رتبها

أهدافي بداية2019:
1-أزيد دخلي3000ريال
2-أقرأ 70كتاب
3-أحفظ 4أجزاء من القرآن
4..
أهدافي نهاية2019:
1-لم يتم
2-لم يتم
3-تم تحقيق 30% من الهدف
?خلاص ملينا من كتابة الأهداف وآخر شي ما نحققها
في هذا الثريد بعطيكم وجهة نظري وتجربتي
وبإذن الله تساعدكم في تحقيق أهدافكم✨
بسم الله

بعد معاناة مع أهدافي اللي خلتني شخص مســـوف
في كل مرة أكتب أهداف وما أحققها وثم أصغّرها لين أنساها
حتى أنها صارت لي حاجز ما يخليني أنجز شي
لأنها صارت لي مثل "العذر" اللي يخليني أعذر نفسي كل مرة في عدم بلوغي لشيء وكل مرة تجي براسي وأشوف نفسي شي وأنا ولا شي
المشكلة..

المشكلة إذا كتبنا الأهداف عقلنا غالبا يترجمها أنها منجزة.
وبالحقيقة باقي على الورق ما صارت!
لعدة أسباب ومنها:
1- التسويف
2- الأهداف الغير واقعية
3- كثرة الأهداف
وبسببهم يريحك عقلك ويخلي أهدافك كأنها منجزة ونفسك تعطيك عذر أنك وصلت بمجرد كتابتها
شف ..

خلنا ناخذ الأسباب ونفصّلها ثم نجيب الحلول
لأن بِفِهم المشكلة يسهل تطبيق الحل
واحد ..

التسويف:
وهو عدو النجاح الأول والسم البطيء لكل طموح وهذي حلقة تكلمت فيها باليوتيوب عن التسويف بتفصيل شيّق youtube.com
حاول تمشّي التمثيل اللي بالبداية
أهم شي المحتوى نفداك?
اثنين ..

الأهداف الغير واقعية
مثلًا واحد حاط هدفه (أخلص الجامعة في 3 سنوات)
come on maaaaan!
الناس يالله تخلصها في 4 سنوات وانت كاتب 3!
أو اللي كاتب أقرأ 100 كتاب بالسنة وهو قارئ خامل
حط أهداف صعبة وواقعية .. ليست مستحيلة.
ثلاثة ..

كثرة الأهداف
تُثقل النفس وتُشتت التركيز
حتى عقلك يتكاثرها ويدخل في طور "التمنّي"
كثرة الأهداف تتطلب منك كثرة أعمال لتحقيقها
بالتالي وش بتسوي؟ = تهرُّب واضح وصريح
حتى أن كثرة الأعمال تُنسيك بعضها
تذكّر:
قليل يوعى، خير من كثير ينسى.
طيب وش الحل يا بو حميد؟؟..
هذا هو ..

فيه حلّين وكلّها مناسبة وأنت اختار اللي يجوز لك
1- جدول تحقيق الأهداف المنطقي
2- ربط الأهداف مع أسلوب الحياة
هذي الحلّين جبتها من تجربة ولا هي كلام بس وتنظير
وبس فلسفة .. لا والله جرّبتها وفادتني الحمدلله
استلم الأول ..

جدول تحقيق الأهداف المنطقي
ليش كتبت منطقي؟ لأنه مو مثل "الميكانيكي" اللي نفس كذا
الساعة 1 أذاكر 1:30 آكل و2 أقرا كتاب...الخ
هذا أسميه هووورآآء (هُراء)
ياخي أنت مو آلة..أنت انسااان (بالله عليك!)
هذا الأسلوب يخليك تكره تكتب وتتابع أهدافك
لأنه باختصار خيالي وبتنسى تتابعه
لذلك..

استوحيت طريقة بعد ما تابعت مقاطع كثير وجرّبت
أنك تسوي جدول لتحقيق الأهداف
من خلال الفترات وليس الأوقات (الساعات أو الدقائق)
شرحت الطريقة بتفصيل غير مخل في هذا المقطع
youtube.com
وبختصرها لكم هنا ..

تكتب أهدافك بطريقة SMART
ثم تحط لك أهداف سنوية
وتحطها بمكان دايم تشوفه
ثم تقسّمها إلى أهداف شهرية
ثم تحط لك وسائل لتحقيق الأهداف
وتكتب هالوسائل كتنفيذ يومي بجوالك أو دفتر صغير
ثم تقسّم وقتك إلى:
صباح، ظهر، عصر، مغرب، عشاء
بعدين..

تصير الفترة الوحدة لتحقيق هدف او اثنين مثلا وماتربطها بالساعات او الدقائق
والهدف اللي ما تحققه لا تنقله للفترة الجاية
خلّه بكرة بترجع له أو أي وقت لأن سحب الهدف لأوقات أخرى يدخلك في فخ التسويف "التأجيل"
شرحت الجدول باستفاضة وفيه 4 تنبيهات أسطورية بالمقطع فوق
الحل الثاني..

أهداني إيّاه صديقي الحبيب @NassirRakaf
وهو ربط الأهداف مع أسلوب الحياة
يعني مثلا:
أنت تخصصك محاسبة وعندك أهداف سنوية:
تحقق شهادة مهنية
تقرأ 30 كتاب
تدخل في فريق تطوع
تاخذ 10 دورات
تزيد دخلك 1000 ريال
الآن خذ الوصفة السحرية..

تخصصك محاسبة صح؟
اوك خل الشهادة في تخصصك المحاسبي
كيف تاخذ هالشهادة بتقرا كتب صح؟
أوك إقرأ 3 كتب محاسبية مثلا
وكذا بقى لك 27 كتاب تخلصهم
فريق التطوع؟
أدخل نادي المحاسبة
كذا حققت الهدف
10 دورات؟ .. خل نصيب الأسد منها محاسبة
عشان تساعدك بالشهادة
تزيد دخلك؟ اشتغل محاسب عن بعد

أنت كذا حققت الكثير من أهدافك وخليتهم كلهم بمسار معين
بحيث كل واحد من الأهداف يشد بيد الهدف الثاني
( يـتـكـاتـفون)
فيه عيوب لهذي الحلول طيب؟

أكيد فيه ..
دام الأمر بالدنيا أكيد بيكون فيه عيب
مثلا عيب الجدول هو أنك لازم تتابعه
وعيب الربط مع أسلوب الحياة هو أنك ما راح تتنوع بمعرفتك كثير مثل الجدول
لكن هذي الطريقتين عمليــــــة ومجرّبهم الحمدلله
وتساعدك في تحقيق ما تتطمح له إن شاء الله

ها يا ذيبان/ـة وش بتسوي أي طريقة؟

الحمدلله وصلنا نهاية الثريد
شكرا لكم على وقتكم
وتأكد دامك وصلت لنهاية الثريد هذا يعني
انك تبي تتغير للأفضل وتحقق أهدافك
أسأل الله الكريم
أن يعينكم على تحقيق أهدافكم
ويرزقكم إياها على خير
أعتذر على الإطالة
محبكم محمد الكلثم ❤️

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد