Thread،عن قصتي ويه السُل
٢٠١٧/٧،كعدت بيوم اشوف عيني اليسرة ربعهه ضلمة ماشوف بيهه رحت لدكتور العائلة(الي جنت اعرف هو غبي بس محد صدكني)كال هاي القرنية بيهه جفاف ونطاني مرطب،بعد اسبوع الضلام زاد رحت لغيره كال عندي جلطة بوريد فرعي بالشبكية بسبب التهاب وجاي تنزف هسه،ومنا بدت رحلتي++
٢٠١٧/٧،كعدت بيوم اشوف عيني اليسرة ربعهه ضلمة ماشوف بيهه رحت لدكتور العائلة(الي جنت اعرف هو غبي بس محد صدكني)كال هاي القرنية بيهه جفاف ونطاني مرطب،بعد اسبوع الضلام زاد رحت لغيره كال عندي جلطة بوريد فرعي بالشبكية بسبب التهاب وجاي تنزف هسه،ومنا بدت رحلتي++
المشكلة جانت(شنو سبب الاتهاب الي سبب الجلطة)وجان اصعب مرحلة لان محد عرف شبيه،الدكتور كتبلي كومه تحاليل طلعت نكتف دزني على دكتور باطنية يدور سبب وكتبلي تحاليل طلعت طبيعية فدزني على دكتور اعصاب الي كتبلي رنين للدماغ والعمود الفقري ونطاني ٥ ابر كورتيزون بالوريد دمرت حياتي ++
و دزني على قسم MS(تصلب الاعصاب) بمدينة الطب وهناك لجنه شافوني وكالو مبيه شي وميعرفون سبب الاتهاب، رجعت ع دكتور العين راويته كل السويته كال ماكو شي نسوي بعد هذا التهاب بلا سبب ومؤقت هسه يروح ونطاني دوه وارجع بعد شهر، عيني تعبت وضلمت كلش لذلك رحت ع غير دكتور(ثالث واحد)++
راويته تحاليلي السابقة،دزني على تلوين الشبكية(حتى يعرف حجم الكارثة)،انصدم من شكل الجلطة وجانت أول مره اشوف شبكيتي ومن التعب والتأثر بجيت،حولني على دكتور(رابع)اختصاص شبكية، رحتله اخر شي هلكانه من الدكاترة وجنت ناويه وراها استسلم بعد،كالي متاخرة عينج منتهية فححيتله كم دكتور شفت++
رجعنه ع تحاليل لامراض ممعقولة وافتر مختبرات وكلهه نكتف، بهالاثناء عيني جاي تتاذه و ماكدر اخذ دوه لان ماعرف المرض شنو،اخر شي بقه السل، بشهر ٣/ ٢٠١٨ سويت تحليل واخيرا طلع عندياه ومن الفرحه طرت،كلت مهما جان اهم شي عرفته واخذ دوه،خلص فصل وبده فصل ثاني،الدوه جنت اخذه من المستوصف++
ولازم ما اكطعه ابد، وبابا جان بالتواسيل يجيب حبابه ازيد،اتذكر اول مره اخذته جان دوه قوي ومعدتي تاذت وتخربطت جانت٤حبوب سوه ع الريك لمده٩اشهر ومراجعه الدكتور كل اسبوعين،بعد شهرين عيني بدت تصير احسن فرحت،بس عيني الثانية صار بيهه التهاب وبيومهه انهاريت والدكتور ضل وياي ويهديني++
تعبت حيل،اعراضه جانت هواي،بس دكتوري ساعدني نفسيا كلش دعمني ولوما هو جان استسلمت من زمان،جان كلش حذر ومياخذ خطوة بدونما يستشير غير دكاترة، ومره اخذني ع استاذة ياخذ رأيه بالخطوة الوراها،اخر شي المفروض٢٠١٨/١٢ اخلص ادويه وبعيد ميلادي احتفل بانتصاري ع السل رغم ضرره بقه بالشبكية++
بس بشهر ٢٠١٨/١١ عرفت عندي سكر!وملحكت افرح بشفائي،وبما انه عندي إثر جلطة قديمة فاختلال السكر يأثر ع الاوعية الدموية وتنزف ع لحظة(٣ مرات نزفت اخر فترة)وكل التعب ينعاد من مراجعات وجلسات ليزر
الي تعلمته:
●انو السل اكو كامن(غير معدي):ممكن يكون بجسمك لسنه او اكثر وفجاءة يطلع على شكل++
الي تعلمته:
●انو السل اكو كامن(غير معدي):ممكن يكون بجسمك لسنه او اكثر وفجاءة يطلع على شكل++
إلتهاب بسبب جلطة او ضرر بالعين،بالكلية،بالعظم،بالدماغ، واكو نشط(معدي):يصير بالرئتين وهو الي اكثر شي معروف
●اجت ايام ماكدرت اشوف زين و أعثر من امشي ولا كدرت اخلي مكياج،ذبيت عدساتي ورموشي وسنة كاملة ماخليت مكياج لعيني، ومنهه اكتشفت انو جنت ضالمه جمال عيوني،لذلك قدروا وحبوا كل++
●اجت ايام ماكدرت اشوف زين و أعثر من امشي ولا كدرت اخلي مكياج،ذبيت عدساتي ورموشي وسنة كاملة ماخليت مكياج لعيني، ومنهه اكتشفت انو جنت ضالمه جمال عيوني،لذلك قدروا وحبوا كل++
تفصيلة صغيرة بيكم، ولتستهينون بأقل وابسط مرض،احموا نفسكم دائما لان الاتعس من المرض نفسه هو انو تتمرض وانت بالعراق لان اغلب الدكاترة هنا مالهم خلك وميتحاجون ولا يخلون احتمالات واسعة لأسباب لاسباب المرض
واخيرا للدكاترة:لتنسه الرحمة والشفقة والضحك ويه المريض لان رح تاخذ كل فلوسه!
واخيرا للدكاترة:لتنسه الرحمة والشفقة والضحك ويه المريض لان رح تاخذ كل فلوسه!
وهاي معلومات زايده الكم للتوعية
جاري تحميل الاقتراحات...