اذا كان فيه تشابه في التركيب الكيميائي لأي (حاجتين في الكون) فما تتعامل نفس الشئ من الناحية العلاجية لذا احب اشرح لك بعض الأساسيات في الكيمياء الطبية وخصوصًا كيمياء الأدوية عشان الفتي زايد والحبة السوداء طلعت بنت عم الهيدروكسيكلوروكين ،،هيا خذ العلم.
الكيمياء الطبية (Medicinal chemistry) تقول لو غيرت ذرة وحدة في المركب فأنت تغير خصائص المركب وينتج لك مركب جديد بخصائص اخرى مثلا اضافة ذرة كلور يقل الآثار الجانبية لمركب ما وإضافة استر قروب تزيد فعاليته ولو شلت المجموعة الفلانية فأنت تلغي فعالية المركب وهكذا .
اللي يقولك فيه تشابه في تركيب الحبة السوداء مع ال(Hydroxychloroquine) احب أقولك ان الحبة السوداء المعروفة علميا باسم (Nigella sativa) فيها كل هذي المركبات الكيميائية وكل مركب منهم له خصائص مختلفة وتراكيب كيميائية مختلفة مين منهم يشبه الهيدروكسيكلوروكين!؟
مفهوم مهم كيميائياوهو(Structure activity relationship =SAR)وعشان ابسطها لكم:المورفين كيمائيا يختلف اختلافات بسيطة عن الكوديين والهيروين ومع ذلك الاختلافات البسيطة في(التركيب الكيميائي)غيرت من خصائص كلا من الكوديين والهيروين سوءًا من ناحية الفعالية او الإدمان او الاستخدام وغيرها.
فيه شي مهم اسمه (main skeleton)يعني التركيب الأساسي لأي مركب، ال(branches)للمركب الأصلي هي اللي تعطي كل مركب خصائص مختلفه عن الآخر حتى لو تشابهوا في ال(skeleton) الأساسي،مثال: الكورتيزون والالدوستيرون! فهل نعاملهم من ناحية الاستخدام الدوائي نفس بعض عشان تشابه التركيب الكيميائي؟
مثال اخر الحلقة الأساسية لمجموعة المضادات الحيوية البنسلين تشبه الحلقة في مجموعة السبفالوسبورن ..ومع ذلك ما يتعاملوا نفس الشئ !حتى في الحساسية ما نعاملهم نفس الشئ رغم رغم انه تغيير بسيط في التركيب الكيميائي بس غير كثير من خصائص السيفالوسبورن .
الحبة السوداء من مادة ال(phytochemistry ) تقولك فيه اكثر من مادة يعني خليط من عدة مواد ! فلو ثبت مستقبلًا فعالية أي مادة منهم ضد فيروس كورونا فهذا جيد ولكن راح يطبق عليها ما يطبق على الأدوية المستخلصة من النباتات.
راح تستخلص المادة وتكون بجرعات معينة وماراح تلاقي مرجعية طبية موثوقة في العالم كله تقولك كل حبة سوداء بس راح تقولك خذ الدواء الفلاني المستخلص من الحبة السوداء بالجرعات التالية لعلاج المرض الفلاني .
ما اختلفنا على ان النباتات يستخرج منها ادوية مثل العلاج الكيميائي(Vicristine) و (vinblastine ) يستخرج من نباتات فيها مواد اسمها الكيميائي (Vinca alkaloids) ومثل ما انت شايف موجود في علب وبجرعات معينة ..وما قالوا روح كل الفينكا مثل ماهي .
عندك الديجوكسين دواء فشل القلب ،مستخلص من نبات اسمه ديجيتالس.. مسوينه حبوب وغيرها لانه النبات ذا فيه عدة مركبات بعضها مضر ما ينفع استخدمه وراحوا استخلصوا اللي راح يفيد فقط .
وطبعا حقون الواتساب يقولون ليش طيب ما تأخذون الحبة السوداء لانها أرخص على اعتبار انها تحتوي على مركب يشبه الهيدروكسيكلوروكين اللي قاعدين يجربونه ضد كوفيد ١٩ ؟! أعيد وأزيد : الأدوية التي تستخلص من النباتات تعامل معاملة الأدوية الكيميائية في حال ثبتت بالتجارب الإكلينيكية .
عشان تستخدم مادة استخدام علاجي فنحن لسنا وحوش ناكل أي شي يعني النبات نستخلص منه المادة الفعالة و نحدد شي اسمه جرعة و الجرعة لازم تكون معروفة لأنو فيه شي اسمه (subtherapeautic dose ) يعني في أي مرض اذا الجرعة ماهي كافية ممكن المريض ما يتحسن وبرضو فيه شي اسمه (overdose ).
ولذلك اذا اثبتت فعاليةأي مركب أيا كان مصدره لازم(علم الفارماكولوجي)يقولنا ايش هيه ال(therapeutic dose) او ال (optimum dose)?الصالحة للاستخدام البشري،الجرعة اللي تكون آمنه وفي نفس الوقت تعطي تأثير علاجي وبأقل الآثار الجانبية، وبرضو يحددوا ال(Toxic dose) عشان نتصرف في حال التسمم.
خلاصة القول : أي تغير في التركيب الكيميائي يغير خصائص المركب والجدير بالذكر انه لحد الان مافي دواء اثبتت فاعليته ضد كورونا سوءا من الحبة السوداء او غيرها وكل الأدوية اللي نتكلم عنها لا زالت تحت التجربة فلا تستبقوا الأحداث ..العلم سيأتينا بخبر يقين قريبا ..
جاري تحميل الاقتراحات...