في سنة 1933 الصديقين جيري سيجل وجوي ساشتر عملو مجلة خيال علمي تضمنت قصة بتحكي عن شخصية خيالية إسمها Superman لكن المجلة ملاقيتش أي رواج في مدينتهم (كليفلاند) حاولو بعدها يطورو الفكرة فوصلو لشكل more heroic من الشخصية لكن مكانش في أي حد من الناشرين مهتم بالشخصية لأن الـconcept....
كان جديد وقتها.. بعدها الشخصية اخدت ابعاد أكتر واتطورت فوصلت لفكرة إن سوبر مان هو الناجي الوحيد لعالم تم تدميره وقررو انهم يقدموها في الصفحات المخصصة للكاريكاتير في جريدة محلية ولكن الفكرة برضو ملاقيتش اهتمام كبير من قراء الجريدة في 1936 الصديقين اتعينو في Detective Comics Inc..
مع الوقت حاولو يعرضو فكرتهم مره تانية وكان في اهتمام من مسؤولين الشركة واخدو فرصة إنهم ينشرو comic book لشخصيتهم سوبر مان.. سنة 1938 إتباعت حقوق الشخصية لـ Detective Comics ومع نشر أول إصدار للشخصية حققت نجاح كبير.. نجاح الفكرة المادي الكبير لفت إنتباه رسام تاني إسمه بوب كين..
وفي يوم في سنة 1939 بوب قال لمديره في الشغل إنه يقدر يجيب فكرة شخصية بطل خارق زي سوبرمان ورجع البيت إشتغل على شخصية سماها باتمان وكانت اول رسم للشخصية مختلف كتير عن الشكل المعروف بيه دلوقت.. شخصية الزي بتاعها لونه أحمر ولابس ماسك بيغطي عينيه وجناحين شبه أجنحة الوطواط...
بس بوب محسش إن اللي عمله ده كويس كفاية فإستعان بكاتب صديق اسمه بيل فينجر وإشتغلو على رسومات بوب.. صديقه كان له إقتراحات لصفات بصرية أفضل لباتمان.. زي قاتم.. قناع بيغطي وشه كامل وله أذنين لأن قناع كين كان أقرب لأقنعة اللصوص.. عباءة عملية أكتر من الأجنحة الثابته وشعار على الصدر...
كين رجع لمديره برسومات فينجر وقاله دي فكرتي اللي قولتلك عليها بطل إسمه Bat-Man الفكرة عجبت مديره وكان حابب يشتريها كين اتفق مع فينجر إنهم يشتغلو سوا على الفكرة.. كين للرسم وفينجر للكتابة بجزء من الأجر ولأن كين هو اللي موقع العقد مع الشركة هايتم وضع إسم كين على الـcomic book
فضل الإتفاق ساري بين الإتنين لحد سنة 1965 في السنة دي اتعمل تجمع صغير بيضم جمهور الكوميكس وبعض الكتاب والرسامين اللي ورا اشهر الشخصيات (التجمع ده اتطور مع الوقت لحد ما بقى Comic-Con) واتقدم فيه صانع شخصية باتمان وعلى عكس اللي توقعه الجمهور اللي كان مستني ظهور كين ظهر بيل فينجر..
في اللحظة دي كان كين قدام خيارين إما انه يعلن فينجر ككاتب وصانع شريك لعالم باتمان أو إنه ينكر ده ويفضل مكمل قدام الناس على انه الشخص الوحيد واللي مكانش شىء هيثير شكوك الناس وقتها.. كين أشهر وإسمه على كل الـ comic books مفيش انترنت.. جمهور الكوميكس لسه مش كبير للدرجة الكافية...
وطبعا كين ماكذبش خبر وراح على مجلة مخصصة للجمهور اسمها Batmania وكتب فيها مقال طويل عريض بيقول إنه الصانع الحقيقي لعالم باتمان مش فينجر.. في حين إن طول الفترة السابقة لسنة 65 أي حد من الجمهور بعت للناشر سأل عن الاشخاص اللي ورا الانتاج الكبير لسلسلة باتمان كان بيتذكر إسم فينجر..
ككاتب وصانع لعالم باتمان.. في اللحظة دي فينجر مكانش معاه فلوس كفاية تخليه يقدر يقاضي كين.
فينجر كان الصانع الحقيقي لباتمان-روبن-جوكر-ريدلر-كات وومان-بينجوين-سكير كرو-المحقق جوردن-ديك جرايسون-فكرة الـ Batcave-Batmobile-لقب The Dark Knight-باتمان كمحقق عبقري...
فينجر كان الصانع الحقيقي لباتمان-روبن-جوكر-ريدلر-كات وومان-بينجوين-سكير كرو-المحقق جوردن-ديك جرايسون-فكرة الـ Batcave-Batmobile-لقب The Dark Knight-باتمان كمحقق عبقري...
بروس وين كطفل فقد والديه واتشكلت عنده تروما خلته كبر وعاوز يحارب الجريمة علشان يمنع تكرار اللي حصل له كطفل مع إنه شخص عادي جدا مش بيمتلك قدرات خارقة.. بطل driven by morality قصته ملهمه وقادرة تأثر فيك لأنه إنسان عادي شبهك... كل ده مكانش هايبقى ليه أي وجود لولا بيل فينجر
في سنة 66 بيتذاع أول مسلسل تليفزيوني بيتكلم عن عالم باتمان وكان أول live action performance يتقدم للشخصيات.. في الوقت ده كين اللي كان متصدر المشهد من بعد إنكاره لوجود فينجر بيزداد ثراء وشهره ونجمه بيسطع وبيكون من أوائل الناس اللي تنتقل من صناعة الكوميكس لهوليوود بالشكل ده
كين فضل مكمل في طريقة للشهرة بتقديمه لنفسه على إنه الـ real-life alter ego لباتمان وبدأ يتربح من ده بشكل كبير حتى انه في وقت قرر يعمل lithographs لباتمان علشان تتقدم للجمهور في معارض فنية جاب shadow artist عمل كل الشغل وكين قدمه للعالم بإسمه.
الظهور الوحيد لإسم بيل فينجر في credits إنتاج فني عن باتمان كان لكتابته لحلقة وحيدة في المسلسل التليفزيوني... بعد فترة ناشرين الكوميكس بدأو يخرّجو كتاب الستينات من العمل واحده واحده ويدخلو دم جديد لكتاب شباب علشان يحافظو على جودة المحتوى وقتها بيل كان بيحاول يدور على أي مصادر دخل
لدرجة إنه كتب مقالات بتتكلم عن النجارة وبعض الأعمال المغمورة للقطاع الإعلامي للجيش الأمريكي.. بينما شخصية باتمان بتكتسب شهرة أكبر كل يوم وبيتربح منها أشخاص كتير مش من ضمنهم الصانع الحقيقي للشخصية.. في بداية السبعينات بيرجع بيل بسلسلة قصص مصورة من انتاج DC محققتش نجاح يذكر
ولكنه كان بيشتغل عليها بس علشان يقدر يعيش... في يوم 18 يناير 1974 بيموت بيل فينجر في بيته في مانهاتن مغمور, فقير ومهدد بالطرد من بيته, وحيد معندوش عائلة ومفيش أي حد يعرف إسمه.. محدش بيكتشف موته غير تشارليز صديقة اللي مكانش سمع أخباره من إيام فراح لشقة فينجر يتطمن عليه...
حتى إنه اتدفن في قبر مشترك بيتدفن فيه المشردين والناس اللي مفيش أي حد يعرفهم بدون شاهد يحمل إسمه.. وفي مصادفة حزينة في العدد الأول من كوميكس باتمان كان في وصف فينجر كتبه عن بروس وين/باتمان بيقول "His identity remains unknown.." وكأنه بيكتبها عن نفسه..
المصدر كتاب Bill the Boy Wonder: The Secret Co-creator of Batman لـ Marc Tyler Nobleman واللي اتبنى عليه فيلم من إنتاج Hulu بعنوان (2017) Batman and Bill
جاري تحميل الاقتراحات...