشة تقريبا
الكليب لاغنية جميلة كلمات عمر طاهر وانتشرت بشكل كبير ولغاية دلوقتي بتتسمع كتير
حبيبي الاولاني

اول اغنية لمطرب للاسف موهوب جدا ومقصر في حق نفسه جدا
الطيب احسن .. محمد عدوية

الكليب ده كان فكرته جميلة لحمادة هلال وانتشر جدا جدا
حمادة هلال له اغاني نجحت اكتر بس انا بحاول في الثريد منكدش عليكم ?
مش هاقول

حسام حسني في التسعينات يا جماعة كان حاجة محصلتش فعلا ?
لاحظ حضرتك الاخراج عامل ازاي
كل البنات بتحبك كلمة كسرت الدنيا هتكون قليلة عليها للاسف

انا معرفش مين يسري شريف ولا حتى وقتها كنت عارف اسمه ?
بس الاغنية دي فاكرها جدا وحافظها وكانت مشهورة جدا

الاغنية دي مزن كتر شهرتها وقتها .. شاندو بقى ممثل ?
عبد الهادي وسمعونا سقفة ?

قناة روتانا سينما كانت بتعرضها بين كل فيلم والتاني يعني حوالي عشر مرات في اليوم مع مشهد ثرثرة فوق النيل وهي بتقول رجببب حوش صاحبك عني يا رجببب
قناة روتانا كليب بقى كانت بتعرضها خمسة وعشرين مرة ?
رجب .. هيفاء وهبي

معنديش فكرة فين الفنانة جواهر دلوقتي .. بس الاغنية دي واغنية حمادة كانوا بيشتغلوا في مصر كلها فعلا
لغاية دلوقتي لو سألت حد انت فين وقال عالكورنيش بنقول على وش المية ?

الفنان محمد كيلاني AKA الواد ابو غمازة اللي بيصوروه من الجنب عشان يبينوها
تغيب تاني اغنية نجحت جدا والكليب انتشر وقتها

اول اغنية عملها محمود العسيلي .. رتمها المختلف والكلمات العجيبة خلتها انتشرت جدا والصراحة كنت بحبها اوي ?
مشهد مجدي كامل وهو بيغنيها في الحمام في فيلم ظرف طارق كان بيخلي ناس كتير تغنيها في الدش ?
مجنونة

طب مين فاكر ريكو وهو محبوس في ازازة عالبحر ?
طهقان زهقان متضايق
رغم ان اغنية شبرا اعتقد اكتر اغنية نجحت له

في كلمات مرتبطة ببعض زي الشاي والسكر كدة
اللي بيقول شيماء سعيد بنفتكر الدولفين علطول ?
الكليب ده كان معدي الحقيقة ?

الاحصائية اللي عندي بتقول ان 86.9 % من حاملي الموبايلات وقتها عملوا الاغنية دي نغمة الموبايل بتاعهم حتى المسيحيين عادي .. انتشرت انتشار ونجاح مرعب

اشهر كليب لسعد الصغير واكتر كليب عمل ضجة ?
حرفيا مفيش حد في مصر مكانش بيسمع الاغنية دي ومفيش فرح مشغلهاش .. المليب كان جميل بصراحة ودمه خفيف ساعتها ?

الاغنية دي ظهرت الاول في اوساط الكاسيت ومحدش عارف دي بتاعة مين لحد ما غنتها واحدة اسمها سمية صوتها شبه شيرين وقالوا ان دي شيرين اه يا ليل
لحد ما الفنان اسامة عبد الغني عملها كليب وحسم الموضوع
اعتبره قلب وراح كانت على كل موبايلات مصر في وقت من الاوقات
طبعا احدثهم كان الدمعة يعني

باسكال مشعلاني في الوقت ده كانت مطربة لها وزنها فعلا والناس بتحب اغانيها وتستناها .. انا عارف مش كل الناس هتعرف دي رغم انها كانت بتيجي كتير على روتانا بس اغنية جميلة
دق دق عالقلب دقة

انا اسف اني اخرتها اوي كدة بس فعلا من المفضلات جدا جدا
وائل جسار عموما عمل الضجة كذا مرة مش مجرد اغنية يعني او كليب
بحب الاغنية والكليب جدا
مشيت خلاص اعتقد نص الناس هنا في تويتر عالاقل حافظاها ?

الفور كاتس او سبايس جيرلز الغلابة
اشهر اغانيهم طبعا هي دي
اللي اتحولت من كتر شهرتها لهتافات جماهير الكورة في مصر
ياي ياي ياي ياي يا نااااسيني

بالله عليكم في جمال كدة .. مزيكا وصوت وروقان وكل حاجة ؟
طبعا كلمة انتشرت او عملت ضجة دي مش مناسبة هنا لانها تخطت العرب واغنية عالمية يعني
يا الرايح .. رشيد طه الله يرحمه ❤