رتبها

إزاي تتغلب علي فيروس كورونا ؟
إزاي تزود فرصك للتعافي من فيروس كورونا ؟
-----
شوف الـ Thread

- في الثريد ده هتكلم عن ازاي المناعة بتواجه الفيروس و المعركة اللي بتحصل بينهم و ازاي تزود فرص ان مناعتك تفوز علي الفيروس

نبذة صغيرة عن الجهاز المناعي
--
الجهاز المناعي هو جيش حماية الجسم من الامراض و بيتمثل دوره في الحماية ضد الأمراض عن طريق تحديد مجموعة متنوعة من التهديدات اللي بتستهدف الجسم و يبدأ في انه يهاجمها ، زي الفيروسات والبكتيريا والطفيليات، و بيقدر انه يميزها عن الأنسجة السليمة للجسم

- جهازنا المناعي بيتكون من العديد من الاعضاء و هي :
---
١- العقد الليمفاوية : و دي بتقوم بانتاج وتخزين الخلايا اللي بتحارب المرض
٢- الطحال: و ده أكبر جهاز لمفاوي في الجسم و بيحتوي على خلايا الدم البيضاء اللي بتحارب المرض

٣-نخاع العظم: و دي عبارة عن أنسجة صفراء في وسط العظام بتنتج خلايا الدم البيضاء.
٤- الخلايا الليمفاوية: بتلعب دور كبير في الدفاع عن الجسم ضد المرض.
٥- كرات الدم البيضاء : و دي اللي بتقوم بمكافحة المرض و تحديد والقضاء على مسببات الأمراض و هي الذراع الثاني من الجهاز المناعي الفطري

- في بعض الاعراض بتظهر و دي بتكون مؤشر لضعف المناعة ، بحيث ان جهاز المناعة مش بيقدر يتعرف علي الخلايا الضارة بسهولة و ده بيخلي الشخص اللي بيعاني من ضعف جهاز المناعة يصاب بالعدوى بشكل متكرر أكثر من الأشخاص الآخرين ، و احيانا بتكون الأمراض دي أصعب في العلاج زي أمراض الجهاز التنفسي

- عشان نفهم اكتر تعالوا نعرف ازاي جهاز المناعة بيتعامل مع فيروس كورونا
---
- الفيروس لما بيدخل جسم الانسان جهاز المناعة بيقوم بالتصدي له عن طريق انه يفرز أجسام مضادة ، و بيبدأ جهاز المناعة في التعرف علي الفيروس فــ بيقوم بانتاج الاجسام المضادة خلال 14 يوم في المتوسط

- المدة دي تسمي فترة الحضانة للمرض و دي مش بيظهر فيها أي اعراض من أعراض الاصابة و هنا بتكمن الكارثة في ان العدوي ممكن تتنقل من شخص لشخص و محدش عارف انه مصاب

- بتختلف المدة دي من شخص لاخر حسب قوة الجهاز المناعي و كل ما فترة الحضانة قلت فده مؤشر كويس علي التعافي لأن لو الفترة زادت الفيروس هينتشر بشكل كبير جدا في الجسم و بالتالي هيصعب السيطرة عليه

- بعد ما الجهاز المناعي بينتج الاجسام المضادة بتبدأ الحرب بينها و بين الفيروس و خلال الحرب دي بتبدأ تظهر الاعراض و في حالة لو الجهاز المناعي كسب الحرب دي و ده في بنسبة 95% من الحالات بتبدأ الاعراض تقل و صحة المريض في التحسن

- أما في حالة لو الفيروس كسب الحرب دي و ده بنسبة ضعيفة ، بتبدأ الاعراض تزيد و حالة المريض بتتدهور ، عشان كدا مهم جدا نهتم بتقوية جهازنا المناعي

- و الحقيقة ان تقوية جهاز المناعه مش عملية سهلة بل انه عبارة عن روتين و ده لأن جهازك المناعي عبارة عن نظام كامل مكون من عدة اعضاء و أجهزة بتشتغل مع بعض و عشان تشتغل بشكل كويس لازم مكونات النظام تكون متوازنة

- روتين تقوية المناعه عبارة عن عادات لازم تحرص عليها
------
1- بلاش تدخن لأن التدخين عامل مهم في نقص المناعه خصوصا من أمراض الجهاز التنفسي لانه بيأثر بشكل ضار علي الرئة ده غير ان التدخين مش بيأثر عليك لوحدك لكنه بيأثر علي كل اللي حواليك بشكل سلبي

٢- خلي نظامك الغذائي مليان بالفيتامينات زي الخضار و الفاكهة و أهم الاغذية اللي بتساعد علي تقوية المناعه هي الثوم حيث ان فص ثوم واحد كل يوم علي الريق كفيل انه يحسن مناعتك بشكل ملحوظ

- و كمان الاغذية اللي بتحتوي علي فيتامين سي زي البرتقال و الليمون ،، و البروكلي اللي بيحتوي علي فيتامين A و Cو E و المشروبات الساخنة زي النعناع و الزنجبيل بتساعد علي تقوية المناعه

٣- مارس الرياضة بشكل دوري ، الرياضة لها فوائد كتير علي الجسم من أهمها تحسين الدورة الدموية و زيادة المناعه

٤- حافظ علي وزنك بدون سمنة لأنها بتسبب العديد من الامراض الخطيرة زي أمراض القلب و السكر و الضغط و ده بيأثر علي مناعتك

٥- احرص علي النوم بشكل كافي لجسمك عشان يتعافي من ارهاق اليوم و ده بيكون في المتوسط من 6 لــ 8 ساعات

٦- احرص علي طهي الطعام بشكل جيد خصوصاً اللحوم لان أكل اللحوم الغير مطبوخة جيدا بتؤدي للاصابة بالأمراض

٧- أهم عامل لتقوية المناعه هو الحفاظ علي الصحة النفسية و الدراسات اثبتت ان القلق و التوتر هما من أكبر العوامل اللي بتأثر علي المناعه بشكل سلبي ، عشان كدا حاول تطمن نفسك و متستلمش للقلق و التوتر و ابعد عن أي حاجة بتسبب الضغط العصبي

٨- الصيام المتقطع واحدة من اهم الطرق لتقوية المناعه ، ممكن تصوم يومين في الاسبوع و ده بيخلي الجهاز المناعي ينتج خلايا دم بيضاء اللي بتحاوب الفيروس

- عامل تاني مهم بيأثر علي زيادة المناعه هي الوقاية و زي ما بيقولوا [ الوقاية خير من العلاج ] و ده لأن الوقاية بتمنع أصلا فرص اصابتك بالفيروسات و بالتالي هتوفر علي مناعتك خطر اصابتها بالامراض

- و أهم خطوات الوقاية هي أنك تغسل ايدك بشكل دوري لمده 20 ثانية و الاهتمام بالنظافة الشخصية
--
- كمان حاول تتجنب تلمس وشك او فمك او انفك بدون ما تغسل ايدك و تجنب الاقتراب المبالغ فيه من الاشخاص منعا لاصابتك و انتقال العدوي لك
---
- التزامك بالحجر المنزلي مش رفاهية لكنه واجب

المصدر : دراسة عملتها انا وصحابي

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة