ثريد يمثل جملة ( الحاجة أُم الإختراع ) ..?
في البداية حبيت اخبركم .. انا انسانة احب الكوروشية جدًا مستوطنة اعماق قلبي .. يعني حتى لما اكون جالسة اتابع مقطع احب يدي تكون مشغولة فيها .. ما احب اقعد كذا وبس .. ومن هنا بدت مشكلتي العويصة .. ?..
في البداية حبيت اخبركم .. انا انسانة احب الكوروشية جدًا مستوطنة اعماق قلبي .. يعني حتى لما اكون جالسة اتابع مقطع احب يدي تكون مشغولة فيها .. ما احب اقعد كذا وبس .. ومن هنا بدت مشكلتي العويصة .. ?..
قدر الله وتجينا سفرة مفاجأة للرياض -ما حسبت حسابها ابدًا- بحيث اني جهزت اغراضي على السريع ومن غير فكر قشيت عفشي كله ونسيت البوكس الخاص بالكوروشية ?.. ومن هنا بدت حلطمتي .. وطبعًا كلها في الإنستا غثيتهم وقتها ??..
وصلنا الرياض بالسلامة الحمد لله .. وبنص اليوم الثاني ماش عجزت اكمل احس حياتي ناقصة ماني قادرة استمتع وربي .. وفعلًا حسيت نفسي ضايعة لأبعد حد ..
وعلى حظي يوم قررت اشتري مره ثانية خيوط وسنارات بدت المحلات كلها تقفل ?.. والطامة الكُبرى يوم يجيني خبر ان الشرقية رح تقفل وما فيه مجال للدخول لها ابدًا .. انا هنا كلمة ( إنهيار ) ما تكفي وصفي وقتها ..
بس تتوقعون استسلمت !! .. لا .. وهنا بدأ عقلي يفكر كيف احول مشكلتي لشيء مفيد ..
بس تتوقعون استسلمت !! .. لا .. وهنا بدأ عقلي يفكر كيف احول مشكلتي لشيء مفيد ..
وفكرت قلت مالي الا إني اصنع سنارة خشبية .. وفعلًا .. قمت الصباح ورحت لمزرعة جدي وبديت انقي لي الشيء المناسب ..
ما انكر اني انخدشت ب هاللحظة لما قلت آمين بس "المهتوي يقطع المستوي" ..
وحصلت عل قرّة العين بعد طلعة الروح ?..
وبما اني ببيت جدتي ما كانت متوفرة الاغراض الخاصة بالخشب ف ما كان لي الا السكين والنار ?..
وطبعًا بما انه اول مره لي اسوي سنارة كوروشية من الخشب .. حاولت لقرابة خمس محاولات .. اكتشفت وقتها فعلًا ان الخشب صعب التحكم فيه بالذات لو ما كان عندك ادوات اصلًا تساعدك ..
وابشركم بعد محاولة ليوم ونص .. المحاولة السادسة نجحت فيها نجاح افتخر فيه والله .. وضبطت السنارة وطلعت بالشكل الي كنت متخيلته بالضبط .. شعوري وقتها ودقات قلبي وربي اجمل شعور عشته فعلًا بعد ما شفت النتيجة المُبهرة بعد عدّة محاولات .. واحبني جدًا لأني ما يأست من اول محاولة ??..
ووقتها تعلمت انه ما فيه شيء مستحيل وربي..كل الي تحتاجينه فقط (محاولات)حتى تنجحين .. وان المشاكل دائم لها جانب إيجابي بس ما نوسع ابصارنا لهذا الجانب..يعني لو الله ثم هالمشكلة كان ما سويت هالسنارة وما اكتشفت ان لي القدرة على اني اسويها .. ف شكرًا لكل مشكلة جعلت عقلي يفكر ثم يُنتج..
جاري تحميل الاقتراحات...