الرد علي السؤال الأزلي: هل المتعافي ممكن يتعدى تاني؟ آه علي فكرة..و في احتمال ان العدوى تبقي أشد حدة كمان..
نسهلها شوية؟ مااشي..اللي عنده انفلوانزا..مبيحصلش انه اثناء التعافي بينتكس؟ او بعدها بشوية ممكن يتعب تاني؟ بيحصل طبعا!
طب ده يقولنا إيه؟
يقولنا حاجتين مهمين جدا

أولا: الفيروس فعلا شديد التحور ..و بالتالي..مفيش لقاح هيبقي فعال ١٠٠%.. نفس فكرة لقاح الانفلوانزا كده..مبيمنعش العدوى..بس بيقلل حدتها..تمام؟ الحاجة التانية..ان زى ما لقاح الانفلوانزا بيتغير كل سنة علي حسب الcirculating strain او السلالة اللي موجودة في الموسم ده اي لقاح هيطلع

لسلالة الCIVID19 لازم يتطور سنويا..
طب الحل؟ الحل من وجهة نظرى المتواضعة التي لا قيمة لها يا اخوانا في شقين...اولا..السيطرة علي العدد الرهيب ده عالميا مش هتيجي الا من خلال الاجسام المضادة المحيدة للفيروس او Neutralizing antibodies اللي هتتاخد من اجسام المتعافين و دى بالفعل بدأوا

يشتغلوا عليها في امريكا..اه حل مؤقت بس هيعلي نسب التعافي و مع العزل الصارم و استمرار الاجراءات الوقائية ممكن نسيطر علي موضوع رجوع العدوى..
الشق التاني..الدوا الوحيد اللي ممكن يكون فعال في المستقبل مش اللي هيشتغل ع الفيروس نفسه..تؤ..علي المستقبلات الخلوية علي جدر الخلايا الرئوية

نفسها..اللي هو الدوا اللي بتدرسه دلوقتي جامعة طوكيو..و اهو الفيروس يتحور بقي..يتطور..يتشقلب. في كل الأحوال هيتعامل مع مستقبلات محددة عشان يتعرف ع الخلية اللي هيعديها. فلو قفلنا السكة دى اتمنع دخول الفيروس للرئة و الجهاز المناعي يتعامل معاه في مجرى الدم و يخلص!?