رح أكتب بهاي الثريد إيش أعراض ال Covid19 اللي بتصير معي كل يوم من باب التوعية وعشان الناس تعرف جزء من الأعراض بشكل عام، خلينا نبلش:
*طبعا الأعراض اللي بتصير معي مش شرط تصير مع الكل
*أغلب الحالات أعراضها بسيطة ومتوسطة
*طبعا الأعراض اللي بتصير معي مش شرط تصير مع الكل
*أغلب الحالات أعراضها بسيطة ومتوسطة
اليوم الأول: يوم شبه عادي كان شوية قحة بس وحكة بالحلق وصراحة ما أعطيت أي إعتبار للموضوع أبدا
اليوم الثاني: صحيت مكسر وشعور بالأرهاق بس فكرت ممكن لإني لعبت رياضة ونمت متأخر بس الشعور كان أسوأ من الأيام العادية، والقحة شوي زادت، هاد اليوم روحت فيه عالبيت والمفروض كان أفحص تاني يوم
اليوم الثاني: صحيت مكسر وشعور بالأرهاق بس فكرت ممكن لإني لعبت رياضة ونمت متأخر بس الشعور كان أسوأ من الأيام العادية، والقحة شوي زادت، هاد اليوم روحت فيه عالبيت والمفروض كان أفحص تاني يوم
اليوم الثالث: صحيت مفس الشعور مكسر ولسى في قحة، عملت الفحص عالظهر تقريبا، وقتها بلش وجع راس خاصة مع الحركة بس بشكل عام لسى الأمور منيحة، بس خلال اليوم حسيت حالي مكسر أكثر بس النفس منيح، شوي مخنق بس غير هيك تمام، بالليل حسيت حالي دافي بس ما قست حرارتي، عالفجر أجت نتيجة الفحص
اليوم الرابع: نفس الأعراض قحة، وجع عضلات ومفاصل، القحة كانت ناشفة بس هلا بحس في شوية بلغم بس كمية بسيطة، وجع الراس بروح وبيجي، بالليل عالفجر صحيت وجع راسي زاد وحسيت حالي تعبان أكثر، قست حرارتي كانت ٣٧.٨ (حرارة بسيطة) اخدت بنادول وبعد ساعة صرت أحسن، لهلا بوصفه بشبه الرشحة القوية
اليوم الخامس: بالنهار الأعراض ما تغيرت بس ما صارت أسوأ، فش تأثير علي من ناحية شغل البيت والحركة، فش ضيقة نفس، القراءات الحيوية: الحرارة طبيعية، النبض ٦٠-٩٠، تشبع الأوكسجين بالدم >٩٦%، بالليل حسيت حالي أحسن، وجع العضلات خف، فش حرارة، نمت طول الليل، زي ما حكيت مبارح حاسة الشم تأثرت
اليوم السادس: تقريبا كل الأعراض اختفت ما عدا شوية قحة وشوية بلغم بالصدر، المفروض كمان يومين إذا ضلت الأعراض هيك خفيفة أحجز موعد عشان إعادة الفحص
اليوم السابع: بس قحة خفيفة بتصير معي بالعادة بعد أي التهاب رئوي أو رشحة، النية السبت أو الأحد أرجع أفحص وأكون أقدر أرجع الدوام مع بداية الأسبوع الجاي.
طبعا لسى حاسة الشم متأثرة، أبصر لمتى
طبعا لسى حاسة الشم متأثرة، أبصر لمتى
اليوم الثامن+التاسع: بس قحة أول يوم، فحصت كمان مرة، نتيجة الفحص رجعت الفجر وكانت لسا إيجابية(مش كتير غريب بعد أسبوع واحد)، فرح نقعد بالبيت كمان أكم يوم، في وجع راس بشبه وجع الجيوب بس بجاوب مع البنادول، غير هيك فش إشي تغير الأمور بسيطة
اليوم ١٠+١١: بس وجع الراس ما تغير، عالجهة اليمين وشوي مخنق (عندي شعور الفحص الثاني ممكن يكون هيج المنطقة وعملي التهاب بسيط)، البنادول بجيب مفعول، فش أعراض
اليوم ١٢+١٣: فش أي أعراض، من شوي روحت من مكان الفحص، على أمل بكرا النتيجة تكون سلبية
اليوم ١٢+١٣: فش أي أعراض، من شوي روحت من مكان الفحص، على أمل بكرا النتيجة تكون سلبية
اليوم ١٤: لا أعراض، نتيجة الفحص لسى إيجابية
الأيام ١٥-٢٠: لا أعراض، ممكن مرة أو مرتين صار في قحة بال٥ أيام اللي مرت، نتيجة الفحص الرابعة برضه إيجابية
جاري تحميل الاقتراحات...