بما اني بالديره تذكرت العيد والضيم اللي قاعد يصير يوم كنت صغير
اذكر يوم كنت بثاني ابتدائي كانو اغلب اللي بالفصل حضر ولا عندهم سوالف قرايا وكذا والمدرس يسالنا وين عيدنا مابه الا انا قلت الديره ومستغربين الطلاب يسالوني شلون وش تسوون هناك عاد لازم اكذب يعنني ابويرمدلعنا كنت اقول ابوي يشتري لنا كرتون طرطعان ونفقّع انا واخوي وانا وربي
حتى ثوم ابوي مايشتري ياخي كان بخيل وقتها معلينا الزبده كنا ناصل الديره على الساعه ٨ الصبح اول ما نجي يستقبلونك بمفطح وبعده حزززززن مافيه اي نشاط انا واخوي اللي اصغر مني اللي اقولكم قدوتي وولد عمي بس انه ينقص علبه مو علبه لا والله علب واجد والوضع بييض لا طرطعان ولا شي بس قاعدين
اتوقع عام ٢٠٠٤ الزبده ماكان عندنا دس وقتها وعمامي عندهم ويوم جاء بالليل نتابع حلقه يوم اخر يوم يموت خالد بالدباب واذكر بنت عمي كانت تصيح لانه كانت تعرف المسلسل وحنا فاتحين افامينا ماندري وش السالفه ومستغربين ليه تصيح بعذرنا ياخي ماشفنا الا الحلقه الاخيره
عاد يوم جيت ثالث ركبنا دش وليته دش صاحي كان فيه ١٥ قناه بس وكلها قنوات دين بس اللي كانت مونستني قناه المجد للاطفال اذكر كانت علامتها ثلاث كور خضراء وزرقاء وحمراء واذكر كان كرتوني المفضل لوز وسكر هذا كان عن دببه ثنين ضاعو من امهم وهم صغار والحلقه الاخيره يلقونها
الزبده انه بيييض لكن ماكان موجود الا هو وكان فيه برنامج يجي العصر ناسي اسمه بس اذكر اللي كان يقدمه عبدالمجيد اليمني يجيبون صغار وينشدون وخرابيط مطاوعه وكنت انقهر من اللي ينشدون لان اصواتهم حلوه كانو بعمري وقتها الزبده يوم جت العطله اللي رايح لرابع امي سوت عمليه وقعدت اسبوع
بالمستشفى والوقت ذا كنت اروح البقاله على رجولي لان امي مو فيه واستغفر الله كنت مبسوط واقول يارب امي تطول هناك المهم نرجع لسالفه الدش جت اختي بطريقه ما زودت القنوات وصارت فوق ٣٠٠ قناه واهم شي فيه قناه الكويت كان يجي مسلسل ثمن عمري الساعه ١ بالليل ونسهر على خبز وجبن وعصير تانج
وقتها الاكل ذا يسوى كل شي عندنا لاننا ما نذوق العصير الا برمضان المهم امي طلعت من المستشفى وصارت تنام تحت وحنا احلى وناسه على التلفزيون واذكر اذا خلصت الحلقه اطلع مع اخوي الكبير ونتكلم عن الحلقه وبعده ننام اي وصار عندنا ام بي سي ثري
لحظه ياخي والله اذكر فيه احداث كثيره كنت بكتبها بس نسيت والله??
جاري تحميل الاقتراحات...