نصيحة لطلاب الحاسب ولطلاب الجامعه بشكل عام بتكلم عن اكثر الاخطاء الي تصير والي يمكن وقعت به انا اثناء فترة الدراسة :
١- تأجيل مذاكرة المحاضرات الى قبل الامتحان بيوم او يومين ، نصيحة كل يوم خصص من وقتك ساعتين وذاكر فيها الي اخذته ب المحاضره بتلاحظ لما يجي الاختبار انك فاهم ??.

٢- احرص وقت المذاكره على الكتابه بيدك اكثر من مره لأن القراءه وحدها لا تكفي بالعكس الكتابه وكتابه الحاجات الي ذاكرتها هي تثبت المعلومه بمخك ??.
٣- اكبر خطأ يقعون فيه طلاب الحاسب بالذات هو عدم الممارسه والتطبيق وهذا خطأ، يعني لما تتعلم لغة برمجه او

تتعلم شي معين يخص التقنيه او الحاسب لاتكتفي بالحفظ بالعكس مارس هالشي يعني مثلاً تعلمت لغه برمجيه طور نفسك فيها طبق الي تعلمت سو موقع اغلط مره مرتين ثلاث مرات الى ان تتقن هالشي والكلام يشمل الشبكات وامن المعلومات وو...الخ الممارسه شي مهم جداً بالحاسب.

٤- الدورات البعض ياخذ دورة بدون مايفهمها ويتوقع انه بمجرد اضافه هالدوره ل cv خلاص ، لا فهمك لدورة الي بتاخذها ضروري جداً جداً لانه اول شي راح تفيدك وتزيد معلوماتك وفهمك وثاني شي راح تنسئل عنها وقت المقابله الشخصيه فهمك لها مهم لك جداً .

٥- اللغه الانجليزيه مهم مهم جداً انك تتعلم وتطور الانجليزي عندك لان بدون الانجليزي ماراح يمشي الحال ، احفظ كل يوم عشر كلمات بتحصل ان لغتك بعد كم شهر متحسنه وبفرق كبير جداً جداً .