في البداية مانيش حاسد او حاقد على اي شخص
هما شوية كلمتين بنقولهم وتمت
بما ان حاليا الشعب في حالة حجر صحي بسبب الكورونا
وفي ظل مانشبحوا فيه في وسائل التواصل الاجتماعي من حالات الطعام والطبخ من الشعب وكل واحد يعرض في مهاراته سواء من الشباب ولا صغار من امي حواء

هادا يخليك تتنبأ بازمة غذائية جاية في الطريق وبدل من ال5 واجبات والمشاوي والتحلية هيوصل الوضع للتقشف ويدوب تلحق على وجبة واحدة في النهار
وسبب الازمة هادي ان العالم كله يعاني من الكورونا وكل دولة تخدم على راسها ومعاش تدور في التصدير والفلوس اللي جايات من الدول التانية

وبما ان الدولة تستهلك وتستورد بس مافيش انتاج وحتى الخضار تجي من برا
وكان طولت الكورونا للصيف واستمرت بهلك الدول الصناعية واحدة وراء التانية
وهوينا الرؤوس مش مدورين يديروا امن غذائي للبلاد وكل حد يخدم على راسه وبايع القضية

نحب نقول خودوا نفس وفكروا القدام وزي ما واخدين درهم وقاية مع الفيروس ،خودها مع الغذاء وكل واحد يحقق الامن الغذائي لبيته واهله
Ciao for now

@Rattibha
رتبها لو سمحت