التاريخ
أدب
الشعر
الجريمة
الثقافة
الصراع
قصة
القهوة
الصداقة
الطمع
الصحراء
الفرار
الوظيفة
الله
جمل
أميرة
الهجوم
المساعدة
ياحمود يظهرلك صديقٍ من القوم
ويظهر من الربع الموالين عدوان
بيت مشهور جداً وأصبح مثل يضرب لصداقة الغريب وعداوة القريب والبيت من قصيدة لها قصة بقولها لكم وتحملوا الإطالة شوي
ويظهر من الربع الموالين عدوان
بيت مشهور جداً وأصبح مثل يضرب لصداقة الغريب وعداوة القريب والبيت من قصيدة لها قصة بقولها لكم وتحملوا الإطالة شوي
راعي القصيدة والقصة رجال إسمه (مفضي بن ولمان الأحمدي الحربي)صارت عليه قضية (دم)قتل رجال قبل الحكم السعودي وعجز عن دفع الجزية من القل وخاف على نفسه وجلى (رحل) عن ديرته وربعه بإتجاه الشمال من اطراف المدينة ووصل جبل (رمان) جنوب حايل وقريب من الجبل قرية إسمها (الصداعية) لفخذ العليان
من شمر ولا علمهم من يكون ووش مشكلته والعرب منول ماينشدون (الجلاوي) وشعندك ووش جايبك المهم إنه قال يدور شغل ويترزق الله وإشتغل عن الأمير يرعى الإبل وبالمساء يسوي القهوة ببيت الامير .
والأمير له بنت أسمها (رثعا) لها حلال وبيوم من الأيام جتهم غارة والأمير وأكثر ربعه ماهم موجودين
والأمير له بنت أسمها (رثعا) لها حلال وبيوم من الأيام جتهم غارة والأمير وأكثر ربعه ماهم موجودين
وصاحت رثعا وفزعت الموجودين وفزعوا وسمع مفضي الصياح وهو عند إبل الأمير وجاء وأخذ الفرس وفزع وهو راكب الفرس يتعزوى والله ماتقفي بها وأنا الأحمدي والله ماتقفي بها وأنا الأحمدي وأوحت رثعا عزاوي مفضي ولحقهم وذبح اللي ذبح ورد الحلال وجاب خيل اللي ذبحهم مع الحلال وعطاهم رثعا ورجع لحلال
الأمير بالمرعى لين أمسى الليل ورجع لبيت الأمير لشغلته يسوي القهوة والامير وربعه يتسامرون ويتعللون وتبينت على أبوها وإستأذنته تدخل عندهم وسمح لها ويوم دخلت قالت لابوها لي مطلوب قال وش مطلوبك نادت مفضي من عند الدلال وجلسته جنب ابوها وصبت له فنجال القهوة وابوها وربعه مستغربين
ومنبهرين ويناظرون لبعضهم وقالت :
جاك الهوى مني بعشقٍ من الراس
ولاعاد تبخل بروحك عليه
يامثبت العزوة ويامروي الكاس
يامنتخي بالعزوة الأحمدية
وزادت غرابة ابوها وربعه بعد كلامها ورد عليها مفضي بالحال وقال :
جاك الهوى مني بعشقٍ من الراس
ولاعاد تبخل بروحك عليه
يامثبت العزوة ويامروي الكاس
يامنتخي بالعزوة الأحمدية
وزادت غرابة ابوها وربعه بعد كلامها ورد عليها مفضي بالحال وقال :
مالي هوى يابو ثمانٍ كما الماس
يابو خديدٍ كنه النافعية
حالك على القرّا وحالي على الياس
مطول ماقضّيت دينٍ عليه
ماني من اللي همه البطن ولباس
ولاعندهم بالطيبة والردية
يوم قال ( مطول ماقضيت دين عليه ) عرفوا إنه وراه ستلفة وقال الأمير وش العلم يابنت علمته باللي صار وفعل ( مفضي)
يابو خديدٍ كنه النافعية
حالك على القرّا وحالي على الياس
مطول ماقضّيت دينٍ عليه
ماني من اللي همه البطن ولباس
ولاعندهم بالطيبة والردية
يوم قال ( مطول ماقضيت دين عليه ) عرفوا إنه وراه ستلفة وقال الأمير وش العلم يابنت علمته باللي صار وفعل ( مفضي)
نشده الأمير وش سالفته وعلمهم وقال الأمير دام الرجل إفتك حلالنا لزوم اليوم نجمع الديه له ونسوقها وفزعوا شمر وجمعوها وساقوها للطلاب وحللوا الأحمدي وعودوا لديرتهم وعود معهم مفضي وطلب البنت وتزوجها وجلس بجبل رمان ورزقه الله عيال منهم ولده (حمود) وبيوم وحمود يلعب مع الورعان قالوا له
أنت ما انت منا ولا لك ديرة وحسته الكلمة وازعلته وقالها لابوه وتضايق من زعل ولده وقال :
ياحمود من ديرة خوالك جلينا
شف دلوهم من يمنا تزحم الجال
لاعاد ماقربك يحشم علينا
شورٍ علي نقلط الزمل نشتال
وأستأذن من أنسابه وقال أنا بعود لديرة أهلي وربعي وسمحوا له وروّح لديرة الأحامدة ربعه
ياحمود من ديرة خوالك جلينا
شف دلوهم من يمنا تزحم الجال
لاعاد ماقربك يحشم علينا
شورٍ علي نقلط الزمل نشتال
وأستأذن من أنسابه وقال أنا بعود لديرة أهلي وربعي وسمحوا له وروّح لديرة الأحامدة ربعه
ونزل معهم وتصبّر ولا إرتاح لأنه إشتاق لأنسابه العليان اللي قضى معهم عشرة طويلة وقال :
ياحمود شد الزمل نرحل من الدوم
نبي عربنا يم أطاريف رمان
ياحمود ماوالله علينا بها لوم
ما أستانس إلا وسط نزل العليان
ماكني إلا عندهم باشة الروم
أرجح بميزاني على كل ميزان
ياحمود شد الزمل نرحل من الدوم
نبي عربنا يم أطاريف رمان
ياحمود ماوالله علينا بها لوم
ما أستانس إلا وسط نزل العليان
ماكني إلا عندهم باشة الروم
أرجح بميزاني على كل ميزان
الله نشد ياحمود عن معرفة يوم
ماهي ثمان وعسر ياحمود جيران
ياحمود يظهرلك صديقٍ من القوم
ويظهر من الربع الموالين عدوان
وشد ونزل بالصداعية عند أنسابه العليان لين مات .
وسلامتكم وعذراً على الإطالة .
ماهي ثمان وعسر ياحمود جيران
ياحمود يظهرلك صديقٍ من القوم
ويظهر من الربع الموالين عدوان
وشد ونزل بالصداعية عند أنسابه العليان لين مات .
وسلامتكم وعذراً على الإطالة .
جاري تحميل الاقتراحات...