قصة قصيرة: من يومين صار عندي قحة خفيفة وشوية وجع عضلات، ما شفت ولا مريض Covid19، وحاولنا قدر المستطاع نتجنب نشوف الناس ومن البيت للمستشفى وهكذا، المهم رنيت عال occupational health حكولي بتفحص تاني اليوم، الفجر وصلت النتيجة إني أصبت ب Covid19 مع عدم وجود اختلاط مع أي مريض Covid
طبعا كوني كنت مداوم بالمستشفى بزيد من الإحتمالية، بس الفكرة إنه المرض حتى مع جميع الإحتياطات ممكن تنعدى منه، والخوف مش علي الأغلب أموري رح تكون بس رشحة قوية الخوف عالناس والمرضى اللي شفتهم أول يوم يومين بس بلشت معي العدوى وأنا مش عارف، كل همي ما أكون نقلته لمريض جاي لأشي بسيط
الفحص المعتمد عبارة عن مسحة من عمق الأنف، المشكلة ٣٠% من المرضى رح تطلع النتيجة سلبية مع إنهم عندهم العدوى، وفي جزء زي ما الكل بعرف ما عندهم أعراض، اللي لازم نفهمه إنه الجائحة رح تستمر لأشهر مش أسابيع، كل اللي بصير هلا إنك بتحاول تخفف كمية المرضى وتوزعهم على فترة زمنية طويلة
ممكن قريبا حظر التجول في الأردن ينتهي أو يقل تشددا، لكن لا يعني إنه الموضوع خلص، حافظوا عالنظافة الشخصية، العزلة الإجتماعية، رجاء لا تتحمسوا وتمضوها طلعات وكافيهات وتشوف كل حدا بتعرفوا، ضلوا عالجمعات الصغيرة، ابعدوا عن التجمعات، وما تطلعوا إلا للضرورة، الموضوع طويل
جاري تحميل الاقتراحات...