#ثريد قصه الصوره التي ارعبت انجلترا لسنوات
1/ تبدا القصه في بيت صغير اجار البيت هاذا في ضاحية انفيلد اللندنيا وابطال هاذي القصه امرأة مطلقه اسمها مالقريت وطفالها الاربعه اطفالها هم بيغي عمرها 12 سنه وجانيت عمرها 11 سنه وجون عمره 10 سنين و بيلي عمره 7 سنوات
2/ في ليله من ليالي 1977 قالت الام ل اطفالها روحو نامو لان الوقت صار متاخر وقعدت بالصاله تشوف التلفزيون و في وقت قصير صارت تسمع ازعاج في غرفت بناتها ف توقعت انهم ما نامو وقعدت تصرخ وهي جالسه وتقول لهم نامو الوقت متاخر استغربت لان ماجاء منهم رد وستمرو بالزعاج
3/ ف قامت الام وراحت لغرفتهم ويوم فكت الباب انصدمت شافت بناتها الثنتين قاعدين على السرير ويناضرون لخزان الملابس ووجهم كله رعب وسبب الرعب ان خزان الملابس تحرك من نفسه وراح مكان ثاني وكل هاذا شافوه بعيونهم
4/ بالبدايه يوم شافت الام الرعب بعيون بناتها افهمت وش الي صار بس هي بينت لهم ان ليش حركتو خزان الملابس مع انها هي متاكده مو هم الي محركينه لان خزان الملابس ثقيل مو خفيف ف عرفت ان في شي غريب بالبيت ف قالت لهم ساعدوني خن نرجع خزان الملابس ع الجدار
5/ و يوم رجعو خزان الملابس عند الجدار تحرك مره ثانيه ووقف ب نص الغرفه قدام عيون الام ف هنا الام حست ان في شخص معاهم في البيت من العالم الاخر ف بنفس الوقت الي تحرك فيه خزان الملابس لنص الغرفه سمعو ثلاث طقات على الجدار وبعد الثلاث طقات صار فيه صمت بالغرفه ف
6/ ف بعدها صار في ثلاث طقات ثانيه على الجدار لاكن من جها اخرا هنا الام اخذت اطفالها الاربعه وانحاشت لبيت جارتها ف جارتها قالت نامو عندي ونا اخلي زوجت يروح يشوف و زوجها اسمه فيك هاذا رجال ضخم وكان يشتغل في البناء
7/ دخل فيك البيت عشان يشوف ويتفحص سبب هاذي الاصوات الي مو طبيعيه فالبدايه مالاحض شي خارج عن المالوف يقول كل شي اشوفه طبيعي بس بعدها سمع صوت طق على الباب نفس الي سمعته الام وطفالها الصوت هاذا كان بالطابق الثاني ف راح ركض بيشوف سبب الصوت
8/ راح للطابق الثاني بيشوف سبب الصوت ف هنا بعد ما صعد للدور الثاني بدت الاصوات يسمعها من كل جها هنا الرجال خاف ك اي انسان طبيعي ف بعدها سمع طق الباب بالقبو ف شجع نفسه وقرر انه ما يخاف ونزل للقبو وقعد يعطي بينه وبين نفسه اعذار يقول يمكن هاذا انبوب خربان وكذا
9/ راح فحص الانابيب وطلع مافيها شي واستمر الطق على الجدار هنا تاكد فيك ان البيت فيه بلا انحاش الرجال لبيته وو صفته ام الاطفال تقول فيك يوم دخل علينا البيت ماشفت بحياتي رجال ب هالضخامه مرعوب لهالدرجه هنا الام اتصلت بالشرطه يروحون البيت ويشفون سبب هاذي الاصوات
10/ هنا ارسل قسم الشرطه شرطي وشرطيه عشان يفتشون البيت ويشوفون سبب هاذي الاصوات الغريبه وبعد تفتيش طويل عشان يشفون وين هاذي الاصوات مالقو ولا شي بس فجاه في واحد من اطفال الام صرخ وقعد يشر على الكرسي الكرسي هاذا كان موجود في غرفت الجلوس الشرطيه اوصفت هاذا المشهد..
11/ اوصفت الشرطيه هاذا المشهد قالت الكرسي هاذا كان موجود في غرفت الجلوس كان يهتز ويتحرك بشكل غريب وفجأه ارتفع وراح ل حاط المطبخ والصدمه تحرك من نفسه ب مسافت ثلاث الى اربع اقدام وهاذا شي ابدا مو طبيعي هنا الشرطي والشرطيه قعدو يفحصون الكرسي يشفون اذا يمكن حاطين اهل البيت خيط او شي
12/ لاكن الصدمه ان مافيه شي الكرسي يعني هاذا انه تحرك من نفسه وهاذا الامر بحد ذاته يصدم هنا الشرطي والشرطيه حسو برعب مو طبيعي لدرجه انهم طلعو من البيت وقالو ل الام هاذا مو من اختصاصنا وحنا مانقدر نتعامل مع الجن وفي الايام الي بعدها زادت الأشياء الغريبه في البيت
13/ والام وطفالها عايشين رعب بهاذا البيت ومايقدرون يطلعون منه صح انهم نامو عند جارتهم لاكن مو لدرجه انهم يضايقونهم ف اطرو انهم يتحملون الرعب ويعشون بالبيت رغم الاشياء المرعبه الي زادت عن حدها بعدها انتشر خبر هاذا البيت الي تعيش فيه الام وطفالها بين اهالي المنطقه الي عايشين فيها
14/ لدرجه انى وصلت سمعت البيت للصحافه ف حضرو مراسلين للبيت من جريدة ديلي ميرور عشان يعرفون قضيه هاذا الببت وشو الاشياء الغريبه الي تحصل بهاذا البيت و واحد من الصحفيين هذول قال عن تجربته بهالبيت ان الاشياء تتحرك من نفسها وشياء تطير والناس قاعده تصرخ من الرعب وقال من اغرب الأشياء
15/ وقال من اغرب الأشياء الي شفتها بحياتي وبعد مانشرو تقريير في مجلة ديلي ميرور بداؤ مراسلين واجد من قنوات ومن صحف يجون ل هالبيت يبون يعرفون قصته وهل كلام صحيفة ديلي ميرور صحيح ام مزيف وال BBC وحده من القنوات الي ارسلت مراسلين عشان يشفون الاشياء الغريبه الي تصير بالبيت
16/ ف الفريق الي حضر من BBC جابو معهم جميع المعدات من كاميرات وتسجيلات صوتيه وكل شي عشان يسجلون الاحداث الغريبه الي تصير معاهم بالبيت وفعلا قدرو يصورون ويسجلون الاصوات الي طلعت من البيت بس الصدمه بعد مارجعو للقناه لقو الجزاء المعدنيه الي داخل اجهزتهم التووت وخربت بشكل غريب
17/ وان الاشرطه الي سجلو فيها الاصوات انمسحت ك ان الاشرطه فاضيه من البدايه وكانهم ماسجلو ولا شي وبعد كم اسبوع اتصلت الام ب جمعية البحوث الروحانيه البريطانية يمكن في امل انهم يسعدونها ف استجابت لهم الجمعية وارسلت اثنين من محققينهم الي هم مورس و قاي و مورس وقاي هم الي الفو كتاب
18/ الي يتكلم عن قصة هاذا البيت وتجربتهم مع الاشياء الغريبه الي صارت بالبيت ومن اول يوم جلسو فيه مورس وقاي فالبيت مع العائله بدؤ يحسون بالاشياء الغريبه الي تصير معهم بالبيت مورس يقول شفت بعيوني مكعبات لعبة اليقو LEGO وهي تطير قدامي يقول يوم كنت امسك وحده منهم احسها حاره
19/ وغير هاذا يقول اني شفت الاثاث يتحرك بالحاله من نفسه والقميص الي على الطاوله يتحرك من نفسه ايضاً كن في احد شاله وحذفه وبمى انهم محققين لازم يركزون على العائله ويشفون من الي شكله مشبوه انه مثلا يكون متلبس او شيء ف لاحضو معظم الاشياء الغريبه الي تصير فالبيت يكونوون موجودين بنتين
20/ الام بس الي كان مركزين عليها حيل هي البنت الصغيره الي اسمها جانيت كان كل شي مرعب يصير بالبيت موجودها من ازعاج من تكسير الاغراض وتحريك الاثاث الى اخرا لدرجت ان امها والجيران اقسمو انهم شافوها تطير لما كانت قاعده بغرفتها و مرات تدخل بحاله الا وعي او الصرع
21/ و بحاله الا وعي هاذي الي تصير لها تصير قويه بشكل مو طبيعي حتى لدرجه ان مره من المرات دفت واحد من الصحفيين وطاح ل اربع امتار وغير هاذا تتكلم بصوت غريب يطلع من حلقها بدون ماتحرك شفايفها وهاذا الصوت صوت رجال كبير بالعمر ووصفو انه صوت رجال تعبان
22/ وبعد ماسمعو المحققين هاذا الصوت منها عرفو انهم قدام مس شيطاني مو جن ف قعدو يتكلمون مع هاذا الشيطان الي داخلها وعرفو من خلال هاذي المحادثه ان الرجال الي متلبسها رجال كبير بالسن اسمه بيل، بيل هاذا كان عايش بهالبيت من سنوات طويله ومات وحيد بهالبيت بسبب جلطه بالدماغ
23/ حتى وصف كيف مات بالتفصيل قال قبل ما اموت انعميت صرت ماشوف وصار لي نزيف بالراس ف حسيت اني نعسان ابي انام ونتمت على الكرسي الي موجود تحت جنب السلم يعني وصف المكان بعد
تنبييه !!!!!! هاذا تسجيل صوتي ل بيل الي متلبس جانيت اذا ماتبي تسمع لاتدخل
التكمله بكرا ان شاء آلله وفي احداث وصور بتشفونها
24/ الغريب والعجيب بالموضوع انى جانيت تصير بحاله الا وعي هاذي ما تتذكر ولا شي قالته او قالته الروح الي داخلها تقول ماتذكر ولا شي صار معنى كانت تتكلم بالسانها كنه كانت متخدرا او نايمه هنا المحققين شكو فيها قالو يمكن هي تتصنع هاذا الصوت ف اجبروها تشرب مويه وتخليه بحلقها ما تبلعه..
25/ اذا صارت بحاله الا وعي هاذي يشفون هل هي تتصنع هاذا الصوت ام لا وبعد المحققين استشارو طبيب اختصاصي بالحنجره قالو هل يمكن ان الطفله هاذي اطلع هاذا الصوت الغريب وهي مسكره حلقها ماتحرك شفايفها ف قال لهم الطبيب مستحيل ومن سابع المستحيلات لانى هاذا الشي يمكن يئدي الا تدمير احبالها.
26/ الصوتيه خلال دقائق محدوده والغرب من هاذا انى في شخص اتصل على المحقق موريس وقال انا ولد بيل الرجال الكبير الي مات بجلطه بهالبيت وقال لهم فعلا كل شي قالته الطفله صحيح ابوي مات بجلطه بالدماغ وقبل مايموت اصابه العمى وفعلا لقينا ابوي ميت بالكرسي الي جنب السلم بالطابق الارضي ....
27/ ومات من سنوات طويله وخلال الفتره الي عاشو فيها المحققين بالبيت حطو كاميرات حساسه في غرفت جانيت وهاذي الكاميرات الحساسه تصور اي حركه غريبه تصير داخل الغرفه وتصور صوره وحده كل ربع ثانيه اذا حست بحركه غريبه و بواسطة هاذي الكاميرات قدرو المحققين انهم يلتقطون صور حيرت وارعبت.....
28/ الكثير من الناس ب انجلترا بذاك الوقت بعض هاذي الصور الي التقطت في غرفت جانيت كانت ل اثاث يتحرك من نفسه وبعض الصور الي طلعت ل جانيت وهي تطير بالهوى مثل هاذي الصوره التقطت بواسطة الكاميرات الحساسه وواضح الرعب بوجه جانيت ك ان شي غريب قاعد يشيلها محد قدر يفهمها
29/ جانيت مره قالت بلقاء لها بالقناة الرابعه البريطانيه عن هاذي القوه قالت انا كنت من قاده حق هاذي القوه الخفيه الي محد فهمها ابدا ونا فعلا محب افكر فيها واجد وغير واثقه ابدا انها قوه شريره واستمرت الاحداث الغريبه بالبيت هاذا لمدة اربع اشهر وبدت تهدي تدريجيين
30/ الى ان صارت سنة 1978 بالخريف وكانو يسمعون من وقت الى اخر صوت دق على الجدران بس مو مثل قبل وايضا ماصرت جانيت تجيها حاله الا وعي مثل قبل بعدها تزوجت بسن مبكر بعمري 16 سنه وطلعت من البيت المسكون لاكن بصوره عاما ماكان لعئلتها مسقبل زين الي هم امها وخوانها لا اخوها جون مات بسن..
31/ جدا مبكر 14 سنه بسبب مرض السرطان وأيضاً جانيت افقدت ولدها الي مات وهو نايم بصوره غريبه كان عمره 18 سنه اما الام عاشت بالهبيت المسكون وحيده ماعندها احد بعد ما ابناها كلهم طلعو من البيت الي تزوج والي لها بحياته وتوفت بسنة 2003 وحيده بالبيت وبعدها في ام ثانيه اسكنت بالبيت هاذا
32/ وعندها اربع أبناء بعد ما كان يعرفون ولا شي عن ماضي هاذا البيت وما امداهم يطولون بهالبيت الا بدت الأشياء الغريبه تصير معاهم نفس الاشياء الي كانت تصير مع العائله الي قبلها الام قالت انها تحس ان فيه احد يراقبها ك ان مو عايشه بالبيت الحالها نفس كلام ام جانيت وطفال الام هاذي.....
33/ دايم يقولون نصحى في منتصف اليل ونسمع فيه ناس قاعدين يتكلمون تحت بالطابق السفلي مع ان جميع الي بالبيت ناييمين ولمى ننزل بالطابق السفلي ما نلقى احد وهالشي صار لهم اكثر من مره واحد ابناء هاذي الام يقول في ليله من ليالي حسيت ان فيه شخص قاعد فوق راسي او يراقبني
34/ يعني انا منسدح وهو واقف يطالعني يقول لمى فتحت عيني لقيت رجال قاعد يطالعني بطريقه غريبه وكان كل هالحداث كافيه انهم يشيلون اغراضهم ويهجون من البيت
35/ بوقتنا الحالي في عائلة ساكنه بالبيت هاذا وترفض تتكلم مع الصحفيين ابدا
36/ بالنهايه جانيت حاليا عمرها بالاربعين وطلعت بلقاء وقالت ان حنا فبرقنا بعض الامور عشان يصدقونا لاكن الي سوينها انا وختي من فبركه ماتقدر ب 2% يعني ولا شي من مجمل الاحداث الي صارت معنا ف لمى سالوها وش السبب الي يخليكم تفبركون بعض الامور ف ردت وقالت سببين
37/ السبب الاول نختبر الاشخاص للي قاعدين يساعدونا الي يقولون حنا محققين روحانيين هل هم فعلا محققين روحانيين او كذابين والسبب الثاني انى حنا نبي نرضي الأشخاص الي جايينا من صحفيين من قنوات تلفزيونيه لانهم جايين وواثقين انهم بيلقون شي غريب ف حنا نطر نفبرك ونرضيهم ويطلعون وهم متاكدين
38/ انى البيت هاذا مسكون لان بالاصح هو فعلا مسكون بس يمكن لمى يجون صحفيين او القنوات التلفزيونيه مايصير شي غريب ف يقولون انى حنا كذابين عشان كذا اطرينا انى نفبرك بعض الامور ومع كل هاذا مصره جانيت ان كل الاشياء الي صارت غريبه الا البعض الي فبركوه
39/ وقالت في احد المقابلات الي صارت في سنة 2007 من تجربتي الخاصه اعرف انى الاشياء الي صارت حققيه لاكن كان هاذا الشي عايش علي على طاقتي ممكن ان البعض يقولون انى انا مجنونه او كذابه لاكن هاذي الامور صارت فعلا وروح العجوز بيل كانت عايشه معاي انا شخصيا
40/ بعدها سالو جانيت ما سبب سكون هاذا الشبح ببيتكم او هاذي القوه الغريبه قالت احنا اول ما سكنا بالبيت ماكان يصير معنا أشياء غريبه الا بعد مالعبنا لعبة ويجيا انا وختي
انتهت القصه في اشياء لم يتمت ذكرها مثل معناتهم بالتنمر بالمدرسه والى اخرا وفي مقابلها لهم راح احطها لكم لاكن ممكن تكون مو مترجمة
جاري تحميل الاقتراحات...