10 لايكات وحكتب ليكم حياة كوز سابق بالتفصيل والشفتو والسمعتو
اول شي في شويه اختصارات كدا في جزء منها حيكون تحت
حطين: حركة الطلاب الاسلاميين الوطنيين
م ت : مكتب تأمين
م و : مكتب وقائي
م م : مكتب معلومات
ا س : أمن سياسي
ا ش : أمن شعبي
كديس : دا كادر المعلومات
غواصه: بطريقه مبسطه يعني جاسوس
حطين: حركة الطلاب الاسلاميين الوطنيين
م ت : مكتب تأمين
م و : مكتب وقائي
م م : مكتب معلومات
ا س : أمن سياسي
ا ش : أمن شعبي
كديس : دا كادر المعلومات
غواصه: بطريقه مبسطه يعني جاسوس
الحكايه بدت نهايه 2012 تقريبا و كوش جديد دخل معاهم وما معروف في الجامعه بدخلوك مكتب المعلومات، مكتب معلومات المجمع دا شغلتو يرفع تقارير و يرصد ناس او حاجات و التقرير بترفع لي مسؤول تأمين المجمع
اي جامعه او كليه فيها امين عام وعندو نواب بكونو مسؤولين من مكتب التأمين والاتحاد والاداريين
الاداريين فيهم سياسي اجتماعي امناء الدفع وماتعرف شنو.. الخ
مكتب التأمين فيهو مسؤول عندو زول بتاع وقائي و احصاء ومعلومات. اي مكتب براهو من ديل
الاداريين فيهم سياسي اجتماعي امناء الدفع وماتعرف شنو.. الخ
مكتب التأمين فيهو مسؤول عندو زول بتاع وقائي و احصاء ومعلومات. اي مكتب براهو من ديل
المكتب الوقائي دا بطريقه مبسطه زي البوليس حق التنظيم يعني. تحت الماسكو بكون فيهو مسؤول غرفه فنيه دا البحاسب الناس (عقابات دفع طلعه جلد.. الخ) ، في مسؤول توثيق و كتائب و أمن حركي تقريبا
مكتب المعلومات فيهو مسؤول ونائب وكميه بتاعت كوادر ما معروفه في الجامعه
تاني عندك اتحاد الطلاب وبي مكاتبو المختلفه. طبعا بقولو ليك لما تمشي الاتحاد انت مفصول من التنظيم سنه، نظام شغلك للطلبه بس.. كلام جرايد?
في الفتره دي امين درويش كان متحدث أركان تبع الحزب الشيوعي و علاقتنا كانت عباره عن جيب سجاره وجيب ولعه لحد ما الناس بقت تتونس شويه، المهم في مره كدا كانو دايرين يرفعوك بسبب مشكله شخصيه مع كوز ضربو لي باعتبار مسؤول المعلومات وانا اتخاسست فيهم وزعتهم?
السيخ والملتوف والسواطير والحاجات دي قاعده جوا غرفه المكتب الوقائي والمفاتيح عند المسؤول وبتاع الغرفه الفنيه والعبد لله. مكتب ريحتو كلها بنزين وأهم شي قال ليك في مصحف قاعد بحلفو فيهو
*دا بيت النمل بتاع الجنوبي*،?
*دا بيت النمل بتاع الجنوبي*،?
كان في كافتريا حقت نفط فاضيه و لصق بيت النمل، عاملنها محل اجتماعات مقفوله كدا ومرات بركبو فيها الناس. الحيط مكتوب فيها ما تسمعه او تراه هنا تتركه هنا
وقت الكتمه حرس الجامعه بختفو كلهم طبعا و وشك ما يشوف الا النور أقرب باب ولا حيطه جمبك تلب بيها برا الجامعه، في همجيه بتحصل لدرجات مرات بدقو ناس كيزان زيهم وبكونو ما عارفين.. في ناس بتخرم جبنه سجاير صعوط شاي لكن ديل بخرمو كوماج ودق
قومنا اسبوع مهندس مافيهو كلام لكن حصلت مشكله بسبب انو امين التنظيم قال ما يجيبو دي جي كونت في الافتتاح كيف يعني اسلاميه ودي جي ورقيص. الماسك الاسبوع قال ليهو دا اسبوع المهندس حق الطلبه كلهم ما اسبوع الكيزان دايرين اجيب ليك فرقه الصحوه يعني! قدم استقاله طوالي
الناس كسرت حنك الكيزان والشغل (رئيس الاتحاد والنائب و امين العلاقات الخارجيه وكم نفر كدا وحضرتي). في الفتره دي كنا بنقعد نتونس في المسرح لي ٩ بالليل ونتعشا ونرجع البيت. هم قايلننا شايتين لوبي وبقو يلزو لينا معرصين اصحابنا وفي الحقيقه نحن ما شغالين بي اهلهم
بعداك اخر شي معاهم مسكت مسؤول احصاء جامعة السودان و الموضوع دا كان متعب الجامعه كبيره وفيها اكتر من عشره مجمعات تقريبا. في الفترات دي كان في معسكرات ضرب نار و معسكرات اداريه فنيه.. الخ. أطول واحد كان اسبوع قافل من العدس والفول في العيلفون
المره الوحيده الاتعملت انتخابات في الفترة الكنت بقرا فيها جامعه كانت اموري الاكاديميه جايطه وجاني امين التنظيم قال اشتغل قلت ليهو فلان وفلان كانو شغالين واتفصلو من الجامعه عملتو ليهم شنو قال لي ولا شي قلت ليهو طيب الله معاكم أشوف قرايتي احسن
فا بقو بوزعو على الناس و بكدا مثلا انا ممكن اصوت عشرين مره كل مره بي اسم كلو بتكبو براك في الورقه لأنها فاضيه. من اللحظه دي انا بطني طمت وبقيت داقي جرس انو انت ما قادر تشيلها بحقك ما تشيلها بالحرام ماهو ما كسر رقبه تشيلو الاتحاد ما مكتوب باسم اهلكم
فترة كنت ماسك احصاء مركزي أتعرض على مكتب معلومات جامعه السودان قلت ما عايزو ولحد هنا كانت آخر حاجه معاهم. حنك ما بتقدر تطلع وتخليهم دا طلس والله من يومها ماعندي بيهم شغله ولا سلام ولا كلام الا ما ندر اما الناس الخربو وش معانا ديل لحد هسه متواصلين وماف زول بشم الكيزان اكتر منهم
من نهايه 2015 انا طالب مهذب بقرا وبصيع بس، المختصر المفيد كانت تجربه الواحد استفاد من حاجات و شاف وسمع حاجات منها عرف انو البلد دي ما حتمشي لقدام طول ما الكيزان قاعدين
فا ما تجي تشبكني انت كوز وخليتهم هسه مع الثوره والكلام الفارغ دا اي زول يعرفني عارف من ٢٠١٥ ماعندي ليهم شي و **** كلهم نفر نفر و الشيشه اللقوها جوا مكتب الاتحاد دي حقت واحد صاحبنا??
دي بطاقه يدوها لناس الاتحاد هي طلس لكن بتشتغل معاك مرات دخلت بيها كم حته الشهاده لله ?
عشان ما انسى برضو اول ما الحركة بتاعت ناس ذنون ظهرت أتعرض من ناس الأمن الايجابي اخش معاهم غواصه وبنديك وبنسوي ليك وكلام كتير دي دا. قلت ليهم اي شي ولا البطاله ما بقعد مع زول ومن وراهو اتخاسس فيهو دا حتى ذنون اداني رقموني قال نقعد لما كان سخن وما بشرد ماليزيا?
جاري تحميل الاقتراحات...